• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Ispaniya La ligasi-2018/20019

Matn

90+4'		O‘yin yakunlandi. "Barselona" juda qiyin g‘alabaga erishdi — Messining gollari evaziga
90+3'		GOOOOOOOL! Luis Suares, 2:4! Messining ajoyib uzatmasidan keyin urugvaylik futbolchi yakkama-yakka vaziyatga chiqib ketdi va to‘pni darvozabonning ustidan oshirib qo‘ydi.
90'		Ikkinchi bo‘limga 4 daqiqa qo‘shib berildi
90'		Roki Mesa sariq oldi
88'		Vuuuh! Andalusiyaliklar hisobni tenglashtirishlari mumkin edi. Chap qanotdan yetkazilgan uzatmani Vaskes egalladi va teskari turgan holatda zarba berishga urindi. To‘p ustun yonidan o‘tib ketdi
88'		Mezbonlar burchak to‘pini o‘yinga kiritishdi. Bosh bilan berilgan zarbani ter Shtegen egallab oldi
85'		GOOOOOOOL! Lionel Messsiiii! Xet-trik! 3:2! Alenya 20 metrdan zarba berdi. To‘p himoyachining oyog‘iga tegdiyu, rekoshet holatda Messini yakkama-yakka vaziyatga "chiqarib" yubordi. Leo to‘pni darvozabonning ustidan osonlik bilan oshirib qo‘ydi
84'		Yaqindagina maydonga tushgan Karles Alenya ogohlantirish oldi
83'		Sarabiya esa sariq kartochka oldi. U hujumga o‘tmoqchi bo‘ldiyu, Albaning yuziga qo‘li bilan urib yubordi
82'		"Barsa" burchak to‘pini o‘yinga kiritdi.
80'		Simon Kyayer sariq kartochka oldi. Messining oyog‘iga tepgani uchun
79'		Burchakdan yetkazilgan uzatmangi himoyachi bosh bilan to‘pni jarima maydonchasi tashqarisiga chiqarib yubordi. Messi esa 16 metrlardan to‘pga chalqancha uslubda zarba berdi. To‘p hujumga borgan Pikening qo‘liga tegib qoldi
78'		Vuuuh! Dembelek chap qanotdan yetkazgan uzatmani himoyachi jarima maydonchasi tashqarisiga qaytardi. Messi to‘pni egallab, 18 metrlardan zarba berdi. Vaslik mushti bilan to‘pni yuqoriga ko‘tarib yubordi
75'		Mezbonlar yarmi soat davom etgan chuqur himoyadan chiqib, hujum tashkil qilishga harakat qilishmoqda
71'		Vuuuuh! Dembele chap qanotda himoyachidan qochib ketib, jarima maydonchasiga kirdi va noaniq uzatma berdi. Messi qanotga ketib qolgan to‘pni egalladi, jarima maydonchasi burchagigacha olib keldi va chap oyoqda kuchli zarba berdi. To‘p shundoqqina to‘sin ustidan o‘tib ketdi
70'		Franko Vaskes ogohlantirildi. Busketsga nisbatan tirsak bilan o‘ynagani uchun
67'		GOOOOOOOL! Lionel Messi, 2:2! Darvozabon to‘pni tepib yuborish chog‘ida Rakitich to‘pni egallab olib, o‘ng qanotdagi Usmonga pas berdi. Dembelening uzatmasini qabul qilgan Messi 14 metrlardan o‘ng oyoqda zarba berib, darvozaning yuqori burchagini ishg‘ol qildi
67'		Mezbonlar qarshi hujum tashkil qilishdi. Promes o‘ng qanotdan kuchli uzatma berdi. To‘pga hech kim yeta olmadi
64'		Kataloniyalik burchak to‘pini o‘yinga kiritishdi.
61'		Suares raqib jarima maydonchasi ichida himoyachi bilan to‘qnashuvda yiqildi. Hakamga VARga murojaat qilib, burchak to‘pi belgiladi
60'		To‘p nazorati to‘laligicha mehmonlar tomonida
57'		Maydonni tark etayotgan Veber ogohlantirish olishga ham ulgurdi
57'		"Sevilya"da o‘zgarish: Jarohat olgan Veber o‘rniga Ibrohim Amadu tushirildi
55'		Leo o‘zi jarima maydonchasiga yorib kirib, zarba berishga qaror qildi. Rekoshet holatida kelgan to‘pni darvozabon egallab oldi
53'		Vuuuuuh! Suaresning qanotdan bergan uzatmasidan keiyn Dembele yakkama-yakka vaziyatda muvaffaqiyatli zarba bera olmadi. So‘ngra Usmon himoyachining oyog‘idan yiqilganga o‘xshadi, ammo penalti emas
53'		Alba chap qanotdan pas berib, Suaresni yakkama-yakka vaziyatga chiqarishga urindi, amo Luis unga yeta olmadi
51'		"Sevilya"da o‘zgarish: Merkado o‘rniga Franko Vaskes tushdi
51'		Koutinyo Messidan pas qabul qilayotganida ofsaydda qoldi 1
49'		Messi tomonidan jarimadan yetkazilgan uzatmaga Suares yeta olmadi
49'		Marko Rog ogohlantirish oldi. U Dembeleni ortdan yiqitdi
46'		Valverde ikkita o‘zgarish qilishga qaror qildi. Vidal o‘rniga Usmon Dembele, Nelson Semedu o‘rniga Serxio Roberto tushirildi
46'		Ikkinchi bo‘lim boshlandi. Davom etamiz
45'		Birinchi bo‘lim yakunlandi. Hozircha "Sevilya" - "Barselona" 2:1. Tanaffus
45'		Vuuuuuh! "Sevilya" raqibni kechirdi. Qanotdan yetkazib berilgan uzatmaga Kyayer darvozagasha 4 metr masofadan bosh bilan zarba berdi. To‘p yuqoridan o‘tib ketdi.
