• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Ispaniya La ligasi-2017/2018

Matn

90+6'		O‘yin yakunlandi. "Real Madrid" muhim g‘alabani qo‘lga kiritdi va o‘z ochkolarini 8taga yetkazib oldi
90+3'		"Real"da o‘zgarish: Teo Ernandes o‘rniga Nacho tushdi
90+1'		VUUUH! Qarshi hujumda Xuanmi yakkama-yakka vaziyatga chiqib ketdi. Ammo jarima maydonchasi ostonasida Varan undan to‘pni olib qo‘ydi
90'		Ikkinchi bo‘limga 5 daqiqa qo‘shib berildi
90'		Vuuuh! Karlos Vela jarima maydonchasi chizig‘i ustdan kuchli zarba berdi. Noaniq
88'		Mehmonlar tezkor qarshi hujumga o‘tishdi, ammo Karvaxal Iskoga aniq uzatma bera olmadi
86'		"Real"da o‘zgarish: Asensio o‘rniga Sebalyos tushirildi
82'		Asensio mezbonlar darvozasini ishg‘ol qildi, ammo gol inobatga olinmadi. Sababi - ofsayd!
81'		Oho! "Real Sosyedad"dan xavfli hujum. Chap qanotdan yetkazilgan uzatmani Villian Xose jarima maydonchasi ichida darvoza tomon yo‘lladi. Navas o‘z o‘rnida
80'		Mezbonlarning hujumi. O‘ng qanotdan havolatib yetkazilgan uzatmaga Agirretche bosh bilan zarba berdi. To‘p yuqoridan o‘tib ketdi
77'		"Real Sosyedad"da o‘zgarish: Adnan Yanuzay o‘rniga Agirretche tushirildi
76'		Vuuuuuh! "Real" ketma-ket 2ta xavfli hujum tashkil qildi. Dastlab qarshi hujum paytida Asensio chap qanotdan oldinga o‘tdi va jarima maydonchasi ichidagi Beyl tomon uzatma berdi. Himoyachi to‘pni qaytardi. Keyingi hujum paytida Iskoning jarima maydonchasiga bergan uzatmasidan keyin Vaske birga bir vaziyatda darvozabonni dog‘da qoldira olmadi
75'		"Real"da dastlabki o‘zgarish: Mayoral o‘rniga Lukas Vaskes tushirildi
74'		Isko jarima maydonchasi tashqarisidan zarba berdi. To‘p darvoza ustidan o‘tib ketdi
71'		Mezbonlar burchak to‘pini o‘yinga kiritishdi. Beyl bosh bilan qaytargan to‘pni Rodriges yerga tushirmasdan darvoza tomon tepdi. Biroz noaniq
69'		"Real Sosyedad"da o‘zgarish bo‘ldi. Priyeto o‘rniga Xuanmi tushirildi
68'		Mezbonlar o‘ng qanotdan jarima to‘pini o‘yinga kiritishdi. Villian Xose Kazemiroga nisbatan fol ishlatdi
66'		Qarshi hujum paytida Teo Ernandes yakkama-yakka vaziyatga qochib ketayotgan edi, ammo kutilmaganda yiqilib tushdi. Natijada xavfli vaziyat yo‘qqa chiqdi
66'		"Sosyedad" burchak to‘pini o‘yinga kiritdi. Madriddiklar xavfni bartaraf etishdi
64'		Kazemiro ogohlantirildi
61'		GOOOOOOOL! Garet Beyl, 1:3! Isko uzoq masofadan ajoyib uzatma bilan uelslik futbolchini oldinga boshladi. Garet tezlikda himoyachidan o‘tib ketib, darvozabon bilan yakkama-yakka vaziyatga chiqdi va posbonni dog‘da qoldirdi!
