• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Ispaniya La ligasi-2016/2017

Matn

90+4'		O‘yin yakunlandi. "Barselona" - "Real" - 1:1. Madridliklar 6 ochkolik farqni saqlab qolishdi
90+3'		Vuuuuuuuh! "Real" mo‘jiza tufayli goldan qutqarib qoldi! Bo‘sh darvozaga kirayotgan to‘pni Kazemiro chiziq ustidan bosh bilan qaytarib qoldi!!!
90+3'		"Barselona" jarima to‘pini o‘yinga kiritadi. O‘ng qanotdan
90'		Ikkinchi bo‘limga 3 daqiqa qo‘shildi
90'		GOOOOOOOL! Serxio Ramos, 1:1! Jarimadan yetkazilgan uzatmani "Real" sardori yaqin masofadan bosh bilan darvozaga joyladi!
90'		Maskerano sariq kartochka oldi. Xavfli podkat uchun
89'		Vuuuuuuh! Marselo chap qanotdan olis ustun tomon uzatma bera olmadi. Ronaldu baland sakradi va bosh bilan zarba berdi. Alba jamoasini goldan qutqardi!
88'		"Barsa"da o‘zgarish: Neymar o‘rniga Denis Suares tushirildi
87'		Vuuuuh! O‘ng qanotdan yetkazilgan uzatmaga Serxio Ramos darvozabon maydonchasi chizig‘i oldida bosh bilan zarba berdi. To‘p darvoza ustidan o‘tib ketdi
85'		Modrichning uzatmasidan keyin Karvaxal o‘ng qanotdan mezbonlar jarima maydonchasiga pas berdi. Pike to‘pni qaytardi
84'		Jarimadan yetkazilgan uzatmani Pike bosh bilan qaytardi. So‘ngra to‘p Marseloning boshidan maydonni tark etdi
84'		Serjio Buskets sariq kartochka oldi. Asensioni yiqitgani uchun
82'		Vuuuuh! Inyestaning ajoyib uzatmasidan keyin Messi birga bir vaziyatga chiqib ketdi va chap oyoqda zarba berdi. To‘p olis ustun yonidan o‘tib ketdi!
81'		Turonning uzatmasidan keyin Roberto o‘ng tomondan oldinga o‘tdi va darvoza yaqiniga uzatma berishga harakat qildi. To‘p "Barsa" vakilidan maydonni tark etdi deya hisobladi hakam
80'		Dani Karvaxal sariq kartochka oldi. Neymarni yiqitgani uchun
79'		"Madrid"ning hujumlarini mezbonlar bartaraf etishmoqda
78'		"Barselona"da ham o‘zgarish: Andre Gomesh o‘rniga Arda Turon tushdi
77'		"Real"da o‘zgarish: Karim Benzema o‘rniga Marko Asensio tushdi
76'		"Real" burchak to‘pini o‘yinga kiritdi. Mezbonlar xavfni bartaraf etishdi
75'		Luis Suares sariq kartochka oldi. Hakamga e’tiroz bildirgani uchun
74'		Modrich yetkazgan uzatmani Inyesta bosh bilan qaytardi
74'		Karvaxal burchak to‘pi ishladi
73'		Karvaxal futbolkasining qorni yirtilibdi. Kichkina yirtiq paydo bo‘ldi. U shu formada o‘ynashda davom etmoqda
71'		Vuuuuuh! Messidan uzatma qabul qilgan Neymar jarima maydonchasiga kirdi va zarba berdi. Varan jamoasini qutqarmoqda!
70'		Burchak to‘pi xavfli vaziyatni taqdim etmadi
69'		Vuuuuuh! Inyesta chap qanotdan jarima maydonchasiga kirdi va o‘tkir burchak ostida zarba berdi. To‘p Karvaxalning oyog‘ida rekooshet holatida to‘rga yon tomondan borib tegdi
68'		VUUUUUUUH! Neymar!!! Inyestaning uzatmasidan keyin Neymar jarima maydonchasi ichida to‘pni qabul qildi va bir harakat qilib Karvaxalni aldab o‘tib, yaqin masofadan aniq zarba bera olmadi. To‘p yuqoridan o‘tib ketdi. Omad Realga kulib boqdi desak bo‘ladi
66'		"Real"da o‘zgarish: Isko o‘rniga Kazemiro tushdi
65'		Endi Zidan jamoasi to‘pni nazorat qilmoqda
63'		Eh, Suares! Hozir to‘g‘ri qaror qabul qilmadi. Messining uzatmasidan keyin u o‘ng tomondan jarima maydonchasiga kirdi, ammo sheriklariga aniq uzatma bera olmadi
62'		O‘yin videotakrorlari juda ajoyib bo‘lmoqda. Gol urgan Suares birozgina ofsaydda qolganini ko‘rsatishdi
62'		Kataloniyaiklar 2 daqiqadan beri to‘pni nazorat qilib, madridliklarni to‘psiz harakat qilishga majbur qilishmoqda
60'		"Barsa"da o‘zgarish: Ivan Rakitich o‘rniga Andres Inyesta maydonga tushdi. Inyesta sardorlik bog‘ichini bilagiga taqib oldi
58'		Vuuuuh! Kovachichning uzatmasini Benzema jarima maydonchasi ichida qabul qildi, ammo Alba undan to‘pni olib qo‘ydi. Karim zarba berishga ulgurmadi
57'		Vuuuuh! Messining uzatmasidan keyin Suares birga bir vaziyatga chiqib ketdi. Ammo urugvaylik futbolchi to‘pga biroz yeta olmadi
55'		Marselo chap qanotdan jarima maydonchasiga kirdi, Serji Roberto to‘pni maydon tashqarisiga chiqarib yubordi
53'		GOOOOOOOOOL! Luis Suares, 1:0! Messi jarimadan yetkazgan uzatmani Suares bosh bilan darvozaga joyladi!
