Хулиан Альвареснинг Мадриднинг «Атлетико» клубидан «Барселона»га ўтиш трансферининг тақдири ноаниқлигича қолмоқда.
The Touchline нашри журналист Виктор Наваррога таянган ҳолда хабар беришича, «кўк-анорранглилар» ўз таклифларини яхшилашни режалаштирмаяпти, аммо ҳозирча уни қайтариб олиш ниятида ҳам эмас. Аргентиналик футболчи Каталония гранди учун ҳужумчи позициясидаги ягона вариант бўлиб қолмоқда — айни вақтда бошқа жиддий номзодлар йўқ.
«Барселона»да Хулиан Альварес ташаббусни ўз қўлига олиб, «матрасчилар» раҳбариятидан трансферни маъқуллашни очиқчасига сўрайди, деб умид қилишмоқда. Transfermarkt порталида 26 ёшли футболчининг нархи 120 миллион еврога баҳоланмоқда.
