• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Yoshlar (U19) o‘rtasida Osiyo chempionati

Matn

90+5'		O‘yin yakunlandi. O‘zbekiston yoshlar terma jamoasi qit’a chempionatidagi ilk bahsda irodali g‘alabani qo‘lga kiritdi. Tabriklaymiz
90+4'		Vahdan Hanonov ogohlantirish oldi
90+3'		To‘p ikki marta Tojikiston jarima maydonchasiga yetkazildi. Himoyachilar qaytarishdi
90'		Ikkinchi bo‘limga 4 daqiqa qo‘shildi
89'		O‘zbekistonliklar to‘pni nazorat qilishmoqda
87'		Saidjamol chap qanotdan uzatma berdi. To‘p o‘zbekistonliklargacha yetib kelmadi
86'		Tojikistonda o‘zgarish: Panshanbe o‘ringa Hojiboy Ziyoyev tushirildi
85'		Burchak to‘pini o‘yinga kiritdik. Himoyachilar to‘pni qaytarishdi. Olis masofadan berilgan zarba noaniq bo‘ldi
83'		Yaxshiboyev sherigi bilan "devor" o‘ynab, raqib jarima maydonchasiga kirdi, ammo to‘pni oldirib qo‘ydi
82'		Qarshi hujumdan foydalana olmadik
80'		Vuuuh! O‘ng qanotdan jarima to‘pi o‘yinga kiritildi. Abduxoliqov raqib darvozabon maydonchasi chizig‘i ustida bosh bilan zarba berishga urindi. To‘p uning boshiga tegmay qoldi. Xayriyev bir amallab to‘pni qaytarib qoldi
78'		Ehh, Avilov! U chap qanotda bir himoyachini aldab jarima maydonchasiga kirdi. Ammo na aniq zarba berdi, na uzatma. To‘p darvoza ustidan o‘tib ketdi
76'		Islomjon Qobilov ancha olis masofadan o‘ta noaniq zarba berdi
73'		GOOOOOOOOOL! Jasurbek Yaxshiboyev, 2:1! O‘ng qanot yarim himoyachimiz markaz tomon surildi va chap oyoqda olis burchakni aniq nishonga oldi! Hisobda oldinga chiqib oldik!
72'		VUUUUUH! Alijonov olis masofadan zarba yo‘lladi. To‘p ustunga tegib qaytdi. Qaytgan to‘pni futbolchimiz darvoza tomon tepa olmadi
70'		Vuuh! O‘ng qanotdan yetkazilgan uzatmani Abduxoliqov jarima maydonchasi ichida qabul qildi va bir himoyachini aldab zarba berdi. To‘p himoyachidan maydonni tark etdi
67'		GOOOOOOL! Saidjamol Davlatjonov, 1:1! Terma jamoamiz qisqa paslar orqali chap tomondan jarima maydonchasiga kirishdi. Futbolchimiz bir himoyachini aldadi va o‘ng oyoqda olis burchakni aniq nishonga oldi
64'		Ehhh, Abduxoliqov! Alijonovning uzatmasini Bobur 11 metrli nuqta ustida ko‘kragi bilan qabul qildi va zarba berdi. To‘p yo‘liga himoyachi g‘ov bo‘ldi
62'		Muhitdinov olis masofadan zarba berdi. To‘p himoyachilardan o‘tmadi
61'		Keyingi hujumda Alijonov olis masofadan zarba berdi. Xayriyev to‘pni egalladi
60'		Jarima zarbasi jonli devordan nariga o‘tmadi
59'		Jarima zarbasi tepamiz. Darvozagacha 28 metr
58'		G‘aniyev 40 metrlardan befoyda zarba yo‘lladi va to‘pni Xayriyevga sovg‘a qildi
55'		Tojikistonning xavfli qarshi hujumi. Maydon markazida to‘pni egallagan futbolchi jarima maydonchamiz oldigacha yaqinlashib keldi va zarba berdi. Ergashev to‘pni egallab oldi
52'		Yaxshiboyev jarima maydonchasi chizig‘i oldidan zarba berishga muvaffaq bo‘ldi. To‘p to‘sin ustidan o‘tib ketdi
51'		Abduxoliqov jarima maydonchasi tashqarisidan zarba berdi. To‘p himoyachidan o‘tmadi
