• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Angliya Premyer-ligasi-2016/2017

Matn

90+6'		O‘yin yakunlandi. Juda qiziqarli kechgan bahsda Gvardiola safar Mourinyoni mag‘lubiyatga uchratdi
90+6'		Vuuuuh! Jarima maydonchasiga yetkazilgan uzatmaga berilgan zarba natijasida to‘p Bravodan o‘tib ketdi, Otamendi darvoza oldidan to‘pni tepib yubordi!
90+5'		Fernandinyo sariq kartochka oldi
90+5'		Mezbonlar raqib jarima maydonchasi ketma-ket uzatmalar berishmoqda. "Siti" futbolchilari amallab himoyalanishmoqda
90+3'		To‘p burchakdan o‘yinga kiritilgan vaziyatda Pogba Bravoga nisbatan fol ishlatdi
90+3'		Vuuuuuh! Zlatan jarima maydonchasi chizig‘i ustida zarba berdi. To‘p rekoshet holatida ustun yonidan o‘tib ketdi!
90+2'		Mezbonlar so‘nggi kuch bilan oldinga tashlanishmoqda. Ibraning zarbasi noaniq chiqdi
90'		Ikkinchi bo‘limga 5 daqiqa qo‘shildi
90'		"Siti"da o‘zgarish: Kevin de Bryuyne o‘rniga Pablo Sabaleta tushmoqda
87'		Mezbonlarda yaxshi vaziyat! Blind yetkazgan uzatmani maydon egalaridan biri bosh bilan raqib darvozabon maydonchasiga yetkazdi. Runi darvozabon qarshisida yolg‘iz qolgandi, ammo bosh bilan zarba berishga ulgurmadi. Himoyachi to‘pni qaytarib qoldi
86'		Vuuuh! Fernandinyo Bayining oyoqlari orasida to‘pni o‘tkazib, deyarli birga bir vaziyatga chiqib ketdi. Biroq zarba berishga ulgurmadi. Blind yordamga keldi
85'		Nolito ofsaydda qoldi
83'		Ueyn Runi sariq kartochka oldi. Bravo uni aldab o‘tdi va to‘pni yon tomonga yetkazdi. Hujumchi darvozabonning oyog‘i tagiga tashlanib, uni tepdi
81'		"MYu"da o‘zgarish bo‘ldi. Maydonga Antoni Marsial tushdi
81'		Vuuuh! Nolito chap qanotdan jarima maydonchasiga kirdi va olis burchak tomon zarba berishga urindi. Noaniq
79'		De Bryuyne yo‘llagan zarba noaniq bo‘ldi
78'		"Siti" jarima zarbasi tepadi. Darvozagacha 22 metr
77'		Ibrahimovich va Nolito bir martadan ofsaydda qolishdi
76'		"Siti"da yana bir xavfli vaziyat! De Bryuyne chap qanotdan yerlatib uzatma berdi. David Silva 15 metrlardan zarba berdi. To‘p shundoqqina to‘sin ustidan o‘tib ketdi
75'		VUUUUUH! Qarshi hujumda Leroy Sane to‘pni egallab, biroz pauza qildi va jarima maydonchasiga kirgan De Bryuynega uzatma berdi. Kevin yo‘llagan zarba natijasida to‘p yaqin ustunga tegib, darvoza chizig‘i bo‘ylab dumaladi va narigi ustun yonidan o‘tib, maydonni tark etdi!
