"Manchester Yunayted" ispaniyalik "Portu" hujumchisi Samu Omorodionni sotib olmoqchi.
Futbolchini sotib olish mankunianliklarning yangi bosh murabbiyi Ruben Amorimning shaxsiy iltimosi. Qayd etilishicha, klub rahbarlari ispaniyalik yosh futbolchi bilan shartnoma imzolash g‘oyasini qo‘llab-quvvatlamoqda.
Manbaga ko‘ra, “qizil iblislar” Omorodion uchun 60 million yevro taklif qilishga tayyor. Omorodion "Portu" safida barcha musobaqalarda 17 ta o‘yin o‘tkazib, 14 ta gol urgan va bitta golli uzatmani amalga oshirgan.
