• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Angliya premyer-ligasi, 26-tur

Matn

90+3'		O‘yin yakunlandi. "Manchester Siti" - "Chelsi" - 6:0!
90'		Ikkinchi taymga 3 daqiqa qo‘shib berildi
86'		"Siti" hamon o‘ynashda davom etmoqda, maza qilib...
83'		Nima deyish mumkin? Mavsumning muhim pallasi boshlanayotgan paytda "Manchester Siti" juda yaxshi formaga kirib olibdi. "Chelsi" esa bugungi o‘yinda achinishdan boshqa ilojimiz yo‘q
80'		GOOOOOOL! Rahim Sterling, 6:0! Gvardiola shogirdlari "Barselona" uslubida kombinasiya tashkil qilishdi. Rahim osonlik bilan darvozani ishg‘ol qildi. Dahshat
78'		Palmeri jonli devor orasidan to‘pni o‘tkazib zarba berdi. Ederson to‘pni egalladi
77'		Gyundogan jarima maydonchasi ostonasida raqib futbolchisini yiqitdi va sariq kartochka oldi
75'		"ManSiti"da o‘zgarish: Fernandinyo o‘rniga David Silva tushdi
74'		VUUUUUUH! Sterling Jezusni yakkama-yakka vaziyatga chiqarib yubordi. Gabriyelning zarbasidan keyin to‘p darvozabonning oyog‘idan maydonni tark etdi
73'		"Chelsi"da o‘zgarish: Markos Alonso o‘rniga Emerson Palmeri tushirildi
72'		Gvardiola shogirdlari xotirjamlik bilan to‘pni nazorat qilishmoqda, istalgan paytda keskin hujum tashkil qilishmoqda
68'		"Siti"da yana bir o‘zgarish: de Bryuyne o‘rnida Riyod Mahrez harakat qiladi
65'		"Siti"da o‘zgarish: Aguero o‘rniga Gabriyel Jezus maydonga tushdi
64'		Mehmonlar chap qanotdan hujum tashkil qilishdi. Aspilikueta yo‘llagan zarbaga aniqlik yetishmadi
60'		Jorjinyo ogohlantirish oldi
60'		Mezbonlar maydon markazida to‘pni egallab, xavfli qarshi hujum tashkil qilishdi. Aguero himoyachilar ta’qibi ostida noaniq zarba yo‘lladi
58'		Kevin de Bryuyne xavfli jarima zarbasini yo‘lladi. Kepa mushti bilan to‘pni urib yubordi
57'		"Siti" mehmonlar jarima maydonchasi yaqinida jarima zarbasi tepadi
56'		GOOOOL! Serxio Aguero, 5:0! Xet-trik! Argentinalik futbolchi xotirjamlik bilan darvoza burchagiga to‘pni joylab qo‘ydi
55'		PENALTI! "Chelsi" darvozasiga! Aspilikueta o‘z jarima maydonchasi ichida Sterlingni tepib yiqitdi
53'		"Chelsi"da o‘zgarish: Barkli o‘rniga Mateo Kovachich tushdi
51'		VUUUUUH! Qanotdan de Bryuyne yetkazib bergan uzatmaga Aguero bosh bilan zarba berdi. To‘p to‘singa tegib qaytdi! Serxio xet-trikni rasmiylashtirishi mumkin edi
50'		Mezbonlar raqib jarima maydonchasiga yorib kirishdi. Hujum burchak to‘pi bilan yakunlandi
46'		Ikkinchi bo‘lim boshlandi. Davom etamiz
45+2'		Birinchi bo‘lim yakunlandi. Hozircha hisob — 4:0. "Manchester Siti" oldinda
45'		Birinchi bo‘limga 2 daqiqa qo‘shib berildi
43'		Londonliklar chap qanotdagi burchak yaqinidan jarima to‘pini o‘yinga kiritishdi. Mezbonlar himoyachda hech qanday imkoniyat berishmayapti
38'		VUUUUUUH! Iguain 20 metrlardan juda kuchli va aniq zarba yo‘lladi. To‘sin ostiga kirayotgan to‘pni Ederson yuqoriga ko‘tarib yubordi. Bugun bu darvozabon juda yaxshi o‘ynamoqda
35'		Rahim Sterling chap qanotdan jarima maydonchasiga yorib kirdi, ammo ikki himoyachini aldab o‘ta olmadi
34'		"Chelsi" futbolchilari raqibni o‘z jarima maydonchasiga "qamadi". Ammo bundan hozircha naf chiqayotgani yo‘q. Boisi, "Siti" futbolchilari yaxshi himoyalanishmoqda
30'		Chap qanotdan yetkazilgan uzatmani Iguainni darvozabon tomon burishga harakat qildi. To‘p himoyachidan maydonni tark etdi
29'		Pedro bu safar 15 metrdan zarba berdi. Yana Ederson o‘z o‘rnida
28'		EHHHHH, PEDRO! Juda qulay imkoniyatdan foydalana olmadi. Ispaniyalik futbolchining 12 metrdan bergan zarbasini darvozabon qaytardi!