74'		Endi "MYu" ikki marta burchak to‘pini o‘yinga kiritdi. Mehmonlar xavfni bartaraf etishdi
73'		Navbatdagi ketma-ket ikkita burchak to‘pi ham xavfli bo‘ldi. Bosh bilan berilgan zarbani "MYu" posboni egalladi
72'		Vuuuuuh! Burchadkna yetkazilgan uzatmaga Fernandinyo zarba berdi. Zarbani De Xea qaytardi va to‘pni qo‘lidan chiqarib yubordi. O‘sha joyda turgan Otamendining zarbasini David qaytardi
70'		GOOOL emas! Olis masofadan oldinga yetkazilgan uzatmaga Rashford yugurib yetib oldi va jarima maydonchasiga kirib, zarba berdi. To‘p toza ofsaydda turgan Ibrahimovichning tizzasiga tegib, to‘rga tushdi. Tabiiyki, gol inobatga olinmaydi
68'		Sane jarima maydonchasining o‘ng tomonidan narigi tomonga uzatma berdi. De Xea to‘pni egalladi
66'		Olis masofadan jarima maydonchasi yaqiniga yetkazilgan uzatma uchun kurashda Fellayni ustun keldi. Natijada Zlatan 15 metrlardan zarba yo‘lladi. To‘p yuqoridan o‘tib ketdi
64'		O‘ng qanotdan yetkazilgan uzatmani Bravo egalladi
63'		Ueyn Runi olis masofadan zarba berdi. Noaniq
61'		Qarshi hujumda Kevin de Bryuyne jamoadoshlaridan uzatma qabul qildi va raqib jarima maydonchasining chap tomonida bir himoyachidan o‘tib, o‘tkir burchak ostida zarba berdi. David de Xea to‘pni egalladi
60'		"Siti"da o‘zgarish: Rahim Sterling o‘rniga Leroy Sane tushdi
56'		"Shaharliklar" o‘z jarima maydonchalari yaqinida to‘pni nazorat qilishdi va Bravoga uzatma berishdi. Klaudio o‘zi tomon kelgan Errerani aldashga qaror qildi va qaltis vaziyatga tushib qoldi. Posbon Runi bilan to‘p uchun kurashdi va Ueyn jarohat olganganga o‘xshayapti
55'		Mehmonlar maydon egalarining shashtini pasaytirish maqsadida to‘pni ko‘proq nazorat qilishga urinmoqda
53'		"Siti"da o‘zgarish: Ixeanacho o‘rniga Fernando tushdi
52'		Maruan Fellayni ogohlantirish oldi.
51'		Zlatan Ibrahimovich ogohlantirish oldi.
47'		Vuuuuh! Rashford Sanyadan o‘tib ketdi va chap qanotdan jarima maydonchasiga kirib, darvozabon maydonchasi chizig‘i ustida ochilgan Ibrahimovichga uzatma berdi. Zlatan yo‘llagan zarba yuqori ko‘tarilib ketdi.
46'		"MYu"da o‘zgarish bo‘ldi. Jessi Lingard o‘rniga Markus Rashford tushdi.
46'		Ikkinchi bo‘lim boshlandi.
45+3'		Birinchi bo‘lim yakunlandi. Hozircha "MYu" - "Siti" 1:2. Ajoyib o‘yin. Tanaffus
45+2'		VUUUUUH! Mezbonlar ajoyib imkoniyatdan foydalana olishmadi! "Siti" jarima maydonchasiga kirayotgan Ibrahimovich tomon uzatma berildi. Sanya hujumchi yo‘lini gavdasi bilan to‘sib, to‘pni Bravo egallashi uchun sharoit yaratishga urindi, ammo Bakari Zlatan bilan kurash chog‘ida maydona yiqildi. Klattenburg hushtak chalmadi va Ibra Runiga pas berdi. "MYu" sardorining zarbasini darvoza chizig‘i ustida turgan himoyachi qaytarishga muvaffaq bo‘ldi!
45+1'		Vuuuuh! Mehmonlar himoyada qo‘pol xatoga yo‘l qo‘yishdi. Runi to‘pni egallab oldinga o‘tdi va olis ustun tomon uzatma berdi. Zlatan o‘kir burchak ostida bosh bilan zarba berdi. Bu safar Bravo bexato o‘ynadi va to‘pni egalladi
45+1'		Erik Bayi sariq kartochka oldi
44'		Nolito chap qanotda belgilangan jarima to‘pini raqib darvozasi yaqiniga yetkazdi. De Xea to‘pni egallab oldi
42'		GOOOOOOL! Zlatan Ibrahimovich, 1:2! Jarimadan yetkazilgan uzatmani qabul qilish chog‘ida Bravo to‘pni qo‘lidan chiqarib yubordi. O‘sha joyda turgan shvesiyalik hujumchi aniq zarba bilan darvozani ishg‘ol qildi!
41'		David Silva sarqi kartochka oldi. Maydon markaziga yaqin joyda raqib futbolchisini ortdan tepib yiqitdi
39'		Mourin jamoasining o‘yini qovushmayapti. "Shaharliklar" raqibidan har tomonlama ustunlik qilmoqda
36'		GOOOOOOOL! Kelechi Ixeanacho, 0:2! Sterling va Ixeanacho qisqa paslar orqali jarima maydonchasiga kirib kelishdi, ammo Bayi to‘pni biroz chaproqqa qaytardi. Kevin de Bryuyne to‘pni egalladi, ikki himoyachini chalg‘itib, o‘tkir burchak ostida zarba berdi. To‘p olis ustunga tegib qaytdi va Kelechi Ixeanacho 5 metrdan darvozani ishg‘ol qildi. De Bryuyne zarba berayotgan paytda Blind orqada qolib ketgan ekan. Shu bois ofsayd yo‘q!
