• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

JCH-2022 saralash. Osiyo, 2-bosqich.

Matn

90+5'		O‘yin yakunlandi. Alamli mag‘lubiyat. Juda yaxshi o‘ynab, so‘nggi daqiqalarda ikkita gol o‘tkazib yubordik.
90+5'		Burchakdan yetkazilgan uzatmani mehmonlar egallab olishdi
90+4'		Burchak zarbasi ishladik
90'		Ikkinchi bo‘limga 5 daqiqa qo‘shib berildi
90'		O‘zbekistonda o‘zgarish: Doston Hamdamov o‘rniga Igor Sergeev tushirildi
89'		GOL! Afsuski, Saudiya Arabistoni terma jamoasi chiroyli gol urishga muvaffaq bo‘ldi. Shukurov maydon markazida to‘pngi oldirib qo‘ydi. Salim ad-Dovsariy esa 15 metrdan parashyut zarba bilan darvozani ishg‘ol qildi. Suyunovning qo‘llariga to‘pga yetmay qoldi
86'		GOL! Afsuski, olis masofadan zarba yo‘llanganidan keyin to‘p rekoshet holatida darvozamizga borib tushdi. Salmon al-Faraj dublni rasmiylashtirmoqda
85'		Saudiyada o‘zgarish: Al-Birakan o‘rniga Abdulloh al-Hamdan tushirildi
84'		Jarimadan yetkazilgan uzatmani himoyachilar qaytarishdi
84'		Chap qanotda Aliboyevga nisbatan fol ishlatildi
82'		O‘zbekistonda dastlabki o‘zgarish: Masharipov o‘rniga Odil Hamrobekov tushirildi
81'		Qoyil, Eldor! Mehmonlar hujumchisi yakkama-yakka vaziyatga chiqayotgan edi. Darvozabonimiz to‘pni egallab olishga muvaffaq bo‘ldi
79'		Mehmonlar futbolchisi burchak zarbasini muvaffaqiyatsiz amalga oshirdi
79'		Vuh! Abdulaziz al-Beshiy aylanma zarba berdi. Suyunov seyv namoyish qilib, to‘pni maydondan tashqariga chiqarib yubordi
77'		Abdulashish al-Beshiy ogohlantirish oldi.
75'		Hamdamov burchak to‘pini o‘yinga kiritdi, Shomurodov bosh bilan to‘pni ortga urib yubordi, Masharipov chalqancha uslubda zarba bermoqchi bo‘ldi. To‘p Jalolning oyog‘iga tegmay qoldi
74'		Ahmedovning zarbasidan keyin to‘p jonli devorga tegib qaytdi
73'		Salim ad-Dovsariy ogohlantirish oldi. U ortdan kelib Aliboyevni yiqitdi. Davrozagacha 25 metrlardan jarima zarbasi tepamiz
72'		Saudiyada o‘zgarish: Ash-Shehriy o‘rniga Navof al-Obid tushirildi
71'		Masharipov biroz ofsaydda qolib ketdi
70'		Shukurov olis masofadan noaniq zarba yo‘lladi
69'		Eh, yaxshi vaziyat edi ya! Futbolchilarimiz raqibga bosim o‘tkazib, ularni xato qilishga majbur qilishmoqda. Hamdamovning uzatmasidan keyin Qodirqulov darvozabon bilan yakkama-yakka vaziyatga chiqib ketishi mumkin edi. Ammo to‘p Sanjarning oyog‘iga tegdiyu, ortda qolib ketdi
68'		Terma jamoamiz to‘pni nazorat qilishga intilmoqda
62'		Saudiya Arabistonida o‘zgarish bo‘ldi. Bahebriy o‘rniga Abdulaziz al-Beshiy maydonga tushirildi.
62'		Alijonov o‘ng tomondan raqib jarima maydoniga kirib, o‘tkir burchak ostida kuchli zarba berdi. To‘p yuqoriga ko‘tarilib ketdi
61'		To‘p saudiyalik himoyachining qo‘liga tegdi. Bu safar yaponiyalik hakamning hushtagi jim
56'		GOOOOOOOOL! Otabek Shukurooooov! Kuchli zarba bilan darvozani ishg‘ol qildi!
55'		PENALTI! Saudiya Arabistoni darvozasiga! Masharipov jarimadan yetkazgan uzatmani himoyachilar qaytarishdi. Sayfiyev yo‘llagan zarbadan so‘ng to‘p himoyachining qo‘liga tegdi
54'		Qodirqulov himoyachiga bosim o‘tkazdi, undan to‘pni olib qo‘ydi va jarima zarbasi ishladi. Jarima maydonining yon tomonida
53'		Aliboyev raqib bilan to‘p uchun kurashda tik oyoq bilan chiqib bordi. Sato uni og‘zaki ogohlantirdi
