• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

ECHL - 2018-19 / YARIM FINAL / 08.05.2019 23:59

Matn

90+8'		O‘yin tugadi! "Tottenxem" kambekni amalga oshirib, final yo‘llanmasini qo‘lga kiritdi. Fantastika!!!
90+8'		O‘yin davom etmoqda.
90+5'		GOOOOOOOOL! Lukas Moura, o‘yin tugashiga 1 soniya qolganida "Tottenxem" g‘alabani to‘pini kiritmoqda!!!
90+5'		Andre Onana vaqtni cho‘zgani uchun sariq oldi
90+4'		Burchakdan yetkazilgan uzatmaga Fernando Lyorente bosh bilan zarba berdi. To‘p yuqoridan o‘tib ketdi
90+4'		"Tottenxem" burchak to‘pi ishladi. Lyoris raqib jarima maydonchasiga yetib keldi
90+3'		VUUUUUH! Ziyoshning zarbasini Lyoris qaytardi!
90+2'		Mezbonlar burchak to‘pi orqali 30 soniya yutishdi
90+1'		Oho! "Ayaks" qarshi hujumga qochib ketdi. Tadich jarima maydonchasiga kirayotgan sherigiga u qadar muvaffaqiyatli zarba bermadi. Shunga qaramay, burchak to‘pi
90'		Ikkinchi bo‘limga 5 daqiqa qo‘shildi
89'		"Ayaks"da o‘zgarish: van de Beek o‘rniga Lisandro Magallan tushirildi
87'		VUUUUUUUUH! Burchakdan yetkazilgan uzatmaga Vertongen bosh bilan zarba berdi. To‘p to‘singa tegib qaytdi. Qaytgan to‘pni Yanning o‘zi oyoq bilan darvoza tomon tepdi. Blind to‘pni chiziq ustida qaytardi!
86'		Son Xyong Min jarima maydonchasi ichida to‘pni qabul qilib, burchak to‘pi ishladi
84'		"Tottenxem" bosim uyushtiryapti. Maydon egalari ham jang qilmoqda
82'		"Tottenxem"da uchinchi o‘zgarish: Rouz o‘rniga Ben Devis tushdi
81'		"Tottenxem"da o‘zgarish: Trippye o‘rniga Erik Lamela tushirildi
80'		Mezbonlar ijrosida qarshi hujum. Ziyosh jarima maydonchasiga kirayotgan Tadichga uzatma berdi. Ammo Dushandan to‘pni olib qo‘yishdi himoyachilar
79'		VUUUUUUH! Hakim Ziyosh jarima maydonchasi tashqarisidan yerlatib zarba berdi. To‘p ustunga tegib qaytdi! Omad "Tottenxem" tomonida bo‘ldi
77'		Hakim Ziyosh ogohlantirish oldi
76'		Denni Rouz "sariq" oldi. U to‘pni qo‘li bilan o‘ynagani uchun o‘yinni to‘xtatgandi. Futbolchi jahl bilan to‘pni yerga qarab otdi
75'		Sissokoning uzatmasidan keyin Moura o‘ng qanotdan jarima maydonchasiga kirib, Mussaning o‘ziga to‘pni qaytargandi. Ammo "Ayaks" futbolchisi to‘pni egallab olib, xavfni bartaraf etdi
73'		Londonliklar burchak to‘pini o‘yinga kiritishdi. Alderveyreld bosh bilan zarba berdi. Biroz noaniq
71'		Vuuuuh! "Ayaks"da yaxshi imkoniyat! De Lixt bosh rolda! Lyoris qutqardi
70'		Ziyosh aylanma uzatma bilan chap qanotdan darvozabon maydonchasiga yetib kelgan Sinkgravenga uzatma berdi. Ammo Tadich jamoadoshiga xalal berib qoldi
67'		"Ayaks"da o‘zgarish: Dolberg o‘rniga Deyli Sinkgraven tushirildi
67'		"Tottenxem" burchak to‘pini o‘yinga kiritdi. Muvaffaqiyatsiz
64'		Burchakdan yetkazilgan uzatmaga Lyorente bosh bilan zarba berdi. Noaniq
64'		Moura xet-trikka erishishi mumkin edi. De Lixt xavfni bartaraf etdi
63'		Vuuuuuh! Ziyosh ajoyib imkoniyatdan foydalana olmadi! Chap qanotdan yetkazilgan uzatma natijasida marokashlik futbolchi 11 metrli nuqta ustida zarba yo‘lladi. To‘p ustun yonidan o‘tib ketdi
62'		Mezbonlar yana burchak to‘pini o‘yinga kiritishdi. Mazraviy jarima maydonchasi tashqarisidan zarba yo‘lladi. Noaniq
61'		"Ayaks" darhol o‘ziga kelib, hujum tashkil qildi. Ziyosh jarima maydonchasi tashqarisidan zarba yo‘lladi. To‘p himoyachining oyog‘idan maydonni tark etdi
59'		GOOOOOOOL! Lukas Moura, 2:2! Son Xyon Min o‘ng qanotdan jarima maydonchasiga yorib kirgan sherigiga uzatma berdi. Uning pasidan keyin darvozabon maydonchasi ichida turgan Lyorente zarba berdi. Ushbu zarbani Onana qaytardi va darvozabon to‘pni egallab olayotgan paytda Shyone unga xalal berib qoldi. To‘pni esa Moura egalladi va 10 metrlardan aniq zarba bilan hisobni tenglashtirdi
55'		GOOOOOOOL! Lukas Moura, 2:1! "Tottenxem" tezkor qarshi hujumda nihoyat "Ayaks" darvozasini zabt etdi
