• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Osiyo chempionlar ligasi. «A» guruhi

Matn

90+4'		O‘yin yakunlandi. "Lokomotiv" OCHL-2017ni mag‘lubiyat bilan boshladi
90+3'		Ehh, Masharipov! Olis masofadan yetkazilgan uzatmani yaqin masofadan darvozaga bura olmadi
90+2'		Mezbonlar himoyachisi o‘zini jarohat olganga solib yotibdi
90'		Vuuuuh! Qarshi hujumda saudiyaliklar ajoyib imkoniyatdan foydalana olishmadi. N'Diyening zarbasi biroz noaniq bo‘ldi
87'		"Lokomotiv"da uchinchi o‘zgarish: Temur Kapadze o‘rniga Salamat Quttiboyev tushdi
85'		Madallah al-Oyan ogohlantirildi
83'		Raqib jarima maydonchasiga yetkazilgan uzatmaga Kapaze yetib bora olmadi
81'		Jarimadan yetkazilgan uzatmani himoyachilar qaytarishdi
80'		Talal al-Absiy ogohlantirildi. U o‘zidan o‘tib, darvozabon bilan yakkama-yakka chiqishi mumkin bo‘lgan Masharipovni qo‘li bilan yiqitdi
77'		Jarimadan berilgan zarba xavfli bo‘ldi. Nesterov musht bilan to‘pni qaytardi
76'		Muhammad Kone sariq kartochka oldi
68'		GOOL! Talal al-Absiy, 1:0! Burchakdan yetkazilgan uzatmaga chiqishda Nesterov qo‘pol xatoga yo‘l qo‘ydi. Absiy esa bo‘sh qolgan darvozani ishg‘ol qildi
67'		"Lokomotiv"da o‘zgarish: Sadriddin Abdullayev o‘rniga Quvondiq Ro‘ziyev tushirildi
66'		Mehmonlar to‘pni yaxshi nazorat qilishmoqda, ammo hozircha keskinroq hujum tashkil qila olishmayapti
62'		Maydon egalari burchak to‘pini o‘yinga kiritishdi. Hujumchi bosh bilan zarba berishga harakat qildi, ammo to‘p biroz yeta olmadi
60'		Bikmayev o‘ng qanotdan uzatma berdi. Mirzayev bosh bilan zarba berdi, ammo hakam Sardorni fol qilgan deb hisobladi
59'		Mirzayev yaxshi harakat qildiyu, ammo jarima maydonchasida ochilayotgan Bikmayev aniq uzatma bera olmadi
58'		"Ta’vun" burchak to‘pini o‘yinga kiritdi. Nesterov musht bilan to‘pni urib yubordi
57'		"Lokomotiv"da o‘zgarish: Oleg Zoteev o‘rniga Marat Bikmayev tushdi.
55'		Muhammadiyev o‘ng qanotdan yaxshi uzatma berdi. Himoyachilar xavfni bartaraf etishdi
52'		VUUUUUH! Kone jarima maydonchasi yaqinida to‘pni raqiblarga oldirib qo‘ydi. Natijada buraydaliklar gol urishlariga bir baxya qoldi. Baraka jarima maydonchasi ichida to‘pni qabul qildi va zarba berdi. To‘p ustunga tegib qaytdi. Takroriy zarba paytida to‘p futbolchining oyog‘iga yaxshi tegmay qoldi
49'		N'Diye jamoamiz jarima maydonchasi chizig‘i ustida to‘pni ko‘kragi bilan qabul qildi va o‘girilgancha zarba berdi. Muvaffaqiyatsiz zarba
47'		"Lokomotiv" jarima maydonchasi ichida N'Diye va Kone to‘qnashib ketishdi. Mezbonlar burchak to‘pini o‘yinga kiritishadi
47'		Maydon egalari jarima to‘pini o‘yinga kiritishdi. Kapadze bosh bilan qaytardi
46'		Ikkinchi bo‘lim boshlandi
45'		Ahmad al-Kafning hushtagi yangradi va birinchi bo‘lim yakunlandi. Hozircha hisob — 0:0
44'		Vuuuuh! Muhammad Kone juda qaltis harakat qildi. Baxtimizga vaziyat gol bilan yakunlanmadi
42'		Vuuuuh! Nesterov qo‘pol xatoga yo‘l qo‘ydi. U himoyachidan to‘pni qabul qildi, ammo o‘z vaqtida tepib yubormadi. Hujumchining bosimi ostiga tegan to‘pni boshqa futbolchi jarima maydonchasi tashqarisida egallab oldi va darvoza tomon zarba berdi. Ignatiy to‘pni egallab oldi!