52'		Jarima maydonchasi chap tomonida Varan Neymarni yiqitdi. Jarima zarbasi
51'		Oho! Modrichning uzatmasini Ronaldu jarima maydonchasi ichida qabul qildi va o‘tkir burchak ostida zarba berdi. Noaniq
49'		Lukas Vaskes ofsaydda qoldi. Laynsmen xato qilgandek ko‘rindi takroriy vaziyatda
48'		Burchak to‘pi xavfli vaziyatni taqdim etmadi
47'		Vuuuuh! Mehmonlar goldan qutulib qolishdi. Messining uzatmasidan keyin Suares darvozabon maydonchasining chap tomonidan to‘pni qabul qildi va uzatma berdi. To‘p Varandan maydonni tark etdi
46'		Ikkinchi bo‘lim boshlandi. Hozircha tarkiblarda o‘zgarishlar yo‘q. To‘pni o‘yinga "Barselona" futbolchilari kiritib berishdi
'		Birinchi bo‘lim statistikasi: To‘p nazorati: 55% — 45%; Zarbalar: 4 — 7; Aniq zarbalar: 1 — 4; Noaniq zarbalar: 1 — 2; To‘silgan zarbalar: 2 — 1; Jarima zarbalari: 7 — 12; Burchak to‘plari: 3 — 3; Ofsaydlar: 1 — 1; Seyvlar: 4 — 1 Follar: 12 — 6 Sariq kartochkalar: 1 — 1
45+1'		Birinchi bo‘lim yakunlandi. Hakam vaqt qo‘shmadi. Hozircha - 0:0.
45'		Messining uzatmasidan keyin Serji Roberto o‘ng qanotdan jarima maydonchasiga uzatma berdi. Ramos to‘pni maydon tashqarisiga chiqarib yubordi.
44'		Vuuuh! Burchakdan yetkazilgan uzatmaga Varan bosh bilan xavfli zarba berdi. Ter Shtegen to‘pni egallab oldi
44'		Vuuh! Benzema jarima maydonchasiga chap tomondan kirdi va darvozabon maydonchasiga uzatma berdi. Maskerano to‘pni maydon tashqarisiga chiqarmaganida Ronaldu darvozani ishg‘ol qilardi
40'		Mezbonlar chap qanotdan hujum tashkil qilishdi. Albaning uzatmasidan keyin to‘p jarima maydonchasi ichida turgan Karvaxalning qo‘liga tegdi. Penaolti emas, burchak to‘pi
38'		VUuuuuh! Ronaldu jarima maydonchasi oldida ikki himoyachidan chiroyli o‘tib ketdi va zarba berdi. Zarba unchalik kuchli chiqmadi. Darvozabon to‘pni egallab oldi
38'		Burchak to‘pini maydon egalari qaytarishdi. Takroriy hujumda Isko ofsaydda qoldi
37'		Vuuuuh! Qarshi hujumda to‘pni egallagan mehmonlar Ronalduni oldinga boshlashdi. Krishtianu jarima maydonchasiga kirdi va o‘tkir burchak ostida zarba berdi. Ter Shtegen to‘pni qaytardi. Burchak to‘pi
36'		Messi jarima maydonchasiga uzatma berdi. Himoyachilar to‘pni qaytarishdi
35'		Karvaxal o‘z jarima maydonchasi yaqinida Neymarga nisbatan qo‘pol o‘ynadi. Jarima zarbasi tepadi Barselona
34'		Marselo jarima maydonchasiga kirdi. Pikening podkatidan keyin to‘p Marseloning oyog‘idan yuqoriga ko‘tarildi va Ter Shtegen to‘pni egalladi
32'		Oho! Chap qanotdan Vaskes yetkazgan uzatmaga mezbonlar jarima maydonchasi ichida Ronaldu chalqancha uslubda zarba berishga harakat qildi. Ammo muvaffaqiyatsiz
31'		To‘p nazorati madridliklar tomoniga o‘tdi
29'		Neymar sariq kartochka oldi. Raqib futbolchisining oyog‘idan bosib oldi
27'		Maskerano maydon markazida Ronalduga nisbatan fol ishlatdi
26'		Ramosning xatosidan keyin Suares to‘pni egalladi, ammo tezkor hujumga o‘tish uchun Messiga aniq pas bera olmadi
