• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Evropa chempionlar ligasi, yarim final

Matn

90+3'		O‘yin tugadi. "Ayaks" Londonda g‘alaba qozondi. Bu juftlikda hamli hech narsa tugamadi. Javob o‘yini 8 may kun Amsterdamda bo‘lib o‘tadi
90+1'		Moura 20 metrlardan zarba yo‘llamoqchi bo‘ldi, ammo to‘p uning oyog‘iga "o‘tirmadi"
90'		Ikkinchi taymga 3 daqiqa qo‘shildi
87'		"Ayaks"da o‘zgarish: Hakim Ziyesh o‘rniga Xuntelaar maydonga tushdi.
84'		Mezbonlar raqib darvozasi tomon yo‘l topa olishmayapti
81'		Eriksen jarimadan yetkazgan uzatmaga "Tottenxem" futbolchilaridan biri bosh bilan zarba berdi. Noaniq
79'		"Tottenxem"da ikkita o‘zgarish: Denni Rouz o‘rniga Ben Devis, Tripye o‘rniga Xuan Foyt tushirildi
78'		VUUUUUUH! "Tottenxem"ni darvoza ustuni goldan qutqarmoqda. Mazraviy o‘ng tomondan oldinga o‘tib, hujumga asos soldi. Ziyeshning uzatmasidan keyin to‘pni qabul qilgan Neres o‘tkir burchak ostida zarba berdi. To‘p ustunga tegib qaytdi. Lyoris joyida qotib qolgandi
75'		"Shporlar" raqib pressingidan chiqib ketib, yaxshi hujum tashkil qilishdi. Ammo bor-yo‘g‘i burchak to‘pi
73'		Mehmonlar yana bir hujumni qisqa paslar orqali tashkil qilishdi. Sissoko xavfni bartaraf etdi
71'		"Ayaks" futbolchilari ko‘pchilik bo‘lib pressing ishlatishdi va raqib jarima maydonchasi ichida to‘pni olib qo‘yishdi. Tadich 10 metrlardan yo‘llagan zarba mezbon futbolchisiga tegib qaytdi
70'		Andre Onana yuqoridan yetkazilayotgan uzatmalarga juda ko‘p chiqmoqda va aksariyat hollarda muvaffaqiyatli harakat qilmoqda
68'		Amsterdamliklar qarshi hujumga qochib ketishlari mumkin edi. Ammo van de Beek tomon yetkazilgan uzatmani biroz noaniq bo‘ldi
65'		"Ayaks"da o‘zgarish: Lasse Shon o‘rniga Nussayr Mazruy tushirildi
63'		Joel Veltman ogohlantirish oldi
62'		Mezbonlarning yaxshi hujumi. Moura o‘ng qanotdan jarima maydonchasiga kirib, darvoza yaqiniga uzatma berdi. Himoyachi xavfni bartaraf etdi
58'		Yuqoridan jarima maydonchasiga yetkazilgan to‘pni Onana osonlik bilan egallab oldi
56'		"Shporlar"ning bu galgi hujumi o‘xshadi. Dele Alli bosh bilan so‘nggi zarbani aniq bera olmadi
55'		Taym boshidagi ochiq o‘yindan keyin har ikkala jamoada xatolar ketma-ketiligi kuzatilmoqda
51'		Vuuuh! "Ayaks" gol urishga yaqin keldi. So‘nggi pallada Rouz darvozabon maydonchasi ichida to‘pni tepib yubordi
50'		Vuuuh! Dele Alli 15 metrlardan zarba berdi. Onana to‘pni egallab oldi
49'		Mezbonlar burchak to‘pini o‘yinga kiritishdi. Onana to‘pni egalladi
46'		Talyafiko olis masofadan xavfli zarba yo‘lladi. To‘p ustun yonidan o‘tib ketdi
46'		Ikkinchi taymga start berildi. To‘pni o‘yinga "Tottenxem" kiritib berdi
'		Ikkinchi bo‘lim boshlanish arafasida.
45+5'		Birinchi bo‘lim yakunlandi. Hozircha "Tottenxem" - "Ayaks" - 0:1. Tanaffus
45+5'		Vuh! Sissoko olis masofadan kuchli zarba berdi. Ammo noaniq
45+4'		Vuuuuh! Jarimadan yetkazilgan uzatmaga Alderveyreld 10 metrlardan bosh bilan zarba berdi. To‘p to‘sin ustidan o‘tib ketdi
45+2'		"Tottenxem" hisobni tenglashtirishi mumkin edi. de Lixt darvoza oldida xavfni bartaraf etdi
5'		Birinchi bo‘limga 5 daqiqa qo‘shib berdi hakam
45'		Mehmonlar qisqa paslar orqali raqib jarima maydonchasiga kirib borishdi, ammo so‘nggi pallada markaziy himoyachi to‘pni egallab olib, xavfni bartaraf etdi
43'		Neres yakkama-yakka vaziyatga qochib ketayotgandi, ammo Sanches yelkama-elka kurashda hujumchidan ustun keldi
42'		"Tottenxem" burchak to‘pini o‘yinga kiritdi. Onana musht bilan urib yubordi
41'		Mehmonlar jarima to‘pini o‘yinga kiritishdi. De Lixt bosh bilan noaniq zarba berayotgan paytda ofsaydda qolgan edi
40'		"Tottenxem"da yaxshi imkoniyat yuzaga keldi. Lukas Moura o‘ng tomondan jarima maydonchasiga kirib borib, so‘nggi chiziq oldidan darvozabon maydonachasi tomon uzatma berdi. Onani to‘pni egallab oldi
39'		Yan Vertongen o‘yinni davom ettira olmaydigan bo‘ldi. U o‘zini yomon his qilmoqda. Uning o‘rniga Musa Sissoko tushirildi
37'		Qanotdan yetkazilgan uzatmani Lyoris egallab oldi
36'		O‘yin davom etadi. Mazkur to‘xtalish uchun birinchi bo‘limga 5 daqiqa qo‘shilsa kerak
34'		Futbolchilarga hamon tibbiy yordam ko‘rsatilmoqda. Vertongenning burni yorildi. Qon oqdi, futbolka almashtirilishi kerak
31'		"Tottenxem" jarima to‘pini o‘yinga kiritdi. "Ayaks" posboni Onana to‘pga chiqishda xatoga yo‘l qo‘ydi. Mezbonlar yarim himoyachisi yo‘llagan zarba himoyachiga tegib qaytdi. Shundan so‘ng hakam o‘yinni to‘xtatishga majbur bo‘ldi. Boisi, Vertongen va Alderveyreld o‘zaro to‘qnashib ketib, jarohat olishdi
30'		Nikolas Talyafiko sariq kartochka oldi
29'		Pochettino jamoasi o‘yinni tenglashtirishga harakat qilmoqda
26'		Oho! "Tottenxem" maydon markaziga yaqin joydan jarima to‘pini o‘yinga kiritdi. Lyorente 11 metrli nuqta atrofidan bosh bilan zarba berdi. To‘p ustun yonidan o‘tib ketdi
24'		VUUUUUUH! JUda chiroyli kombinasiya! Albatta amsterdamliklar ijrosida! Faqat so‘nggi pas yetishmadi. "Lyoris oyog‘i bilan zarbani qaytarib qoldi!
