• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

JCH-2018, final. 15 iyul, 20:00

Matn

90+5'		O‘yin tugadi. FRANSIYa TERMA JAMOASI — JAHON CHEMPIONI! Ikki karra!
90+2'		Vrsalko sariq kartochka oldi
90'		Ikkinchi bo‘limga 5 daqiqa qo‘shib berildi
89'		Rakitich olis masofadan zarba berishga qaror qildi. To‘p yuqoridan o‘tib ketdi
88'		Perishich chap qanotdan havolatib uzatma berdi. To‘pni Lyoris osonlik bilan egallab oldi
87'		Fekir olis masofadan aniq zarba berdi. Subashich to‘pni egallab oldi
84'		Rakitich jarima to‘pini o‘yinga kiritdi. Lyoris baland sakrab to‘pni egallab oldi
82'		Vuuuh! Rakitichning uzatmasidan keyin Pyasa jarima maydonchasiga kirdi, ammo to‘pni maydonda olib qola olmadi
82'		Xorvatiyada o‘zgarish: Strinich o‘rniga Pyasa tushirildi
81'		Fransiyada o‘zgarish: Olivye Jiru o‘rniga Nabil Fekir tushirildi
78'		Xorvatiyada yaxshi imkoniyat. Modrich jarima maydonchasiga yetkazgan uzatmani himoyachilar qaytarishdi. To‘pni Kramarich egalladi va Rakitichga tashladi. Ivanning zarbasidan keyin to‘p olis ustun tomondan maydonni tark etdi
73'		Fransiyada o‘zgarish: Blez Matyuydi o‘rniga Korenten Tolisso maydonga tushirildi
71'		Xorvatiyada o‘zgarish: ante Rebich o‘rniga Andrey Kramarich tushirildi.
68'		GOOOOOOOL! Mario Manjukich, 4:2! Ugo Lyoris qovun tushirdi. Fransiya terma jamoasi darvozaboni himoyachidan to‘pni qabul qilib, o‘z oldiga yaqinlashayotgan Manjukichni aldamoqchi bo‘ldi. Mario to‘pga oyoq qo‘ydiyu, darvozani ishg‘ol qildi! Intriga qaytdiyov
67'		Qoyil qolish kerak, Fransiya terma jamoasi o‘z imkoniyatidan juda samarali foydalanmoqda. Ularning deyarli har bir zarbasi golga aylanmoqda
65'		GOOOOOOOOOL! Kilian Mbappe, 4:1! Fransiyalik hujumchi olis masofadan darvozani ishg‘ol qildi!!!
62'		Vuh! Fransuzlar to‘rtinchi golni urishi mumkin edi. Chap qanotdan yetkazilgan uzatmani maydon tashqarisiga chiqarib yubordi. Aks holda to‘p Mbappega kelib tushishi mumkin edi
59'		GOOOOOOOOOOL! Pol Pogba, 3:1! Fransiyalik yarim himoyachi jarima maydonchasi tashqarisidan 2 marta zarba berdi. Dastlabki zarba himoyachiga tegib qaytdi. Ikkinchi zarbadan keyin to‘p darvoza burchagiga borib tushdi
55'		Fransiyada o‘zgarish: Kante o‘rniga Stiven N'Zonzi maydonga tushdi
54'		Rakitich yuqoridan jarima maydonchasiga uzatma berdi. Lyoris va Manjukich to‘p uchun kurash olib borishdi. To‘p darvozabonning qo‘lidan maydonni tark etdi
52'		VUUUUUH! Mbappe o‘ng qanotda xorvatiyalik himoyachi Vidadan katta tezlikda o‘tib ketib, o‘tkir burchak ostida yakkama-yakka vaziyatga chiqdi va zarba berdi. Subashich oyoqlari bilan zarbani qaytardi
50'		Oho! Perishichni yakkama-yakka vaziyatga chiqaruvchi uzatma berdi. Lyoris o‘z jarima maydonchasini tark etib, xavfni bartaraf etdi
49'		Manjukich Varandan to‘pni olib qo‘yib, chap tomondan jarima maydonchasiga kirib bordi va jamoadoshi tomon pas berdi. Umtiti to‘pni qaytarib qoldi
48'		Vuuuuh! Rakitich raqibning bir futbolchisini aldab o‘tib, chap tomondan jarima maydonchasiga kirayotgan Rebichga uzatma berdi. Ante o‘tkir burchak ostidan kuchli zarba berdi. To‘sin ostiga kirayotgan to‘pni Lyoris darvoza yuqosridan ko‘tarib yubordi
47'		Grizmann jarima maydonchasi tashqarisidan aniq zarba berdi. Subashich to‘pni egallab oldi
46'		Vrsalko o‘ng qanotdan Fransiya jarima maydonchasiga uzatma berdi. Himoyachilar to‘pni qaytarishdi
46'		Ikkinchi bo‘lim boshlandi. Hozircha jamoalar tarkibida o‘zgarish bo‘lganicha yo‘q
45+4'		Birinchi bo‘lim yakunlandi. Hozircha hisob Fransiya - Xorvatiya 2:1. Tanaffus
