• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Ispaniya liga ligasi-2016/2017

Matn

90+6'		O‘yin yakunlandi. "Barselona" so‘nggi daqiqada penaltidan urilgan gol evaziga g‘alabani ilib ketdi
90+5'		Golni nishonlash paytida tribunadan butilka uchib keldi va Neymarning boshiga tegdi
90+3'		GOOOOOL! Lionel Messi, 2:3! Argentinalik futbolchi burchakka yerlatib zarba berdi, Alves zarba yo‘nalishini topdi, ammo zarbani qaytara olmadi
90+2'		PENALTI! "Valensiya" darvozasiga! Kataloniyaliklar so‘nggi hujumni uyushtirishdi. Messi Neymar bilan o‘zaro "devor" o‘ynab, Luis Suaresga pas berdi. Abdennur Suaresni chalib yiqitdi. Ayman sariq kartochka oldi.
90'		Malyenko ikkinchi bo‘limga 2 daqiqa qo‘shib berdi
90'		Messi jarima to‘pini o‘yinga kiritdi. Mangalya to‘pni qaytardi. Takroriy uzatma paytida Abdennur bosh bilan to‘pni qaytardi.
86'		Uhhhh! Parexo burchak to‘pini o‘yinga kiritdi. Mangalya yiqilib tushganiga qaramay, o‘rnidan turdi va 7 metrlardan zarba berdi. To‘p himoyachiga tegib qaytdi va Naniga bordi. Luish 16 metrlardan unchalik yaxshi zarba bera olmadi. Munir 20 metrlardan zarba berganidan keyin to‘p ter Shtegenning qo‘liga kelib tushdi.
85'		Santi Mina chap qanotdan jarima maydonchasiga kirdi, ammo Serji Roberto to‘pni maydon tashqarisiga chiqarib yuborishga ulgurdi
82'		Ehhhh, Nani! Qulay vaziyatdan foydalana olmadi! Dani Parexo chap qanotdan oldinga o‘tdi va bo‘sh hududga uzatma berdi. Nani uzatmaga yetib keldi va 13 metrlardan darvoza tomon zarba berdi. To‘p ustun yonidan o‘tib ketdi!..
78'		Messi markazdan oldinga yurdi va o‘ng qanotda ochilgan Denis Suaresga uzatma berdi. Uning jarima maydonchasiga uzatmasi Abdennurga tegib, maydonni tark etdi
77'		Jarima zarbasini Luis Suares tepdi. To‘p yuqoridan o‘tib ketdi
76'		Enso Peres sariq kartochka oldi. U jarima maydonchasi yaqinida Neymarni chalib yiqitdi
73'		Lionel Messi ogohlantirish oldi. Oyog‘i bilan Abdennurni yiqitdi.
71'		"Barselona"da o‘zgarish: Andre Gomesh o‘rniga Denis Suares tushdi. Endi maydonda 3 nafar Suares bor
71'		"Valensiya"da uchinchi o‘zgarish: Rodrigo o‘rniga Santi Mina tushdi
70'		Messi jarima zarbasini yo‘lladi. To‘p darvoza ustidan o‘tib ketdi
69'		Mario Suares Neymarni chalgani uchun sariq kartochka oldi. Jarima maydonchasi yaqinidan jarima zarbasi
66'		O‘yin tempi biroz tushdi. Jamoalar shoshmasdan harakat qilishmoqda
63'		GOOOOOL! Luis Suares, 2:2! Neymar burchak to‘pni darvozabon maydonchasi chizig‘i ustiga yetkazdi va Rakitich havodagi to‘p uchun kurashda g‘olib chiqib, bosh bilan zarba berdi. Diyego Alves yana ajoyib reaksiya bilan to‘pni qaytardi. Luis Suares to‘pni egalladi va kuchli zarba bilan darvozani ishg‘ol qildi. Alves bu safar ojiz qoldi.
56'		GOOOOL!!! Rodrigo, 2:1! Mezbonlar burchak to‘pini o‘yinga kiritishdi va to‘pni o‘zlarida saqlab qolishdi. Nani to‘pni egalladi va darvozabon maydonchasi chizig‘i oldiga uzatma berdi. Rodrigo himoyachidan chaqqonroq harakat qilib to‘pni darvozaga joyladi.
52'		GOOOOOL! Munir el-Haddodiy, 1:1! Sen urmasang, senga urishadi. O‘zingniki uradi! Konselu qanotdan to‘pni qabul qildi va jarima maydonchasiga uzatma berdi. Munir 11 metrli nuqta ustidan chiroyli zarba bilan darvozani ishg‘ol qildi!
50'		Ehhh, Rakitich! Messi to‘p bilan markaz bo‘ylab oldinga o‘tdi va jarima maydonchasi oldida to‘pni Neymarga qoldirdi. Braziliyalik futbolchi to‘pni o‘ng oyog‘iga to‘g‘rilab oldi va 18 metrlardan yerlatib zarba berdi. Diyego Alves seyv orqali zarbani qaytardi va to‘pni Rakitich egalladi. Uning kuchli zarbasidan to‘p ustunga tegib, maydonni tark etdi!
47'		Jarima to‘pi o‘yinga kiritilgan vaziyatda Rodrigo ofsaydda qoldi
47'		Lyuka Din sariq kartochka oldi
46'		Ikkinchi bo‘lim boshida "Valensiya"da o‘zgarish bo‘ldi. Martin Montoyya o‘rniga Munir el-Haddodiy tushirildi.
