• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Ispaniya La ligasi-2016/2017

Matn

90+6'		O‘yin yakunlandi. "Real" murakkab kechgan o‘yinda g‘alaba qozonishga muvaffaq bo‘ldi
90+5'		Ronaldu imkoniyatdan foydalana olmadi!
90+4'		Karvaxal sariq kartochka oldi
90+3'		Kroos qanotdan belgilangan jarima to‘pini o‘yinga kiritdi. Iraisos to‘pni egallab oldi
90'		Ikkinchi bo‘limga 4 daqiqa qo‘shildi
89'		"Atletik"da o‘zgarish: Saborit o‘rniga Manyan tushirildi
87'		Lyaport sariq kartochka oldi
86'		Morata sariq kartochka oldi
85'		VUUUH! UILYAMS! Oldinga chiziqqa yetkazilgan uzatmani Uilyams qabul qildi va raqib jarima maydonchasi ichida to‘pni Navasning ustidan oshirib qo‘yishga harakat qildi. To‘p darvozabonning qo‘liga tegib, darvozaga yo‘l olayotganida, Pepeni uni to‘xtatib qolishga muvaffaq bo‘ldi!
83'		GOOOOOL! Alvaro Morata, 2:1! Beyl qanotdan yetkazgan uzatmaga Morata zarba berdi va "Atletik" posboni uni qaytardi. Qaytgan to‘pni Alvaronin o‘zi egalladi va bo‘sh qolgan darvozani ishg‘ol qildi. Bugun 24 yoshni qarshi olgan Morata o‘zining tug‘ilgan kuniga sovg‘a tayyorladi
81'		Oho! Kroosning ajoyib uzatmasidan keyin Morata va Ronaldu raqib darvoza oldida yolg‘iz qolishdi. Ammo to‘pni kim egallashi haqidagi savolga yechim topguncha San Xose xavfni bartaraf etdi
79'		"Bilbao"da o‘zgarish: Merino o‘rniga Susayeta tushdi
78'		BEYLLL! Karvaxal Kroosga, Toni esa Beylga uzatma berdi. Garet darvoza tomon yaqinlashdi va olis burchak tomon zarba berdi. Biroz noaniq. Uelslik futbolchi Ronalduga pas berishi ham mumkin edi
77'		"Atletik"da o‘zgarish: Raul Garsiya maydonni tark etdi. Uning o‘rniga Ander Iturraspe tushdi
76'		"Real"da o‘zgarish: Benzema o‘rniga Alvaro Marota tushirildi
73'		Vuuuh! Kovachich! Lukas Vaskes o‘ng qanotdan bergan uzatmaga Mateo bosh bilan zarba berdi. To‘p yo‘l-yo‘lakay Ronalduga tegib, maydonni tark etdi
72'		Benzema San Xosedan o‘tib ketib, Ronalduga uzatma berdi. Krishtianu 20 metrdan darvozaga zarba berdi. Birozgina noaniq
68'		KRISHTIANU! Darvozagacha 30 metrlardan jarima to‘pini Kross o‘yinga kiritdi va Ronaldu bosh bilan zarba berdi. To‘p "to‘qqizlik" ustidan o‘tib, to‘rga yuqoridan kelib tushdi
67'		Ronaldu! Beyl o‘ng qanotda San Xosedan o‘tib ketib, jarima maydonchasiga uzatma berdi. Ronaldu to‘pga oyoq qo‘ydi, ammo to‘p darvoza ustidan o‘tib ketdi
66'		"Real"da o‘zgarish: Isko o‘rniga Lukas Vaskes tushdi
58'		Xavfli vaziyat! Burchakdan yetkazilgan uzatmaga chiqishda Navas xatoga yo‘l qo‘ydi va to‘p Garsiyaga kelib tushdi. Uning zarbasidan so‘ng to‘p darvozaning ustidan o‘tib ketdi
57'		Raul Garsiya sariq kartochka oldi
56'		Kroos burchak to‘pini o‘yinga kiritdi. San-Xose bosh bilan to‘pni maydon tashqarisiga chiqarib yubordi
