• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Evropa chempionlar ligasi, chorak final

Matn

'		Yarim finalda "Tottenxem" - "Ayaks" juftligi yuzaga keldi. Ikkinchi juftlik esa "Barselona" - "Liverpul"
90+7'		O‘yin tugadi. "Tottenxem" yarim finalga yo‘l oldi!
90+6'		Vuuuh! SOn Xeung xet-trikga erishishi mumkin edi. Ammo faqatgina burchak to‘pi
90+3'		GOOOOOOOL! Rahim Sterling! 5:3! Yo‘q, VAR golni bekor qilmoqda! Eriksen ortga uzatma berdi. Ammo to‘p Gyundoganning oyog‘idan Agueroga borib tushdi. Serxio esa Rahimni to‘p bilan ta’minlagandi...
90'		Ikkinchi bo‘limga 5 daqiqa qo‘shildi
90'		"Tottenxem"da o‘zgarish: Denni Rouz o‘rniga Davinson Sanches tushirildi
89'		Uoker yuqoridan uzatma berdi. Lyoris osonlik bilan to‘pni egallab oldi
86'		Vuuuuh! "Siti" gol urishiga oz qoldi! Kompani tomonidan yetkazilgan uzatmani Sane bosh bilan Gyundoganga yetkazdi. Ilkay 4-5 metrdan (o‘tkir burchak ostida) aniq zarba olmadi. To‘p yuqoriga ko‘tarilib ketdi
85'		Mezbonlar maydon markazida to‘pni yo‘qotishdi. Lyorente olis masofadan zarba yo‘lladi. Ederson ortga qaytdi va to‘pni egallab oldi
84'		"Siti"da o‘zgarish: Mendi o‘rniga Leroy Sane tushirildi
81'		"Tottenxem"da o‘zgarish: Lukas Moura o‘rniga Ben Devis tushdi
81'		Bernardu Silva jarima maydonchasiga uzatma berdi. Rahim uzatmaga yeta olmadi
80'		Vuuuh! Chap qanotdan yetkazilgan uzatmaga Aguero bosh bilan zarba berdi. Lyoris sakradi va to‘pni egallab oldi
78'		Bernardu o‘ng tomondan jarima maydonchasiga kirdi va chap oyoqda zarba yo‘lladi. To‘p himoyachining oyog‘iga tegdiyu, ustun yonidan o‘tib ketdi
77'		Viktor Vanyama sariq kartochka oldi. U taktik fol orqali Kevin de Bryuyneni yiqitdi
76'		Sterling jarima maydonchasi ichida to‘pni to‘xtatib berdi. Aguero kuchli, ammo naoniq zarba berdi
74'		Chaqir vaziyatni o‘z ko‘zi bilan ko‘rish uchun monitor oldiga yo‘l oldi. To‘p hujumchining qo‘liga tekkanmikan a? Yo‘q, hammasi joyida. Gol inobatga olindi!
73'		GOOOOOOL! Fernando Lyorente, 4:3! Burchakdan yetkazilgan uzatmani hujumchi darvozaga joylab qo‘ydi
72'		Son Xeung Min o‘tkir burchak ostida darvozabon bilan yuzma-yuz vaziyatga chiqdi va zarba berdi. To‘p Edersondan maydonni tark etdi
71'		De Bryuyne jarima to‘pini o‘yinga kiritdi. Lyoris to‘pni egallab oldi
66'		"Siti"dan yana bir xavfli hujum. Rahim ofsaydda qoldi
65'		"Shaharliklar" tezkor qarshi hujumga o‘tishdi. Ammo Aguero jamoadoshlariga o‘z vaqtida uzatma bera olmadi
64'		De Bryuyne o‘ng qanotdan bir himoyachidan qochib, darvoza yaqiniga uzatma berdi. Mudofaachilar xavfni bartaraf etishdi
63'		"Man Siti"da o‘zgarish: David Silva o‘rniga Fernandinyo tushirildi
61'		Mana bu hisob endi "Manchester Siti"ni qanoatlantiradi. Endi "Tottenxem" oldinag tashlansa kerak
59'		GOOOOOOOL! Serxio Aguero, 4:2! Kevin de Bryuyne to‘pni qabul qildi va darhol oldinga tashlandi. Belgiyalik ftubolchi bir futbolchini aldab o‘tib, jarima maydonchasiga kirayotgan Aguero tomon pas berdi. Serxio o‘tkir burchak ostida kuchli zarba bilan darvozani zabt etdi.