25'		GOOOOOL! Ilkay Gyundogan, 4:0! Sterling chap qanotdan jarima maydonchasidagi Agueroga uzatma berdi. Ammo himoyachi to‘pni jarima maydonchasi tashqarisiga tepdi. Ilkay to‘pni egallab, darvozani aniq nishonga oldi! "Chelsi" — nokautda!
19'		GOOOOOOL! Serxio Aguero, 3:0! Mazkur "standart" oxir-oqibat gol bilan yakunlandi. Himoyachi o‘z jarima maydonchasi tashqarisida bosh bilan darvozabon tomon uzatma berdi. "Ofsayd"da turgan Aguero darvozasini ishg‘ol etdi! Bunday holatda ofsayd qayd etilmaydi, buni bilasiz
18'		David Luiz Agueroga nisbatan fol ishlatdi
13'		GOOOOOOOOL! Serxio AGUERO! Supergol! Argentinali futbolchi 25 metrlardan darvoza to‘qqizligini ishg‘ol qildi!
12'		AZAR! Belgiyalik futbolchi ajoyib "slalom" bilan bir nechta futbolchini aldab o‘tib, jarima maydonchasiga yorib kirdi va zarba berdi. To‘pni Ederson osonlik bilan egallab oldi
8'		EHHHHH, qanday qilib??? Serxio AGUERO 3 metrdan bo‘sh qolgan darvozani ishg‘ol eta olmadi!!! To‘p ustun yonidan o‘tib ketdi... Gvardiola ham boshini changallab qoldi
6'		"Shaharliklar" yana bir tezkor hujumga o‘tishdi. Aguero raqib jarima maydonchasiga kirishga urindi, ammo u raqib himoyachisini aldab o‘ta olmadi
4'		GOOOOOOL! Rahim Sterling, 1:0! "Manchester Siti" jarima to‘piga ega bo‘ldi. Ular kutilmaganda o‘ng qanotdan oldinga o‘tayotgan Bernardu Silvaga uzatma berishdi. Uning uzatmasidan keyin Sterling darvozani ishg‘ol qildi.
3'		Mehmonlar yana bir marta jarima maydonchasiga yuqoridan uzatma berishdi. Iguain to‘pga yeta olmadi - uni darvozabon egallab oldi
2'		Londonliklar chap qanotdan hujum tashkil qilishdi. Iguain jarima maydonchasi ichida to‘pni qabul qildi, ammo zarba berishga ulgurmadi
1'		Uchrashuv boshlandi. To‘pni o‘yinga "Siti" futbolchilari kiritib berishdi.
'		Diqqat, jamoalar maydonga chiqib kelmoqda
'		Assalomu alaykum, qadrli futbol muxlislari. Angliya premyer-ligasining 26-turi doirasida markaziy o‘yinni biz bilan kuzatib borishga taklif qilamiz. "Manchester Siti" o‘z maydonida "Chelsi"ni qabul qilmoqda.