40'		"Lokomotiv" to‘pni ancha nazorat qildi va jarima maydonchasiga uzatma berdi. Mirzayev biroz ofsaydda qolgan ekan
38'		Masharipov chap tomondan raqib jarima maydonchasiga uzatma berdi, himoyachi to‘pni qaytardi
36'		"Lokomotiv" yaxshi kombinasiyani amalga oshirdi. Jarima maydonchasiga yetkazilgan uzatmani Al-G‘amdiy egallab oldi
36'		Mezbonlar burchak to‘pini o‘yinga kiritishdi, bu "Loko"ga muammo yaratmadi
35'		O‘ng qanotdan jarima maydonchasiga yetkazilgan uzatmani To‘xtaxo‘jayev bosh bilan qaytardi
31'		Chap qanotda belgilangan jarima to‘pini Sadriddin Abdullayev o‘yinga kiritdi. Al-G‘amdiy to‘pni qo‘lidan chiqarib yubordi, ammo hakam negadir fol qayd etib, o‘yinni to‘xtatdi
30'		"Loko" darvozasi oldiga uzatma berildi. Nesterov to‘pni egallab oldi
29'		"At-Ta’vun" futbolchisi ofsaydda qoldi
27'		Xavfli vaziyat! N'Diye o‘ng tomondan jarima maydonchasiga kirib keldi va chap oyoqda kuchli zarba berdi. To‘p darvoza ustidan o‘tib ketdi
26'		To‘p u jamoadan bu jamoaga o‘tmoqda, ammo hozircha xavfli vaziyat yo‘q
20'		To‘p nazorati toshkentliklar tomoniga o‘tdi desak ham bo‘ladi. Ular "Ta’vun"ni to‘psiz yugurishga majbur qilishmoqda
17'		Muhammadiyev o‘ng qanotda chiroyli ortda qoldirdi va jarima maydonchasiga uzatma berdi. Himoyachi bosh bilan to‘pni qaytardi
16'		"Lokomotiv" dastlabki burchak zarbasini o‘yinga kiritdi. Abdullayev yerlatib jarima maydonchasidagi Masharipovga uzatma berdi. Jaloliddin bir futbolchini yaxshi aldab o‘tdiyu, ammo sheriklariga aniq uzatma bera olmadi
11'		Maxaradze maydon markazida taktik fol ishlatib, raqibning qarshi hujumini to‘xtatdi. Hakam uni og‘zaki ogohlantirish bilan cheklandi
8'		"Lokomotiv" ijrosida raqib darvozasi tomon dastlabki zarba berildi. Mirzayev chap qanotdan tashlab berilgan uzatmaga Abdullayev jarima maydonchasi chizig‘i ustidan zarba berdi. Noaniq
5'		Vuh! Saudiyalik futbolchi chap tomondan jarima maydonchasiga kirib keldi va darvozabon maydonchasiga uzatma berdi. Nesterov oyog‘i bilan to‘pni qaytardi, so‘ngra Maxaradze bosh bilan to‘pni darvozabonga tashlab berdi
5'		Mezbonlar ketma-ket hujum qilishmoqda. "Lokomotiv" futbolchilari to‘pni o‘zlarida ushlay olishmayapti
3'		Vuuuuuh! "At-Ta’vun futbolchisi jarima maydonchasi tashqarisidan zarba berdi. Nesterov qaytargan to‘pni hujumchi darvozaga joyladi. Baxtimizga, ofsayd tufayli gol inobatga olinmadi!
2'		Buraydaliklarning hujumini temiryo‘lchilar bartaraf etishdi
1'		O‘yin boshlandi. To‘pni Jaloliddin Masharipov o‘yinga kiritib berdi.
'		Diqqat, jamoalar maydonga chiqib kelishdi!
'		Toshkentning "Lokomotiv" klubi musobaqani Saudiya Arabistonida boshlamoqda. Temiryo‘lchilar "At-Ta’vun" klubiga qarshi maydonga chiqadi
'		Assalomu alaykum, qadrli futbol muxlislari. Osiyo chempionlar ligasi guruh bosqichining yangi mavsumiga start berilayotgani bilan barchani tabriklaymiz