51'		Jarimadan yetkazilgan uzatmani Eldor mushti bilan urib yubordi
50'		Hakam jarima maydonimiz burchagida jarima zarbasi belgiladi.
46'		Masharipov chap qanotda himoyachilardan qochib ketib, darvoza oldiga uzatma berdi. Posbon to‘pni egallab oldi
46'		Ikkinchi bo‘lim start oldi. Davom etamiz
45+1'		Birinchi bo‘lim yakunlandi. Hozircha hisob - 1:1. Tanaffus
45+1'		VUUUUH! Ashurmatov o‘ta qo‘pol xatoga yo‘l qo‘ydi! U jarima maydonimiz ichida Suyunovga juda noaniq pas berdi. Ahmedov o‘z vaqtida to‘pga yetib borib, xavfni bartaraf etdi. Aks holda mehmonlar hujumchisi bo‘sh darvozani ishg‘ol qilishi mumkin edi.
45'		Birinchi bo‘limga 1 daqiqa qo‘shib berildi
45'		Shehriy jarima maydonimiz tashqarisidan zarba berdi. Eldor to‘pni egallab oldi
42'		VUUUUUUH! Shomurodoooov! Eldor darvozabon bilan yakkama-yakka vaziyatga chiqib ketib, zarba berdi. Al-Ovays oyog‘i bilan to‘pni qaytardi
39'		O‘yin ancha faol va tezkorlik bilan davom etmoqda. Terma jamoamiz ketma-ket burchak to‘plarini o‘yinga kiritishmoqda. Hozircha mehmonlar yuqori qavatda yaxshi o‘ynashmoqda
35'		Hakam Saudiya darvozasi tomon penalti belgilashi mumkin edi. Shomurodov ikki himoyachi orasidan o‘tib jarima maydoniga kirgan paytda futbolchilardan biri uni qo‘li bilan turtib yiqitdi. Hakam esa qoidabuzarlik sodir etilmaginini ko‘rsatdi
22'		GOL! Al-Faraj darvozani ishg‘ol qildi
21'		Eh, darvozamiz tomon penalti belgilandi. Rustam Ashurmatov raqibni ushlab qoldi.
16'		GOOOOOOOOL! Eldor Shomurodov! 1:0! Aliboyev Shahroniyga bosim o‘tkazib, uni xato qilishga majbur qildi. Eldor esa 16 metrdan darvoza burchagini ishg‘ol qildi! Ajoyib ijro!
16'		Ahmedov himoyadan uzun pas bilan hujum chizig‘iga uzatma berdi. Darvozabon to‘pni egallab oldi
16'		O‘zbekiston ijrosida navbatdagi burchak zarbasi. Himoyachilar to‘pni maydon markaziga qaytarishdi
14'		Futbolchilarimiz burchakdan to‘pni raqib darvozasi oldiga emas, yaqinga yetkazib, kombinasiya tashkil qilishga urinishdi, ammo muvaffaqiyatli chiqmadi
13'		Odil Ahmedov burchak zarbasi ishladi
12'		Arabistonliklar burchak to‘pini o‘yinga kiritishdi va Sahafiy bosh bilan zarba berdi. Suyunov to‘pni egallab oldi
11'		Jalol yetkazib bergan uzatmani himoyachi bosh bilan qaytardi
10'		Masharipov qanotida Jaloliddinga nisbatan fol ishlatildi
8'		Saudiyalik futbolchi Ad-Dosariy ofsaydda qoldi
7'		Har ikkala jamoa yuqori pressing qo‘llab, maydon markazi uchun kurash olib borishmoqda
5'		Sayfiyev o‘z qanotida himoyachidan qochib ketib, yuqoridan uzatma berdi. Himoyachi bosh bilan uzatmani qaytardi
4'		Mehmonlar burchak to‘pini o‘yinga kiritishdi, hech qanday xavfli vaziyat yuzaga kelmadi
1'		Uchrashuv boshlandi. To‘pni o‘yinga yashil formadagi Saudiya Arabistoni kiritib berdi. O‘zbekiston bugun oq futbolka, ko‘k shortik va oq getrada harakat qilmoqda
'		Diqqat, jamoalar maydonga chiqib kelishdi. O‘zbekiston va Saudiya Arabistoni mamlakatlari madhiyalari yangradi
'		Assalomu alaykum, qadrli futbol muxlislari. JCH-2022 saralashi doirasida O‘zbekiston Saudiya Arabistoni bilan kuch sinashadi. Ayni damda har ikkala jamoaning boshlang‘ich tarkiblari aniq bo‘ldi. Asosiy tarkib o‘yinlari maydonda chigilyozdi mashg‘ulotini o‘tashmoqda.