• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Yoshlar (U19) o‘rtasida Osiyo chempionati

Matn

90+5'		O‘yin yakunlandi. Avstraliya - O‘zbekiston - 2:3! Terma jamoamiz o‘z guruhida 1-o‘rin bilan muddatidan avval chorak final yo‘llanmasini qo‘lga kiritdi
90+3'		GOL! Jorj Blekvud, 2:3!
90+3'		BAAlik hakam yana darvozamiz tomon penalti belgiladi
90+2'		Azizjon G‘aniyev sariq kartochka oldi
90'		Ikkinchi bo‘limga 4 daqiqa qo‘shildi
90'		Alijonovga maydon chetida tibbiy yordam ko‘rsatilyapti
89'		Tariq Mayya sariq kartochka oldi
86'		Vaqtni cho‘zgani uchun Umidjon Hamroyev sariq kartochka oldi
85'		Avstraliya burchak to‘pini o‘yinga kiritdi. Hamroyev musht bilan to‘pni urib yubordi
84'		O‘zbekistonda o‘zgarish: Jasurbek Yaxshiboyev o‘rniga Saidjamol Davlatjonov maydonga tushdi
83'		Yaxshiboyev yo charchadi, yoki jarohat oldi, unga tibbiy yordam ko‘rsatilmoqda
81'		O‘zbekistonda o‘zgarish: Doston Ibragimov o‘rniga Shohrux Mahmudhojiyev tushirildi
80'		Ibragimov darvozabon bilan birga-bir vaziyatga chiqdi va Glover bilan to‘qnashib ketdi. Unga tibbiy yordam ko‘rsatilmoqda
77'		Jamoamiz yaxshi himoyalanmoqda
75'		Raqibimiz yana bir burchak to‘pini o‘yinga kiritdi. Bandeyra jarima maydonchasi burchagidan noaniq zarba yo‘lladi
72'		Olisdan yo‘llangan zarba natijasida to‘p rekoshet holatida ustun yonidan o‘tib ketdi. Avstraliya burchak to‘pi tepadi
71'		Ehhh, Ibragimov sal tezroq uzatma berganida, Yaxshiboyev birga bir vaziyatga chiqib ketardi
70'		Raqiblarning xatosidan keyin Muhiddinov to‘pni egallab oldi va 18 metrlardan zarba berdi. To‘p himoyachiga tegib qaytdi
69'		O‘zbekistonda o‘zgarish: Bobur Abduxoliqov o‘rniga Javohir Esonqulov tushirildi
68'		Yaxshiboyev bir o‘zi oldinga bordi va burchak to‘pi ishladi
67'		Avstraliyada o‘zgarish: Jord Xristos Timotu o‘rniga Tariq Mayya tushdi
66'		Chap qanotdan yetkazilgan uzatmani Hamroyev egallab oldi
64'		GOL! Liam Yulley, 1:3!
63'		Darvozamiz tomon penalti belgilandi. Antoni jarima maydonchamiz ichida yiqilishni o‘xshatdi. Azizjon G‘aniyev uning yelkasi qo‘lini qo‘yishi bilan futbolchini o‘zini tashlab yubordi
62'		Antoni jarima zarbasini tepdi. Tp jonli devorga tegib qaytdi
60'		Avilov zambilda maydondan olib chiqib ketildi
58'		Chempnes Hamroyevga nisbatan xavfli tashlandi
57'		Avstraliyaliklar jarimadan yetkazgan uzatmani futbolchilarimiz bartaraf etishdi
56'		O‘zbekiston yoshlar terma jamoasi sardori Islomjon Qobilov ikkinchi sariq kartochkani olib, maydonni tark etdi
54'		Yaxshiboyev yana o‘z qanotidan jarima maydonchasiga kirdi va darvozabon maydonchasiga uzatma berdi. Glover to‘pni egallab oldi
53'		Jorj Blekvud darvozabonimizga nisbatan fol ishlatdi
47'		Jarimadan yetkazilgan uzatmaga avstraliyalik futbolchi bosh bilan zarba berdi. To‘p darvoza ustidan o‘tib ketdi
46'		GOOOOOOOOOL! Doston Ibragimov, 0:3! Yaxshiboyev Neymar uslubida pas berib, jarima maydonchasidagi Abduxoliqovga uzatma berdi. Boburning zarbasi himoyachiga tegib qaytadi. Ibragimov esa 10 metrlardan kuchli zarba bilan darvozani ishg‘ol qildi
46'		Ikkinchi bo‘lim boshlandi
45+3'		Birinchi bo‘lim yakunlandi. Tanaffus. Hozircha 2-0 hisobida oldindamiz
45+2'		Jarima zarbasi xavfli bo‘ldi. Bandeyra yo‘llagan zarba natijasida to‘p yaqin ustun yonidan o‘tib ketdi
45+1'		Islomjon Qobilov sariq kartochka oldi
45'		Birinchi bo‘limga 3 daqiqa qo‘shildi
44'		Burchakdan yetkazilgan uzatmaga Prasad bosh bilan zarba berdi. To‘p darvoza ustidan o‘tib ketdi
43'		Avstraliya burchak to‘pi ishladi. Zarbani o‘ziga qabul qilgan Alijonovga tibbiy yordam ko‘rsatilishi kerak
42'		Azizjon G‘aniyev negadir bu safar ham chap qanotda belgilangan jarima to‘pini to‘g‘ri darvoza tomon tepdi. Glover to‘pni egallab oldi