25'		Burchak to‘pini Modrich chalqancha uslubda o‘z jarima maydonchasidan uzoqlashtirdi
25'		Luis Suares chap qanotdan jarima maydonchasiga kirishga urindi va burchak to‘pi ishladi
23'		Vuuh! Marselo chap qanotdan jarima maydonchasiga uzatma berdi. To‘p Ter Shtegenning ustidan oshib o‘tdi va mezbonlar to‘pni qaytarishdi
22'		Vuuuh! Vaskes chap qanotda Robertoni aldab o‘tib, jarima maydonchasiga kirdi va narigi qanotga uzatma berdi. Benzema chap oyoqda zarba berdi. To‘p Pikega tegib qaytdi
21'		Vuuuuuh! Qarshi hujumda oldinga chiziqqa yetkazilgan uzatmaga Neymar yetib oldi va jarima maydonchasiga uzatma berdi. Luis Suares 11 metrli nuqta ustida to‘pni egalladi va zarba berdi. Varan to‘p yo‘liga oyoq qo‘yishga ulgurdi!
18'		Messi jarimadan aylanma zarba berdi. Yaqin burchakka berilgan zarbani Keylor Navas egallab oldi
17'		Messiga nisbatan fol ishlatildi. "Barsa" jarima zarbasi tepadi
16'		Vuuuh! "Barsa" jarima maydonchasiga yetkazilgan uzatmaga Ronaldu baland sakradi, amio u to‘pga biroz yeta olmadi
15'		Mehmonlar Messidan to‘pni olib qo‘yishdi va qarshi hujumga o‘tishdi. Marselo chap qanotdan yetkazgan uzatmani Pike bosh bilan qaytardi
13'		Isko sariq kartochka oldi. Qo‘li bilan Neymarni to‘xtatib qoldi
12'		Burchak to‘pi o‘yinga kiritilganidan keyin ko‘k-anorranglilar qarshi hujumga o‘tishdi, ammo Suares ofsaydda qoldi
11'		Merseloning uzatmasidan keyin to‘p mezbon futbolchisidan maydonni tark etdi
10'		Burchak to‘pi samarali chiqmadi
9'		VUUUUUH! "Barselona" ajoyib imkoniyatdan foydalana olmadi! Messi boshlagan hujum natijasida uzatmaga Neymar yetkazgan Serji Roberto yaqin masofadan zarba berdi. To‘p Ramosning qo‘lidan maydonni tark etdi. Burchak to‘pi
8'		Kataloniyaliklar to‘pni nazorat qilib, hujum variantlarini qidirishmoqda
6'		"Barsa"ning hujumi. Alba chap qanotdan jarima maydonchasi chizig‘i ustiga uzatma berdi. Messi bosh bilan ichkariga uzatma berdi. Neymar to‘pga yeta olmadi
5'		Serji Roberto o‘ng qanotdan oldinga o‘tgan Rakitichga uzatma berdi. Madridlik himoyachi Ivanga to‘pni egallash imkonini bermadi
4'		"Barsa" to‘pni nazorat qila boshladi
3'		Lukas Vaskes "Barselona" jarima maydonchasi ichida Maskeranoga urilib yiqildi. Hakam penalti yo‘q deya ishora qildi
2'		Mezbonlar yuqori pressing qo‘llamoqda
1'		Diqqat! Uchrashuv boshlandi! To‘pni o‘yinga "Real" futbolchilari kiritib berishdi!
'		Bu o‘yin ham "Shapekoense" klubi futbolchilari xotirasi uchun 1 daqiqalik sukut bilan boshlanadi
'		Bugun har ikkala jamoa o‘zlarining an’anaviy formalarida o‘ynashadi
'		Diqqat, jamoalar maydonga chiqib kelishmoqda!
'		Stadion muxlislar bilan liq to‘lib bo‘ldi
'		Jamoalarning boshlang‘ich tarkiblari aniq bo‘ldi. Murabbiylar imkoniyatlaridan kelib chiqib, hozirda eng kuchli tarkibni maydonga tushirishga harakat qilishdi
'		"Kamp Nou". "Barselona" "Real"ni qabul qilmoqda. Madridliklar bugungi bahsga favorit sifatida tashrif buyurishdi. O‘yin boshlanishiga 15 daqiqa qoldi
'		Qadrli futbol muxlislari! EL-KLASIKOga xush kelibsiz!