53'		VUUUUUH! Eriksen tomonidan berilgan ajoyib uzatma natijasida Dele Alli yakkama-yakka vaziyatda 6 metrlardan o‘tkir burchak ostida kuchli zarba berdi. Onanadan ajoyib seyv!
51'		"Shporlar" kutilganidek bosim uyushtirishmoqda. Burchak to‘pi ishlandi
46'		Ikkinchi taym boshlandi. Davom etamiz
46'		"Tottenxem"da o‘zgarish: Vanyama o‘rniga Markos Lyorente tushirildi
45+2'		Birinchi bo‘lim yakunlandi. Hozircha "Ayaks" - "Tottenxem" - 2:0. Ikki o‘yin natijasi bo‘yicha - 3:0. Tanaffus. Xo‘sh, tanaffusdan keyin "Tottenxem" 3ta gol ura oladimi? Ko‘ramiz, kutamiz
45'		Birinchi bo‘limga 2 daqiqa qo‘shib berildi
45'		Mezbonlar burchak to‘pini o‘yinga kiritishdi. Himoyachilar ishonchli harakat qilishdi
42'		"Ayaks" ancha ulg‘aydi. 19-20 yoshli yigitlar juda xotirjam o‘ynashmoqda
39'		Londonliklar hujum tashkil qilishga urinmoqda. Ammo mudofaani yorib o‘ta olmayapti. Boz ustiga, "Ayaks" ijrosidagi qarshi xavfli chiqmoqda
35'		GOOOOOOOL! Hakim ZIYOSH! 2:0! Amsterdamliklar raqibni qarshi hujumda jazolashdi. Lyoris bu safar qutqara olmadi
30'		VUUUUUUUH! "Ayaks" xavfli qarshi hujum tashkil qildi. Tadich chap qanotdan jarima maydonchasiga kirdi, himoyachini aldadi va olis burchak tomon zarba berdi. To‘p ustun yonidan o‘tib ketdi
27'		Tashabbus "shporlar" tomoniga o‘tdi. Ular burchak to‘pini o‘yinga kiritishdi. Lukas Moura jarima maydonchasi tashqarisidan noaniq zarba yo‘lladi
23'		Vuuuuuh! "Tottenxem" chap qanotdan ajoyib hujum tashkil qildi. Dele Allining jarima maydonchasiga bergan uzatmasidan keyin Son Xyon Min yakkama-yakka vaziyatga chiqib, zarba berdi. Onana to‘pni egallab oldi
21'		Chap qanotdan belgilangan jarima to‘pini Ziyosh o‘yinga kiritdi. Londonliklar to‘pni qaytarishdi
19'		"Shporlar"ning biroz muddatli pressingidan "Ayaks" yana o‘z o‘yin uslubini tikladi
16'		Mussa Sissoko sariq kartochka oldi
15'		Maydon markazi uchun kurash kechmoqda. Hech kim ortga chekinmoqchi emas
10'		Oho! Dele Alli jarima maydonchasi ichida to‘pni qabul qilib, zarba berdi. Ammo u avvalroq ofsaydda qolgan ekan
8'		Xo‘sh, "Ayaks"ning goli nimani anglatadi? Bugun ekstra-taymlar bo‘lmaydi. Barcha masala 90+ daqiqada hal bo‘ladi. "Tottenxem" finalga chiqishi uchun kamida 2ta gol urishi kerak
6'		VUUUUUUH! Son Xyon Min chap qanotdan jarima maydonchasiga yorib kirib, o‘tkir burchak ostida darvoza tomon zarba berdi. To‘p ustun tegib, 11 metrli nuqta atrofiga qaytdi. Eriksen bir amallab to‘pni darvoza tomon yo‘naltirdiyu, ammo himoyachilar to‘pning darvozaga borib tushishiga yo‘l qo‘yishmadi
5'		GOOOOOOOOOL! Matteys de Lixt, 1:0! Burchakdan yetkazilgan yetkazilgan uzatmani "Ayaks" bosh bilan darvozani ishg‘ol qildi!
4'		Vuuuuuuh! "Ayaks" hisobni ochishi mumkin edi, ammo Lyoris qahramonlik ko‘rsatdi. Burchak to‘pi
3'		"Ayaks" dastlabki xavfli hujumni tashkil qildi. Dolberg jarima maydonchasi ichida to‘pni ko‘kragi bilan qabul qildiyu, ammo zarba berishga ulgurmadi. Boshqa futbolchining uzatmasidan keyin to‘p himoyachilarga tegib qaytdi
1'		Darvoqe, hali o‘yin boshlanmasidan oldin "Ayaks" yo‘qotishga uchradi. Jamoaning asosiy hujumchilaridan biri David Neres mashg‘ulot paytida jarohat olgan. Uning o‘rniga Kasper Dolberg asosiy tarkibda o‘yinni boshladi
1'		Uchrashuv boshlandi. To‘pni o‘yinga "Tottenxem" futbolchilari kiritib berishdi
'		Bugun "Ayaks" oq-qizil, "Tottenxem" esa ko‘k-yashil rangli futbolkalarda harakat qiladi
'		Diqqat, jamoalar maydonga chiqib kelishmoqda
'		Assalomu alaykum qadrli futbol muxlislari. Bir necha osatlardan so‘ng Chempionlar ligasining ikkinchi finalchisi ham ma’lum bo‘ladi. Yarim finalning ikkinchi o‘yinida "Ayaks" o‘zida "Tottenxem"ni qabul qiladi. Jamoalarning ilk uchrashuvida "Ayaks" 1:0 hisobida g‘alaba qozongshan edi.