46'		Ikkinchi bo‘lim boshlandi
45+2'		Birinchi bo‘lim yakunlandi. Hozircha "Valensiya" - "Barselona" - 0:1. Tanaffus
45+2'		Ehhh, chiroyli gol bo‘lishi mumkin edi. Messi jarima maydonchasi tashqarisida zarba berishga ulgurmadi va shu bois chap qanotdan hujumga qo‘shilgan Dinga uzatma berdi. Lyuka jarima maydonchasiga uzatma berdi. Neymar esa chalqancha uslubda zarba berdi. Ammo to‘p darvozaga aniq bormadi.
44'		Ehhhh, Parexo! Rodrigo maydonning so‘nggi chizig‘i oldidan uzatma berdi. Parexo zarba berayotgan vaziyatda esa Ter Shtegen oldinga yugurib chiqdi va zarbani qaytarishga muvaffaq bo‘ldi!
38'		Diyego Alves yana qahramonlik ko‘rsatdi! Neymar jarima maydonchasining chap burchagidan to‘pni qabul qildi va kichik pauzani ushlab, ayyorona zarba bilan darvozabon maydonchasi burchagiga uzatma berdi. Luis Suares yetib keldi va darhol zarba berdi. Diyego Alves esa zarbani qaytardi! Andre Gomesh qaytgan to‘pni darvozaga tepishga urindi, ammo buni uddalay olmadi.
37'		"Valensiya"da o‘zgarish: Jarohat olgan Xose Luis Gayay o‘rniga Aymen Abdennur tushirildi.
36'		!!! Diyego Alves yana bir marta jamoasini goldan qutqardi. Mehmonlar maydonning "Valensiya"ga tegishli tomonida to‘pni egallashdi va aniq uzatma orqali o‘ng qanotda ochilgan Suaresni to‘p bilan ta’minladi. Urugvaylik futbolchining kuchli zarbasini Diyego Alves qaytarishga muvaffaq bo‘ldi
32'		Stadion hakamdan penalti talab qilib, hushtakbozlik qilmoqda. Rodrigo va Umtiti "Barsa" jarima maydonchasi ichida yelkama-elka kurash olib borishdi va mezbonlar vakili yiqildi. Hakam qoidabuzarlik bo‘lmaganini qayd etdi
31'		"Barselona" imkoniyatdan foydalana olmadi! Neymar jarima maydonchasiga burchagiga uzatma berdi va Messi ichkariga yorib kirdi va chap oyoqda kuchli zarba berdi. Diyego Alves to‘pni o‘z oldiga qaytardi. Andre Gomesh to‘pga yetib keldi va zarba berdi. To‘p yuqoridan o‘tib ketdi.
26'		Vuuuh! Konselu Lyuka Dindan o‘tib ketib, o‘ng tomondan jarima maydonchasi kirdi va darvozabon maydonchasiga yerlatib yezatma berdi. Rodrigo uzatmaga yeta olmadi
25'		Serxio Buskets sariq kartochka oldi
23'		Hakam bilan tortishgani uchun Diyego Alves sariq kartochka oldi. Darvozabon o‘ziga xalal bergan Luis Suaresni ofsaydda turgan deb hisoblashni va golni bekor qilishni hakamdan talab qildi
22'		GOOOOOOOL! Lionel Messi, 0:1! Jarima maydonchasining o‘ng tomoniga uzatma berildi va u yerda Rakitich to‘pni jarima maydonchasi chizig‘i ustiga yetkazdi. Messi chap oyoqda yerlatib darvoza burchagi tomon zarba berdi. Diyego Alves to‘pni qaytara olmadi. Zarba paytida ofsaydda turgan Suares to‘pning ustidan sakrab qoldi.
20'		Maydonda ketma-ket follar. O‘yin qo‘polliklarga boy bo‘lmoqda
18'		Messi jarima to‘pini Neymarga uzatdi va qayta qabul qilib, jarima maydonchasiga havodan uzatma berdi. Himoyachilar to‘pni qaytarishdi
17'		Ezekyel Garay sariq kartochka oldi. U o‘z jarima maydonchasi ostonasida Suaresni chalib yiqitdi
16'		Luis Suares maydon markazida to‘pni egallab, oldinga uzatma berdi. Mangalya Neymarga nisbatan biroz chaqqonroq harakat qildi va to‘pni maydon tashqarisiga chiqarib yubordi
14'		"Barsa"da majburiy o‘zgarish: Inyesta o‘rniga Ivan Rakitich tushirildi
12'		Enso Peres xavfli podkat orqali Inyestaga jarohat yetkazdi. Andres zambilda maydonni tark etmoqda
9'		Mehmonlarning hujumlari paytida valensiyaliklar Inyestaga nisbatan, so‘ngra Neymarga nisbatan fol ishlatishdi, ammo kataloniyaliklar hujumni davom ettirishgani uchun Malyenko o‘yinni to‘xtatmadi. MAydon egalari to‘pni egallab olganidan keyin "Barsa" futbolchilari hakamga e’tiroz bildirishdi
7'		Burchakdan yetkazilgan uzatma yo‘nalishini Parexo bosh bilan o‘zgartirdi, ammo to‘pni "Barsa" darvozasi tomon buradigan futbolchi topilmadi
6'		"Velensiya"ning javob hujumi. O‘ng qanotdan uyushtirilgan hujum natijasida mezbonlar burchak to‘pi ishlashdi
5'		Messi-Inyesta-Neymar uzatmasidan keyin braziliyalik futbolchi chap qanotdan raqib jarima maydonchasiga uzatma berdi. Suares bosh bilan zarba bera olmadi. Himoyachilar to‘pni qaytarishdi
1'		O‘yin boshlandi!
'		Assalomu alaykum, qadrli muxlislar. Ispaniya chempionatining 9-turi doirasida "Valensiya" o‘z maydonida "Barselona"ni qabul qilmoqda