49'		Sharof Muhitdinov jarima maydonchasi tashqarisidan chap oyoqda zarba berishga muvaffaq bo‘ldi. Noaniq
48'		Tojikiston yaxshi himoyalanishda davom etmoqda
46'		Ikkinchi bo‘lim boshlandi
46'		O‘zbekistonda tarkibida o‘zgarishloar bo‘lmoqda. G‘anijonov o‘ringa Bobur Abduxoliqov, To‘xtasinov o‘rniga Jamshid Yusupov va Sanjar Qodirqulov o‘rniga Saidjamol Davlatjonov tushdi
45+3'		Birinchi bo‘lim yakunlandi. O‘zbekiston - Tojikiston - 0:1. Tanaffus
45+2'		Sanjar Qodirqulov burchak to‘pini o‘yinga kiritdi. Xayriyev to‘pni egallab oldi
45'		Birinchi bo‘limga 3 daqiqa qo‘shildi
44'		Birinchi bo‘limda bir marta berilgan zarba Tojikiston darvozasi ustuniga tegib qaytganini inobatga olmaganda, termamizning o‘yini chiqmadi
41'		O‘ng qanotdan yetkazilgan uzatmani tojik darvozaboni egallab oldi
40'		Nazarimizda, O‘zbekiston termasiga dispecher yetishmayapti
36'		Abduraimov shogirdlari raqib mudofaasini yorib o‘ta olishmayapti
34'		Terma jamoamiz hujum tashkil qilmoqda, ammo xavfli vaziyat yarata olmayapti
31'		Oybek Rustamov sariq kartochka oldi. Nazarimizda, vaziyat "sariq"qa tortmasdi
28'		Sharof Muhiddinov sariq kartochka oldi
25'		Futbolchimiz jarima maydonchasi tashqarisidan zarba berdi. To‘p himoyachilarga tegib qaytdi
24'		Yaxshiboyev o‘ng qanotdan raqib jarima maydonchasiga uzatma berdi. Himoyachilar to‘pni qaytarishdi. Raqiblarimiz ko‘pchilik bo‘lib zich himoyalanishmoqda
20'		GOL! Karomatillo Saidov, 0:1! Tojikistonliklar chiroyli gol urishdi. Jarima maydonchasiga yetkazilgan uzatmaga Saidov 14 metrlardan bosh bilan zarba berdi. To‘p Ergashevning ustidan oshib o‘tib, to‘rga borib tushdi
18'		Yaxshiboyev o‘ng qanotdan raqib jarima maydonchasiga yerlatib uzatma berdi. Tojikistonlik himoyachilar to‘pni qaytarishdi
14'		Futbolchilarimizdan biri olis masofadan zarba yo‘lladi. Xayriyev to‘pni egallab oldi
12'		Jarima maydonchamiz ichiga kirayotgan Muhammadjoniyga uzatma berdi. Hasan to‘pga yeta olmadi. To‘pni Umidjon Ergashev egallab oldi
11'		Burchakdan yetkazilgan uzatmani tojikistonliklar qaytarishdi
10'		Azizjon G‘aniyev olis masofadan jarima zarbasi tepdi. To‘p tojikistonliklardan maydonni tark etdi
7'		VUUUUUUUH! To‘xtasinov 22 metrlardan zarba berdi. To‘p ustunga tegib qaytdi! Takroriy zarba naoniq chiqdi
5'		O‘zbekistonliklar bosimni oshirib borishmoqda. Yaxshiboyev ikki-uch futbochlini aldab, jarima maydonchasiga kirdi, ammo zarba berishga ulgurmadi
4'		Terma jamoamiz ustunlikni qo‘lga olishga urinmoqda
0'		O‘yin boshlandi. To‘pni o‘yinga O‘zbekiston yoshlar terma jamoasi kiritib berdi
'		Har ikkala terma jamoa aylana hosil qilib, o‘yinga so‘nggi ruhiy tayyorgarlik ko‘rmoqda
'		Terma jamoalar maydonga chiqishdi va mamlakatlar madhiyasi yangradi
'		Qadrli futbol muxlislari! O‘zbekiston yoshlar terma jamoasi o‘zining qit’a chempionatida ishtirokini boshlamoqda. Dastlabki raqibimiz - Tojikiston