45+3'		Vuuuh! O‘ng qanotdan uzatma berildi. Perishich darvozabon maydonchasida zarba berishi mumkin edi, agar biroz hushyorlikni yo‘qotmaganida
45+1'		Xavfli vaziyat! Rakitich burchak to‘pini o‘yinga kiritdi. Vida bosh bilan aniq zarba bera olmadi
45'		Birinchi bo‘limga 3 daqiqa qo‘shib berildi
44'		Xorvatiya ketma-ket ikki marta burchak to‘pini o‘yinga kiritdi. Fransuzlar qiyinchilik bilan to‘pni vaziyatdan uzoqlashtirishdi
40'		Xorvatiya hisobni tenglashtirishi mumkin edi. Perishich o‘ng qanotdan oldinga o‘tib, jarima maydonchasiga uzatma berdi. To‘p Rebichga kelib tushdi, ammo uning zarbasi juda kuchsiz chiqdi. Lyoris to‘pni egallab oldi
38'		GOOOOOOOOL! Antuan Grizmann! 2:1! "Atletiko" hujumchisi yerlatib to‘pni o‘zidan chap tomon tepdi. Subashich esa narigi tomonga tashlandi.
36'		PENALTI! Fransiya 11 metrli jarima zarbasini amalga oshiradi
35'		Pitana ekran oldida videotakrorni qayta-qayta ko‘rmoqda
34'		Vuuuh! Burchakdan yetkazilgan uzatma natijasida to‘p sakragan Perishichning qo‘liga tegib, ustun yonidan o‘tib ketdi.
28'		GOOOOOOOOOOOOOOOLLL! Ivan Perishich, 1:1! Jarima to‘pi jarima maydonchasining o‘ng tomoniga yetkazildi. Xorvatiyalik futbolchi bosh bilan to‘pni raqib jarima maydonchasiga yetkazdi. U yerda xorvatlar to‘p uchun kurashda 3 marta ustun kelishdi. Perishich jarima maydonchasi chizig‘i ustida to‘pni qabul qilib, Kante aldadi va chap oyoqda kuchli zarba berdi. To‘p olis burchakka kirib ketdi
27'		N'Golo Kante sariq kartochka oldi. U oldinga o‘tayotgan Perishichni yiqitdi
23'		Vuuuh! Vida qahramonlik ko‘rsatdi. U podkat orqali Mbappedan to‘pni olib qo‘ymaganida, fransuzlarning ikki futbolchisi Lyoris bilan yakkama-yakka vaziyatga chiqib ketgan bo‘lardi
21'		Modrich o‘ng qanotdan jarima to‘pini o‘yinga kiritdi. Vida bosh bilan zarba berdi. To‘p yuqoridan o‘tib ketdi
20'		O‘yin fransuzlar uchun omadli boshlandi. Desham uchun uchrashuvning bunday borishi juda qulay hisoblanadi. Xorvatiya chorak finalda Rossiyaga qarshi o‘yinda birinichi marta gol o‘tkazib, keyinchalik vaziyatni o‘nglashga muvaffaq bo‘lgandi. Fransuzlar bugun bunga imkon berarmikin? Ko‘ramiz
18'		GOOOOOOOL! Mario Manjukich, avtogol, 1:0! Grizmann jarima to‘pini o‘yiniga kiritdi. To‘p Manjukichning boshiga tegib, olis yuqori burchakka kirib ketdi
17'		Mbappe o‘ng tomonda himoyachini aldab jarima maydonchasiga kirdi va darvoza yaqiniga uzatma berdi. Himoyachilar to‘pni qaytarishdi, ammo Fransiya jarima to‘pi ishladi
15'		Perishich chap qanotdan yolg‘iz oldinga tashlandi va jarima maydonchasiga kirib kelgan Manjukich tomon uzatma berdi, ammo himoyachi to‘pni qaytarib qoldi
14'		Fransiya oldinga o‘tishga unchalik shoshilmayapti
11'		Vuh, Yuqoridan yetkazilgan uzatmani Perishich raqib jarima maydonchasi ichida to‘xtatdi-yu, ammo to‘p maydonni tark etdi
10'		Perishich chavp qanotdan raqib jarima maydonchasiga yerlatib uzatma berdi. To‘p Manjukichga yetib bormadi
8'		Modrich burchak to‘pini o‘yinga kiritdi. Himoyachilar bosh bilan to‘pni darvoza oldidan uzoqlashtirishdi
5'		Xorvatiya terma jamoasi ilk daqiqalardan biroz dadilroq, biroz tajavuzkorroq o‘ynayotgandek
1'		Diqqat! O‘yin boshlandi!
'		Fransiya va Xorvatiya terma jamoalari maydonga chiqib kelishdi. O‘yin boshlanish arafasida.
'		Assalomu alaykum, qadrli futbol muxlislari! Rossiyadagi jahon chempionati o‘zining eng so‘nggi nuqtasiga yetib keldi. Bugun jahon chempionini aniqlab olamiz. "Lujniki" stadionida Fransiya va Xorvatiya terma jamoalari g‘oliblik uchun kurash olib borishadi.