57'		"Real Sosyedad"da o‘zgarish: Kanales o‘rniga Karlos Vela tushirildi
57'		Serxio Kanales jarima maydonchasi tashqarisidan ancha noaniq zarba berdi
55'		Karvaxal o‘ng qanotdan to‘pni raqib jarima maydonchasiga yetkazdi. Asensio to‘pni yerga tushirmasdan darvoza tomon tepdi. Ruli rekoshet holatda borgan to‘pni egallashga muvaffaq bo‘ldi
53'		Maydon egalari jarima to‘pini o‘yinga kiritishdi. Lyorente jarima maydonchasi chizig‘i ustidan zarba yo‘llashga muvaffaq bo‘ldi. Keylor Navas to‘pni egalladi
52'		VUUUUUH! Asensioning uzatmasidan keyin Mayoral o‘ng tomondan jarima maydonchasiga kirdi va kuchli zarba yo‘lladi. Darvozabon qaytargan to‘pga Borxaning o‘zi yetib bordi va yaqin masofadan yana zarba berdi. Bu safar noaniq
50'		Vuuuuh! "Real Sosyedad" burchak to‘pini o‘yinga kiritdi va Lyorente bosh bilan xavfli zarba berdi. Navas to‘pni egallab oldi
48'		Basklarning hujumi paytida hujumchi "Real" darvozasi oldida yiqildi. HAkam penalti belgilashga jazm etmadi
46'		Ikkinchi bo‘lim boshlandi. Davom etamiz
45+3'		Birinchi bo‘lim yakunlandi. Hozircha "Real Sosyedad" - "Real Madrid" 1:2. Tanaffus
45+3'		Mayoral ofsaydda qoldi
45+1'		Adnan Yanuzay sariq kartochka oldi. Hakamga keskin e’tiroz bildirgani uchun
45'		Birinchi bo‘limga 3 daqiqa qo‘shib berildi
44'		Modrich jarima maydonchasi tashqarisidan xavfli zarba berdi. Ruli ham ajoyib seyv bilan to‘pni yon tomonga urib yubordi. Asensio yana bir marta jarima maydonchasi tashqarisidan zarba berdi. Noaniq
43'		Asensio olis masofadan zarba berishga qaror qildi. To‘p olis ustun tomondan maydonni tark etdi
42'		Ilyaramendi ogohlantirish oldi. U maydon markazida Iskoni qo‘llari bilan tortib qoldi
38'		Marko Asensio sariq kartochka oldi
36'		GOOOOOOL! Kevin Rodriges, 1:2, avtogol! "Real" esa qarshi hujumda mezbonlarni jazoladi. Mayoral bir himoyachini aldab o‘ng qanotdan jarima maydonchasiga kirib bordi va darvozabon maydonchasiga uzatma berdi. Rodriges to‘pni qaytarish chog‘ida o‘z darvozasini ishg‘ol qilib qo‘ydi
35'		VUUUUUUH! Darvoza to‘sini "Real"ni goldan qutqarmoqda! "Sosyedad" o‘zining birinchi goli kabi kombinasiya tashkil qildi. Zarbani to‘sin o‘ziga qabul qildi
34'		Vuuuuh! Navbatdagi "standart" "Real"ga muvafaqqiyat keltirishi mumkin edi. Burchak to‘pidan so‘ng tashkil etilgan navbatdagi hujumda Kazemiro bosh bilan xavfli zarba yo‘lladi. Darvozabon qiyinchilik bilan zarbani qaytardi
31'		O‘yinda to‘xtalish yuzaga keldi. Darvoza ortida ishlayotgan operator jarohat oldi shekilli, unga tibbiy yordam ko‘rsatilmoqda
29'		GOOOOOOL! Kevin Rodriges, 1:1! San-sebastyanliklar aniq uzatmalar orqali to‘pni uzoq vaqt nazorat qilishdi va o‘ng qanotdan hujum tashkil qilishdi. Odriosola yuqoridan yetkazib bergan uzatmani Rodriges urga tushirmasdan darvoza tomon tepdi. To‘p Navasning qo‘llari orqali uzoq burchakka borib tushdi.