40'		GOOOOOOOOL! Doston Ibragimov, 0:2! Yaxshiboyev o‘ng qanotdan jarima maydonchasi kirdi va sheriklariga uzatma berdi. Abduxoliqov to‘pni ataylab o‘tkazib yubordi va Ibragimov 14 metrlardan zarba berib, darvozani ishg‘ol qildi
39'		Avstraliyaliklar jarima to‘pini jarima maydonchamizag yetkazishdi. Futbolchilarimiz xavfni bartaraf etishdi
36'		Vuuuuuh! Jarimadan yetkazilgan uzatma Dengga kelib tushdi. Raqib sardori zarba berishga ulgurmadi, Hamroyev to‘pni egallab oldi
35'		Avilov o‘z jarima maydonchamiz yon tomonida Champnesga nisbatan fol ishlatdi
34'		Ehhhh, Abduxoliqov! Muhiddinov raqibdan to‘pni olib qo‘ydi va jarima maydonchasiga kirayotgan "Nasaf" hujumchisiga uzatma berdi. Boburning zarbasidan keyin to‘p to‘rga yon tomondan tegdi xolos
33'		Chamnes ogohlantirish oldi
32'		Yaxshiboyev o‘z qanotida himoyachini ancha qiynamoqda. U jarima maydonchasiga kirdi va Abduxoliqovga uzatma berdi. Bobur to‘pni to‘xtata olmadi va vaziyatni qo‘ldan chiqardi
31'		Muhiddinov olis masofadan zarba berishga urindi, ammo to‘p uning oyog‘iga tegmay qoldi
28'		GOOOOOOOL! Bobur Abduxoliqov, 0:1! Maydon markazida futbolchilarimiz to‘pni egallab olib, qarshi hujumni ajoyib kombinasiya orqali golga aylantirishdi! Barakalla!
27'		Qarshi hujum paytida Doston Ibragimov chap qanotda bir himoyachidan o‘tib ketishga urindi, ammo yiqildi. BAAlik hakam hushtak chalmadi
26'		To‘pni Avstraliya yoshlari ko‘proq nazorat qila boshlashdi
22'		Yashil qit’a vakillari jarima to‘pini o‘yinga kiritishdi. Hujumchi bosh bilan berishi natijasida to‘p yuqoriga ko‘tarildi. Hamroyev to‘pni urib yubordi
21'		Ikkita yaxshi hujum tashkil qildi. Avval Yaxshiboyev o‘ng qanotdan jarima maydonchasiga kirib, uzatma berdi. Himoyachi to‘pni qaytardi. Keyingi hujumda Ibragimov chap qanotdan darvoza oldiga uzatma berdi. Glover to‘pni egallab oldi
20'		Avstraliya burchak to‘pini o‘yinga kiritdi. To‘p hech kimga tegmay, maydonni tark etdi
17'		Yaxshiboyev o‘ng qanotda bir himoyachidan o‘tib ketib, jarima maydonchasiga kirdi, ammo na sheriklariga uzatma berdi, na yana bir himoyachini aldab o‘tdi
16'		Avstraliyada o‘zgarish: Kuzmanovski o‘rniga Jayden Prasad tushdi
14'		Avstraliyalik futbolchi Stiv Kuzmanovski jarohat oldi. Uni zambilda maydondan olib chiqib ketishdi
10'		Maydonda tashabbus uchun kurash kechmoqda. Jamoalar himoyaga yotish haqida o‘ylashmayapti
7'		Vuuh! Avstraliya ketma-ket burchak to‘pini o‘yinga kiritdi. Dastlabkisida himoyachimiz bosh bilan to‘pni maydon tashqarisiga chiqarib yubordi. Ikkinchi zarbada esa to‘p Hamroyevning ustidan oshib o‘tib, olis ustun yonginasidan o‘tib ketdi. To‘p darvozaga kirib ketishiga sal qoldi
6'		Avstraliyalik hujumchi ofsaydda qoldi
5'		Burchakdan yetkazilgan uzatmaga futbolchilarimizdan biri bosh bilan zarba berdi. Noaniq
5'		Vuuuuuh! Yaxishboyev ijrosida ajoyib zarba! To‘qqizlikka kirayotgan to‘pni Glover yuqoriga ko‘tarib yubordi
4'		Uzoq masofadan yetkazilgan uzatmani avstraliyalik himoyachi o‘tkazib yubordi va shundan so‘ng Abduxoliqovni tortib yiqitdi
3'		Jarimadan yetkazilgan uzatmani himoyachimiz bosh bilan qaytardi
3'		O‘ng burchakka yaqin joyda Qobilov fol ishlatdi. Avstraliya jarima zarbasini tepadi
2'		Chap qanotda belgilangan jarima zarbasini G‘aniyev to‘pdi. To‘p yaqin ustun yonidan o‘tib ketdi
1'		Terma jamoamiz to‘pni o‘yinga kiritdi va uni darhol oldinga chiziqqa yetkazishdi. Abduxoliqov uzatmaga yeta olmadi. To‘pni Glover egallab oldi
1'		O‘yin boshlandi!
'		O‘yin boshlanishiga barcha narsa shay
'		Terma jamoalar maydonga chiqib kelishdi hamda O‘zbekiston va Avstraliya madhiyalari yangraydi
'		Assalomu alaykum, qadrli futbol muxlislari! Yoshlar o‘rtasidagi Osiyo chempionatida 2-tur o‘yinlari yakunlanib bormoqda. O‘zbekiston yoshlar terma jamoasi Avstraliyaga qarshi maydonga chiqadi