24'		"Tottenxem" raqibdan to‘pni olib qo‘yishga qiynalmoqda
21'		Londonliklar ijrosidagi qarshi hujum "Ayaks" jarima maydonchasigacha yetib bormadi
20'		O‘yinning 20-daqiqasiga kelib to‘p bilan muomaladagi farq — 34/66%
19'		Burchak to‘pi jarima zarbasiga aylandi. "Ayaks"ning shturmi davom etadi
18'		Yosh gollandlar maydonda uchib harakat qilishmoqda. Denni Rouz burchakka yaqin joyda Neresga nisbatan qo‘pol o‘ynadi
17'		Vuuuuuh! Yana bir ajoyib hujum! "Tottenxem" himoyachisi o‘z darvozasini ishg‘ol qilib qo‘yishiga oz qoldi
15'		GOOOOOOOL! Donni van de Beek, 0:1! Mehmonlarning qisqa paslari "Tottenxem" mudofaasini parchaladi. Hujumchi yakkama-yakka vaziyatda qoldi va darvozani ishg‘ol qildi
13'		Hakim Ziyesh "Tottenxem" jarima maydonchasi tashqarisida to‘pni o‘ziga bo‘ysundirdi va 21 metrdan zarba berdi. To‘p himoyachiga tegdiyu, ofsaydda turgan Neresga borib tushdi
11'		"Ayaks" qisqa paslar orqali asta-sekin "Tottenxem" jarima maydonchasi tomon yaqinlashib kelmoqda. Maydon egalari hozircha to‘psiz yugurishga majbur
9'		"Ayaks" futbolchilari to‘pni hozircha maydonning o‘zlariga tegishli qismida nazorat qilishmoqda
5'		"Ayaks" burchak to‘pini o‘yinga kiritdi. Himoyachilar qaytargan to‘pni "Ayaks" futbolchisi jarima maydonchasi chizig‘i ustidan darvoza tomon tepdi. To‘p yuqoriga ko‘tarilib ketdi
4'		Dastlabki xavfli hujumni mehmonlar uyushtirishdi. van de Beek raqib himoyachisidan to‘pni olib qo‘yib, jarima maydonchasiga kirib bordi va sherigiga uzatma berdi. To‘p mezbon futbolchisidan maydonni tark etdi
3'		"Ayaks" hujumkor jamoa ekanini bilamiz. "Tottenxem" esa bugun o‘z uyida, o‘z muxlislari qarshisida o‘ynamoqda. "Shporlar" bugun gol urishga jiddiy harakat qiladi. SHU bois, bugun nisbatan ochiq o‘yinga guvoh bo‘lsak ajab emas
1'		Ma’lumot o‘rnida aytib o‘tamiz: "Tottenxem" tarkibida ikkita jiddiy yo‘qotish bor. Xarri Keyn jarohatidan hamon sog‘aymagan bo‘lsa, Son Xeung Min diskvalifikasiya tufayli bugun maydonga tusha olmaydi.
1'		Diqqat! Uchrashuv boshlandi. To‘pni o‘yinga amsterdamliklar kiritib berishdi
'		«Tottenxem» oq, «Ayaks» esa qora rangli futbolkalarda o‘ynaydi
'		Evropa chempionlar ligasi madhiyasi yangramoqda.
'		Diqqat, "Tottenxem" va "Ayaks" jamoalarining boshlang‘ich tarkiblari maydonga chiqib kelishmoqda. Bosh hakam — Mateo Laos (Ispaniya)
'		O‘yin boshlanishiga 10 daqiqa vaqt qoldi. Birozdan keyin jamoalar maydonga chiqib kelishadi
'		Xo‘sh, sizningcha, "Tottenxem" - "Ayaks" juftligida qaysi jamoaning finalga chiqish imkoniyati yaxshiroq? Dadil fikr aytish qiyin a? Bu juftlikda favorit yo‘q
'		Assalomu alaykum, qadrli futbol muxlislari! Yevropa chempionlar ligasining yarim final bosqichiga yetib keldik. Bugun Londondagi «Tottenxem Xotspur Stedium»da mezbonlar mavsum kashfiyoti «Ayaks»ni qabul qilishmoqda.