57'		Xavfli vaziyat! Qanotdan yetkazilgan uzatmaga Lyorente mezbonlar jarima maydonchasi ichida bosh bilan zarba berdi. Ederson zarbani qaytardi
54'		Mezbonlar ijrosidagi burchak to‘pi xavfli bo‘lmadi
54'		vuuuuh! Lyoris "Tottenxem"ni qutqarmoqda! de Bryuyne 15 metrlardan kuchli zarba berdi. Ugo esa ajoyib seyv namoyish qildi
50'		VUUUUUH! "Siti" juda xavfli hujum tashkil qildi. Sterling 8-9 metrlardan yo‘llagan zarbani darvozabon qaytardi. Qaytgan to‘pga Bernardu yetib kelib zarba berishga urindi, ammo himoyachi so‘nggi pallada unga xalal berib qoldi
49'		Kevin jarimadan kuchli zarba yo‘lladi. To‘p to‘sin ustidan o‘tib ketdi
48'		De Bryuyne raqib jarima maydonchasi tomon yaqinlashayotgan edi. Son Xeung Min uni yiqitdi. Koreyalik futbolchi ogohlantirish oldi
46'		Ikkinchi bo‘lim start oldi
'		Darvoqe, chorak final bosqichi doirasida bo‘layotgan yana bir o‘yinda "Portu" o‘z uyida "Liverpul"ga yutqazmoqda — 0:1.
45+3'		Birinchi bo‘lim yakunlandi. Hozircha "Manchester Siti" - "Tottenxem" - 3:2. Tanaffus
45'		Birinchi bo‘limga 3 daqiqa qo‘shib berildi
45'		Kevin de Bryuyne bir himoyachini aldab o‘tib, 22 metrlardan chap oyoqda aniq zarba yo‘lladi. Lyoris to‘pni egallab oldi
43'		Vuuuh! Son Xyong Min! U jarima maydonchasiga kirib, chap oyoqda zarba berdi. To‘p olis ustun yonidan o‘tib ketdi
41'		"Tottenxem"da o‘zgarish bo‘ldi: Sissoko o‘rniga Lyorente tushirildi
42'		Mezbonlarning xavfli hujumi. Sterlingning uzatmasidan keyin David Silva jarima maydonchasiga kirdi, ammo sheriklariga pas bera olmadi
40'		Mussa Sissoko jarohat oldi. Uning o‘rniga boshqa futbolchi tushishi lozim
37'		O‘ng qanotdan yerlatib yetkazilgan uzatmani Serxio Aguero jarima maydonchasi ichida qabul qildi va darvoza tomon zarba berdi. To‘p himoyachining oyog‘idan maydonni tark etdi
34'		Hozirgi hisob "Tottenxem"ni qanoatlantiradi. Safardagi gol qoidasi tufayli "shporlar" keyingi bosqichga yo‘l olishadi. "Siti" yarim finalga chiqishi uchun o‘z darvozasi daxlsizligini saqlagan holda, kamida yana bitta gol urishi mumkin. Oldinda hali bir soat vaqt bor. Bu o‘yinda hamma narsa yuz berishi mumkin
30'		Maydon egalari qisqa paslar orqali hujum tashkil qilishmoqda. "Tottenxem" yaxshi himoyalana boshladi
28'		To‘p bilan ko‘proq mehmonlar muomalada bo‘lishmoqda
21'		GOOOOOOOL! Rahim Sterling, 3:2! "Shaharliklar" jarima to‘pini tezkor o‘yinga kiritib, raqib himoyachilarini shoshirib qo‘yishdi. Narigi ustun tomon yetkazilgan uzatmani Rahim darvozaga joylab qo‘ydi! Fantastik o‘yin!
18'		David Silva jarima zarbasini tepdi. To‘p yuqoridan o‘tib ketdi
11'		GOOOOOL! 2:2! O‘yinda hisob yana tenglashdi. Maydon egalari o‘ng qanotdan jarima maydonchasiga kirib kelgan Bernardu Silvaning to‘p bilan ta’minlashdi. Uning zarbasidan keyin to‘p himoyachining oyog‘iga tegib, o‘z yo‘nalishini o‘zgartirdi va yaqin burchakka dumalab kirib ketdi
10'		GOOOOOOL! Son Xyong Min, 1:2! Gvardiola jamoasi o‘ziga kelib ulgurmasidan mehmonlar ikkinchi golni urishdi. "Shporlar" tezkor qarshi hujum tashkil qilishdi. Son 19 metrlardan aylanma zarba berib, Edersonni dog‘da qoldirdi
7'		GOOOOOL!Yo Son Xyong Min, 1:1! Hisob tenglashdi. "Tottenxem" hujum qilayotgan paytda mezbon jamoa markaziy himoyachisi to‘pni jarima maydonchasidan uzoqlashtirishda muvafaqiyatli harakat qila olmadi. Koreyalik futbolchi esa 17 metrlardan darhol zarba berdi. Unchalik kuchli bo‘lmagan zarbani Ederson qaytara olmadi.
3'		GOOOOOL! Rahim Sterling, 1:0! "Shaharliklar" dastlabki hujumniyoq golga aylantirishdi. Kevin de Bryuynening uzatmasidan keyin Rahim jarima maydonchasining chap tomonida to‘pni qabul qildi va olis burchak tomon aylanma zarba berdi!
'		Assalomu alaykum, qadrli futbol muxlislari! Yevropa chempionlar ligasi chorak final bosqichi «Manchester Siti» - «Tottenxem» o‘yinidan matnli onlayn translyasiyani e’tiboringizga havola qilamiz.