"Aston Villa" himoyachisi Ezri Konsa Premyer-liganing eng yaxshi klublaridan biriga o‘tishni ko‘zlamoqda.
The Touchline nashrining xabar berishicha, 28 yoshli futbolchi uchun "Liverpul" va "Arsenal" jamoalari raqobatlashishi mumkin, chunki ikkala klub ham himoyasini kuchaytirishga harakat qilmoqda. Biroq, "Aston Villa" asosiy o‘yinchilaridan birini qo‘yib yuborishni istamayapti va 70 million yevrodan kam takliflarni ko‘rib chiqmaydi.
O‘tgan mavsumda Konsa barcha musobaqalarda 48 ta o‘yinda maydonga tushib, ikki marta gol urgan. U bu o‘yinlarning 46 tasida asosiy tarkibda maydonga tushgan va atigi ikki marta zaxiradan maydonga tushgan.