33'		De Bryuyne raqib jarima maydonchasi tashqarisida to‘pni egalladi va o‘ng tomondan ichariga kirayotgan Sterlingga uzatma berdi. Rahim to‘pni Kevinga qaytardi, ammo Blind to‘pni egallab oldi
30'		Mehmonlarning hujumi paytida himoyachilar to‘pni qaytarishdi. Fernandinyo to‘pni yerga tushirmasdan darvoza tomon tepdi. To‘p to‘sin ustidan o‘tib ketdi
28'		Xavfli vaziyat! Himoya chizig‘idan Blind bergan uzatma natijasida Mxitaryan yakkama-yakka vaziyatga chiqib ketdi. U Bravoni aldab o‘tayotganida chililik darvozabon yarim himoyachini itarib yiqitdi. "Siti" baxtiga Genrix ofsaydda qolgandi
27'		Nolito chap qanotda himoyachilarni aldab mezbonlar jarima maydonchasga kirdi, ammo o‘zi fol ishlatdi
25'		Mourinyo shogirdlarining kam sonli hujumlaridan biri. Mxitaryan o‘ng qanotdan raqib jarima maydonchasiga uzatma berdi. To‘p Ixeanachoga tegib qaytdi
24'		Vuuuh! Nolito jarima maydonchasiga kirgan Sterlingga uzatma berdi. Rahim Bayiga urilib yiqildi. Fol yo‘q
22'		Gvardiola shogirdlari to‘pni nazorat qilib, raqib darvozasiga bosim uyushtirishmoqda
19'		Zlatan himoyachilarni aldab, chap qanotdan jarima maydonchasiga kirdi, ammo himoyachi to‘pni maydon tashqarisiga tepib yubordi. Burchak to‘pi xavfli bo‘lmadi
15'		GOOOOOOOL! Kevin de Bryuyne, 0:1! "Siti" himoyachisi o‘z jarima maydonchasi yaqinidan to‘pni oldingi chiziqqa tepdi. Maydon markazida Ixeanacho to‘pni bosh bilan urdi. To‘pni Blind egallashi kutilayotganida de Bryuyne o‘g‘irlab ketdi va yakkama-yakka vaziyatda darvozani ishg‘ol qildi.
13'		"Yunayted" qarshi hujumdan foydalana olmadi. Mehmonlar Mxitaryandan to‘pni olib qo‘yishdi
11'		Mehmonlar maydon markazida to‘pni egallashdi va de Bryuyne Ixeanacho tomon uzatma berdi. Kelechi raqib jarima maydonchasiga kirdi, ammo to‘pni oldirdi
10'		Jarima zarbasini Kolarov yo‘lladi. Ancha noaniq
9'		"MYu" jarima maydonchasi yaqinida Bayi de Bryuyneni chalib yiqitdi
7'		"MYu"ning xavfli qarshi hujumi. Runi yetkazgan uzatmani Mxitaryan egalladi va Pogbaga pas berdi. Pol 25 metrlardan bergan zarba natijasida to‘p darvoza ustidan o‘tib ketdi
6'		"Siti" bu safar chap tomondan hujum tashkil qildi. Sterling jarima maydonchasiga kirdi va to‘pni orqaroqqa yetkazdi. Mezbonlar to‘pni egallab olishdi
6'		Nolito raqib jarima maydonchasiga uzatma berdi. Sterling to‘pni egallay olmadi
5'		David Silva burchak to‘pini o‘yinga kiritdi. Xavfli vaziyat yuzaga kelmadi
3'		Dastlabki hujumni va xavfli hujumni mehmonlar uyushtirishdi. Otamendi maydon markazidan oldinga uzatma berdi. Kevin de Bryuyne chap qanotdan jarima maydonchasiga kirdi va darvoza yaqiniga uzatma berdi. Himoyachilar to‘pni qaytara olishmadi. Mezbonlarning baxtiga "shaharliklar" ham darvoza tomon zarba bera olishmadi
0'		"MYu" va "Siti" o‘rtasidagi o‘yin boshlandi!
'		"Old Trafford" boshlanayotgan o‘yinni biz bilan kuzatib borishga taklif etamiz
'		Bu bahsga ko‘proq Mourinyo-Gvardiola to‘qnashuvi sifatida baho berishmoqda
'		Assalomu alaykum, qadrli futbol muxlislari! Angliya Premyer-ligasining 4-turi doirasida Manchester shahrining ikki jamoasi to‘qnash kelishmoqda