• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Ispaniya superkubogi, final

Matn

4:1'		GOOOOOL! Serxio Ramos! Penaltilar seriyasida - 4:1 va "Real" Ispaniya superkubogi sohibi!
3:1'		GOL! Kiran Tripyer!
3:0'		GOL! Luka Modrich!
2:0'		Gol emas! Tomas Partining zarbasini Kurtua qaytardi!
2:0'		GOL! Rodrigo "to‘qqizlik"ni nishonga oldi!
1:0'		Saul yo‘llagan zarba ustunga tegib qaytdi!
1:0'		GOL! Karvaxal!
'		Penaltilar seriyasi boshlanmoqda. Dastlab "Real" zarba beradigan bo‘ldi
120+1'		Qo‘shimcha bo‘limlar ham tugadi. Navbat penaltilar seriyasiga
120'		To‘rtinchi bo‘limga 1 daqiqa qo‘shib berildi
119'		Vuuh! Kurtua bu safar Korreaning xavfli zarbasini qaytardi
118'		Vuuuuh! Kurtua qutqarmoqda! Korreaning uzatmasidan keyin to‘p Mendining oyog‘iga tegib, darvozaga kirayotgandi
115'		Federiko Valverde maydondan chetlatildi. U darvozabon bilan yakkama-yakka vaziyatga chiqib borayotgan Moratani ortdan tepib yiqitdi
112'		"Atletiko" xavfli hujum tashkil qildi. Ramos so‘nggi pallada xavfni bartaraf etdi
110'		VUUUUUH! Yan Oblak ikkita seyv namoyish qildi. Dastlab Modrichning, so‘ngra Marianoning zarbasini qaytardi
107'		Ikkinchi burchak to‘pi zarbagacha yetib bormadi
106'		VUUUUUH! "Atletiko" burchak zarbasini amalga oshirdi. Dastlab Kurtua to‘pga chiqishda xatoga yo‘l qo‘ydi, so‘ngra Morata tomonidan "qaychi" uslubida yo‘llangan zarbani oyog‘i bilan qaytardi. To‘p to‘sin ustidan o‘tib ketdi
106'		Qo‘shimcha bo‘limlarning ikkinchisi boshlandi. To‘pni o‘yinga Simeone jamoasi kiritib berdi
105+1'		Uchinchi bo‘lim tugadi. Jamoalar tomonlarni almashtirib, to‘rtinchi bo‘limni boshlashadi
105+1'		Modrich jarima zarbasini amalga oshiridi. To‘p Varandan maydonni tark etdi
105'		Uchinchi bo‘limga 1 daqiqa qo‘shib berildi
103'		"Real"da ham o‘zgarish: Toni Kroos o‘rniga Vinisius tushirildi
102'		Modrich burchakka yaqin joydan uzatma berdi. Dias bosh bilan zarba berdi. Noaniq
101'		"Atletiko"da yana bir o‘zgarish: Joau Feliks o‘rniga Santyago Arias tushirildi
100'		Kroos jarima maydoni tashqarisidan zarba berishga muvaffaq bo‘ldi. To‘p darvoza ustidan o‘tib ketdi
98'		"Atletiko"da o‘zgarish: Raul Ximenes o‘rniga Stefan Savich tushirildi
96'		Ma’lumot uchun. Qo‘shimcha bo‘limlarda jamoalarga yana bittadan o‘yinchi almashtirish imkoniyati beriladi. Hozircha murabbiylar bu imkoniyatdan foydalanishmayapti
94'		Burchak zarbasi amalga oshirilganidan keyin Ximenes bosh bilan zarba berdi. To‘p to‘sin ustidan o‘tib ketdi
93'		Vuuuuh! "Atletiko" tezkor va chiroyli hujum tashkil qildi. Vitolo jarima maydoni kirib, Ramosning ta’qibi ostida zarba berdi. Kurtua zarbani qaytardi
92'		Mendi olis masofadan o‘ng oyoqda zarba yo‘lladi. To‘p ustundan 1 metr masofadan o‘tib ketdi
91'		Qo‘shimcha bo‘limlarning dastlabkisi boshlandi. To‘pni o‘yinga "Real" kiritib berdi.