26'		Madridliklar burchak to‘pini o‘yinga kiritishdi. To‘p maydon markaziga qaytarildi
23'		Vuuuh! Markazdan yetkazilgan uzatma natijasida Kanales yakkama-yakka vaziyatga chiqib ketdi, ammo yarim himoyachi to‘pga biroz yeta olmadi
22'		"Real" ketma-ket 73ta o‘yindan beri gol urib kelmoqda. Ushbu seriya bo‘yicha Zidan shogirdlari jahon rekordini takrorlashdi
19'		GOOOOOOL! Borxa Mayoral, 0:1! "Real" burchak to‘pini o‘yinga kiritgan paytda "Sosyedad" xavfni bartaraf etgandek ko‘rindi, ammo mehmonlar hujumni davom ettirishdi. Serxio Ramos jarima maydonchasi ichida to‘pni egallab, chalqancha uslubda zarba bermoqchi bo‘lganida, Mayoral o‘sha joyda paydo bo‘ldi va darvozani ishg‘ol qildi!
17'		Mezbonlar burchak to‘pini o‘yinga kiritishdi. Himoyachilar to‘pni qaytarishdi, Villian Xose 20 metrlardan aniq zarba yo‘lladi. Navas to‘pni egallab oldi
16'		Vuuuuh! Teo chap qanotdan mezbonlar jarima maydonchasiga kirib keldi va 11 metrli nuqta ustiga uzatma berdi. Asensioning zarbasi yo‘liga himoyachi o‘zini tashladi va xavfni bartaraf etdi
13'		Teo Ernandes chap qanotdan "Sosyedad" jarima maydonchasiga kirib keldi va yiqildi. Hakam penalti deb hisoblamadi bu vaziyatni
8'		Modrichning uzatmasidan keyin Karvaxal o‘ng qanotdan raqib jarima maydonchasiga kirib kelib uzatma berdi. Himoyachilar xavfni bartaraf etishdi
7'		Bakslar himoyaga yotib olmoqchi emaslar. Ular ham dadil oldinga borishmoqda
5'		Zidanning asosiy falsafasiga ko‘ra, jamoa dastlabki daqiqalarda kuchli o‘yin ko‘rsatib, raqib darvozasiga gol urib olishi lozim. Keyin o‘yin "Madrid" uchun ancha oson kechadi. Ushbu maqsadni amalga oshirish uchun mehmonlar tashabbusga ega bo‘lishmoqda.
3'		Burchak to‘pi o‘yinga kiritilgan paytda hujumda fol ishlatildi
2'		Karvaxal o‘ng qanotdan raqib jarima maydonchasiga kirib keldi va darvoza oldiga uzatma berdi. Burchak to‘pi
1'		O‘yinga start berildi. To‘pni o‘yinga mezbonlar kiritib berishdi.
'		Diqqat, jamoalar maydonga chiqib kelishmoqda. Bugun "Real" qora rangli formada o‘ynaydigan bo‘ldi
'		Bugun "Real"ga Ronaldudan tashqari Marselo, Benzema, Toni Kroos yordam bera olishmaydi. Bu esa ancha jiddiy yo‘qotishlar hisoblanadi.
'		San-Sebastyan shahrida "Anoeta" stadionida to‘p surish har qanday raqibga qiyinchilik tug‘diradi. Basklar har bir jamoaga qarshi jiddiy qarshilik ko‘rsatishadi. "Real Sosyedad" ushbu mavsumda La ligada 100 foizlik natija bilan 2-o‘rinda bormoqda. "Real" esa 2ta durang o‘ynab, 4 ochko yo‘qotishga ulgurdi. Ha, Ronalduning 4ta o‘yindan iborat diskvalifikasiyasi "Madrid" uchun og‘riqli kechmoqda. Ko‘ramiz, bugun Zidan shogirdlari navbatdagi sinovdan qanday o‘tishar ekan.
'		Assalomu alaykum, qadrli futbol muxlislari! Ispaniya chempionatining 4-turi doirasida "Real Sosyedad" jamoasi o‘z maydonida "Real Madrid"ni qabul qilmoqda.