«Бавария» бош мураббийи Венсан Компани Жамал Мусиала ва Альфонсо Дэвис янги мавсумда жамоага катта ҳисса қўшишига ишонч билдирди.
Ҳар икки футболчи ўтган мавсумда жароҳатлар сабаб қийин даврни бошдан кечирди. Мусиала оғир жароҳатдан кейин аввалги ўйин ритмини тўлиқ тиклай олмаган бўлса, Дэвис ҳам хоч бойлами жароҳатидан кейин турли муаммолар туфайли бир неча бор сафдан чиқди.
Компани эса футболчилар атрофидаги шубҳаларга қўшилмаслигини таъкидлади.
«Менимча, вазият бошқача тус олиши мумкин деб ҳисоблаётганлар жуда кўп. Аммо бундай юқори даражадаги футболчилар қийинчиликлардан мотивация ола билишини яхши биламан.
Мен йигитларимиз шундай мавсум ўтказишини кутяпманки, бу бизга янада кучли бўлиш имконини беради», — деди Компани клуб матбуот хизматига берган интервьюсида.
Бельгиялик мураббий жамоанинг қолган аъзоларидан ҳам юқори талабларни кутмоқда.
«Барча рақибларимиз ғалабага чанқоқ. Бизда ҳеч қандай манманликка ўрин йўқ. Ўтган мавсумда нима бўлгани энди аҳамиятсиз.
Ўтган мавсумда нима бўлишидан қатъи назар, бу мавсум сиз учун энг яхшиси бўлиши мумкин. Биздаги менталитет ҳам шундай бўлиши керак», — дея қўшимча қилди Компани.