90+4'		O‘yinning asosiy vaqti yakunlandi. Besh daqiqadan so‘ng qo‘shimcha bo‘limlar boshlanadi
90+4'		Oho! Kurtua narigi burchak yopayotgan paytda Tomas Parti, kutilmaganda, jarimadan yaqin burchakka aylanma zarba berdi. Tibo darvozaga kirayotgan to‘pni qaytarishga muvaffaq bo‘ldi
90+3'		Luka Modrich sariq kartochka oldi. U raqib oyog‘iga xavfli tashlandi
90+3'		Mendi sariq kartochka oldi
90+1'		Vuuuh! Qanotdan yetkazilgan uzatmani Rodriga jarima maydoni ichida qabul qildi va 13 metrdan zarba berdi. Oblak to‘pni egallab oldi
90'		Ikkinchi bo‘limga 3 daqiqa qo‘shildi
89'		"Atletiko"da o‘zgarish: Lodi o‘rniga Markos Lyorente tushirildi
89'		Oho! Modrich yetkazgan uzatmani Dias penalti nuqtasi ustida darvoza tomon burishga harakat qildi. To‘p ustun yonidan o‘tib ketdi
84'		Modrich yuqoridan yetkazgan uzatmani Oblak osonlik bilan egallab oldi
83'		"Real"da o‘zgarish: Yovich o‘rniga Mariano Dias maydonga tushdi
82'		"Matraschilar" tezkor qarshi hujum tashkil qilishdi. "Real" himoyachilar ortga qaytishga ulgurishdi va xavfni bartaraf etishdi
81'		"Atletiko" ketma-ket ikkita burchak to‘pini o‘yinga kiritdi. Xavfli vaziyat yuzaga kelmadi
80'		VUUUUUUH! Ajoyib uzatmadan keyin Morata yakkama-yakka vaziyatga chiqib bordi va zarba berdi. Kurtua qutqardi!
79'		Karvaxal yuqoridan uzatma berdi. Oblak to‘pni egalladi
78'		O‘yin asosan maydon markazida kechmoqda. Xavfli vaziyatlar yo‘q
74'		Tomas Parti ogohlantirish oldi
73'		"Atletiko" uzoq vaqt to‘pni nazorat qilib, yaxshi hujum tashkil qilishdi. So‘nggi pallada Kurtua to‘pni egallab oldi
68'		"Atletiko"dan qarshi hujum. Lodi hujumga qo‘shildi, jarima maydoniga kirdi va noaniq zarba yo‘lladi
67'		EHHHHH! Valverde! Qanday qilib? Yovich o‘ng qanotdan jarima maydoniga kirib, darvoza oldida turgan Valverdega uzatma berdi. Federiko sakradi bosh bilan zarba berdi, ammo to‘p uning tizzasiga tegib, yon tomonga ketib qoldi. Darvozagacha 3-4 metr masofa edi xolos.
