Саудия Арабистони чемпионатининг 9-турида "Ан-Наср" ўз майдонида "Ал-Халиж"ни мағлуб этди - 4:1.
Мезбонлар сафида Жоау Феликс ва Уэсли биринчи бўлимда гол муаллифи бўлди. Иккинчи бўлимда Садио Мане ва Криштиану Роналду таблога ўз исмини ёздириб қўйди. Португалиялик футболчи Саудия Премьер-лигасининг жорий мавсумида 10-голини урди.
Меҳмонлар сафида ягона гол Мурод Ал-Хавсауи ҳисобига ёзилди.
"Ан-Наср" қаторасига 9-ғалабасини қўлга киритди ва 27 очко билан Премьер-лига турнир жадвалида пешқадамлик қилмоқда. "Ал-Халиж" 14 очко билан 7-поғонадан жой олган.