54'		VUUUUUH! Uilyams! Eraso o‘ng qanotdan jarima maydonchasiga uzatma berdi va Uilyams yaqin masofadan darvoza tomon zarba berdi. To‘p yuqoriga ko‘tarilib ketdi
46'		Ikkinchi bo‘lim boshlandi
45+1'		Tanaffus. Hozircha "Real" - "Atletik" 1:1
45'		Birinchi bo‘limga 1 daqiqa qo‘shildi
43'		Beyl qanotdan xavfli uzatma berdi. Ammo unga na Benzema, na Ronaldu yeta oldi
41'		Olis masofadan yetkazilgan to‘pni Benzema egalladi va jarima maydonchasi tashqarisidan aniq zarba berdi. Iraisos zarbani qaytardi
39'		XAVFLI VAZIYAT! Yana Merinoda! Lekue maydon markazida to‘pni egallab, Uilyamsga uzatma berdi. U esa o‘z vaqtida Merinoni to‘p bilan ta’minladi. Sabin 16 metrdan yo‘llagan zarba natijasida to‘p ustun va to‘sin kesishgan joy yonidan o‘tib ketdi
34'		VUUUUUH! "Real" navbatdagi golni o‘tkazib yuborishiga sal qoldi. Madridliklar o‘z jarima maydonchalari oldida to‘pni Uilyamsga oldirib qo‘yishdi. Inyaki Navas bilan yakkama-yakka vaziyatga chiqib, zarba bermoqchi bo‘lganida Varan yetib keldi va xavfni bartaraf etdi
33'		Qanotdan yetkazilgan uzatmaga Beyl noaniq zarba berdi. U to‘pni o‘tkazib yuborganida uning ortida Benzema va Ronaldu ham bor edi
30'		Xabyer Etcheyta sariq kartochka oldi
29'		Xavfli vaziyat! Isko to‘pni autdan qo‘l bilan uloqtirib berganidan keyin Beyl so‘nggi chiziq oldida to‘pni egalladi va darvozabon maydonchasiga uzatma berdi. Darvozabon musht bilan to‘pni urib yubordi va xavfni bartaraf etdi
27'		GOOOOOOL! Merino Sabin, 1:1! Eraso ikkinchi urinishda to‘pni jarima maydonchasiga yetkazdi. U yerda Merino to‘pni egalladi va Navas qo‘riqlayotgan darvozaga joyladi
24'		Beyl olis masofadan zarba berdi. Yana noaniq
20'		Ronaldu olis masofadan zarba yo‘lladi. Noaniq
17'		VUUUUUUH! Sabin ajoyib imkoniyatdan foydalana olmadi! Lekue "Real" darvozasining olis ustun tomon uzatma berdi va Merino yaqin masofadan bosh bilan zarba berdi. Zarbaga aniqlik yetishmadi
15'		Mezbonlar hujum qilishda davom etmoqda. Beyl olis masofadan zarba yo‘lladi. To‘p darvoza yuqorisidan o‘tib ketdi.
7'		GOOOOOOOL! Karim Benzema, 1:0! "Real"ning ilk hujumiyoq gol bilan yakunlandi. Isko jarima maydonchasiga kirdi, himoyachini aldab, bo‘sh hududda ochilgan Benzemaga uzatma berdi. Karim imkoniyatni qo‘ldan chiqarmadi.
4'		Bugun Madridda yomg‘ir yog‘moqda
3'		Bilbaoliklar burchak to‘pini o‘yinga kiritishdi. Samarasiz
1'		O‘yin boshlandi
'		Bugungi o‘yin oldidan "Madrid" 18 ochko bilan 5, "Bilbao" esa 15 ochko bilan 6-o‘rinni egallab turibdi
'		Xayrli oqshom, qadrli futbol muxlislari. "Real" va "Atletik" jamoalari o‘rtasidagi o‘yin bilan La liganing 9-turiga yakun yasaladi. O‘yindan onlayn translyasiyani boshladik