42'		GOOOOOOOL! Merkado! "Barsa" himoyachilarining sustkashligini mezbonlar jazolashdi. Jarima maydonchasiga uzatma berilgan paytda kataloniyaliklar negadir harakatdan to‘xtab qolishdi. Sarabiya chiziq ustida to‘pni jarima maydonchasiga qaytardi. Merkado esa 10 metrlardan darvozani ishg‘ol qildi
40'		Eh, Suares! Messining uzatmasidan urugvaylik futbolchi darvozabon bilan yakkama-yakka vaziyatga chiqib borib, to‘pni yon tomonga olib qochdi. Ammo uning o‘tkir burchak ostida bergan zarbasi yoki uzatmasi noaniq bo‘ldi
38'		Pike sariq kartochka oldi
37'		Ben-Yedder jarima maydonchasining chap tomonidan Pikeni chiroyli aldab o‘tib, darvoza yaqiniga uzatma berdi. Alba xavfni bartaraf etdi
36'		Vuuuh! Ajoyib uzatmadan keyin Promes raqib jarima maydonchasiga kirib zarba berdi. Ammo ofsayd ekan
32'		"Barselona"dan ajoyib qarshi hujum: Messining uzatmasidan keyin Pike raqib jarima maydonchasi ichida bir himoyachi bilan yolg‘iz qoldi. U Serxio Gomesni ikki marta aldashga harakat qildi, ammo mudofaa vakili so‘nggi pallada to‘pni maydon tashqarisiga tepib yubordi
31'		Andalusiyalik maydon markazida to‘pni olib qo‘yib, qarshi hujumga o‘tdi. So‘nggi pallada Umtiti xavfni bartaraf etdi
30'		"Sevilya" jarima to‘pini o‘yinga kiritdi. Uzatmaga hech kim yeta olmadi
26'		GOOOOOOOL! Lionel Messi, 1:1! Supergol! Rakitich chap qanotdan havolatib yetkazgan uzatmadan so‘ng Messi chap oyoqda 11 metrli nuqta atrofida to‘pni yerga tushirmasdan darvozaga joylab qo‘ydi
25'		Alba chap qanotdan havolatib zarba berdi. Vidal bosh bilan aniq zarba berdi. Vaslik to‘pni egallab oldi
22'		GOOOOOOOOOOL! Xesus Navas, 1:0! "Sevilya" qarshi hujumni gol bilan yakunladi. O‘ng qanotdan yordamga kelgan Navas deyarli yakkama-yakka vaziyatda aniq zarba bilan hisobni ochdi.
22'		"Ko‘k-anorranglilar" qarshi hujum tashkil qildi. Ammo so‘nggi pallada Vidal Messiga pas berishni qoyillatmadi
19'		Burchak zarbasi samarasiz chiqdi
18'		Vuuuuh! Ben-Yedder! U raqib jarima maydonchasi ichida to‘pni qabul qildi, Umtitini chalg‘itdi va o‘ng oyoqda zarba berdi. Samuel so‘nggi pallada to‘p yo‘liga oyoq qo‘yishga ulgurdi. Burchak to‘pi
17'		"Sevilya" o‘ng qanotdan jarima zarbasini o‘yinga kiritdi. To‘p jonli devorga tegib qaytdi
14'		O‘yin jarima maydonchasidan jarima maydonchasigacha bo‘lmoqda. To‘p maydon markazida ushlanib qolmayapti
10'		Oho! Messi jarima maydonchasi chizig‘i ustidan zarba berdi. To‘p himoyachiga tegib qaytdi
8'		Andalusiyaliklar xavfli qarshi hujum tashkil qilishdi. Navas o‘ng qanotdan jarima maydonchasiga kirdi va uzatma berdi. Ish zarbagacha yetib bormadi
6'		"Barsa" burchak to‘pini o‘yinga kiritdi. To‘p hamon mehmonlarda
3'		Dastlabki daqiqalarda mezbonlar bosim uyushtirishga harakat qilishdi. Kataloniyaliklar raqibga xavfli vaziyat yaratish imkoniyatini berishmadi
'		Diqqat, uchrashuv boshlandi!
'		Assalomu alaykum, qadrli futbol muxlislari! Ispaniya chempionatining 25-turi doirasida "Sevilya" o‘z maydonida "Barselona"ni qabul qilmoqda. Uchrashuv boshlanish arafasida.