66'		O‘yin bir tempda davom etayotgandek. Hech bir jamoa tavakkal qilishni istamayapti. So‘nggi daqiqalarda yoki qo‘shimcha vaqtda jismonan kuchli jamoa yutib ketsa kerak
61'		Serxio Ramos jarohat oldi. To‘p uchun sakrab, yerga tushayotganida oyog‘i qayrilib ketdi
60'		"Real"da o‘zgarish: Isko o‘rniga Rodriga tushirildi
58'		Modrich olis masofadan zarba berishga muvaffaq bo‘ldi. Zarbaga aniqlik yetishmadi
56'		"Atletiko"da o‘zgarish: Errera o‘rniga Vitolo tushdi
54'		"Real" hamshahri darvozasi tomon bosimni oshirib bormoqda
51'		Vuuuuuh! Modrichning uzatmasidan keyin Yovich "Atletiko" jarima maydoniga kirdi va zarba berdi. To‘p olis ustunning shundoqqina yonidan o‘tib ketdi
49'		Burchakdan yetkazilgan uzatmani Oblak ikkinchi urinishda egallab oldi
48'		Oho! Kazemironing chiroyli uzatmasidan keyin Yovich raqibning 3 himoyachi ta’qibi ostida bo‘lishiga qaramay, jarima maydoniga kirib bordi va burchak zarbasi ishladi
46'		"Matraschilar" burchak to‘pini o‘yinga kiritishdi. Xavfli vaziyat yuzaga kelmadi
46'		Ikkinchi bo‘lim boshlandi. To‘pni o‘yinga "Atletiko" kiritib berdi
'		Jamoalar va hakamlar maydonga qaytishmoqda. Ikkinchi bo‘lim boshlanish arafasida
45'		Birinchi bo‘lim yakunlandi. Tanaffus. Hozircha — 0:0
43'		Kroos burchak zarbasini amalga oshirdi. Kazemiro bosh bilan zarba berdi. To‘p shundoqqina to‘sin ustidan o‘tib ketdi
42'		"Real" jarima maydoni ichida taxlikali vaziyat yuzaga keldi. Himoyachilar xavfni bartaraf etishdi
39'		Oho! Mendi chap qanotda raqib himoyachisini aldab o‘tdi va jarima maydoniga kirib, o‘tkir burchak ostida zarba berdi. Oblak to‘pni egalladi
34'		"Qaymoqranglilar" tashabbusni o‘z tomonlariga og‘dirishdi
32'		"Real" burchak zarbasini amalga oshirdi. Isko bosh bilan zarba berdi. Noaniq
28'		Karvaxal o‘z qanotidan yana uzatma berdi. Himoyachilar to‘pni qaytarishdi. Tengma-teng o‘yin kechmoqda
27'		"Atletiko" himoyachisi Felipe ogohlantirish oldi
25'		Karvaxal o‘ng qanotdan havolatib uzatma berdi. Himoyachi bosh bilan to‘pni qaytardi
21'		"Atletiko" burchak to‘pini o‘yinga kiritdi. Feliks bosh bilan bergan zarbani Kurtua egallab oldi
20'		Vuuuh! Morata olis masofadan kuchli zarba berdi. To‘p ustun yonidan o‘tib ketdi
18'		Korrea chap qanotdan "Real" jarima maydoni kirib borib, markazroqqa uzatma berishga harakat qildi. To‘p Varanga tegib qaytdi
15'		Yana bir xavfli vaziyat! Morata o‘tkir burchak ostida Kurtua bilan yakkama-yakka vaziyatga chiqib bordi, darvozabonni aldadiyu yiqildi. Hakam uning aldoviga uchmadi
14'		Vuuuuh! Joau Feliks "Real"ni kechirdi. Ramos o‘z jarima maydoni ichida to‘pni portugaliyalik futbolchiga berib qo‘ydi. Feliks 16 metrdan darvoza tomon aniq zarba bera olmadi
9'		Burchak zarbasidan keyin to‘p jarima maydoni tashqarisida turgan Modrichga kelib tushdi. Lukaning kuchli zarbasini Oblak qaytardi
9'		Valverde o‘ng qanotdan Lodining ustidan to‘pni oshirib o‘tib, jarima maydoniga kirdi. Boshqa himoyachi to‘pni maydon tashqarisiga chiqarib yubordi
8'		O‘yin asosan maydon markazida kechmoqda. Simeone shogirdlari raqibning barcha yo‘llarini yopishgan, hozircha
5'		Kazemiro jarima maydoni tashqarisidan aniq zarba yo‘lladi. Yan Oblak to‘pni egallab oldi
3'		"Atletiko" hujum tashkil qildi. O‘ng qanotdan yetkazilgan uzatmani Karvaxal bosh bilan qaytardi
1'		Ispaniya superkubogining final bahsi boshlandi. To‘pni o‘yinga "Qirollik klubi" futbolchilari kiritib berishdi
'		"Real" oq, "Atletiko" esa oq-qizil yo‘l-yo‘l futbolka va ko‘k shortikda maydonga tushib kelgan
'		Diqqat, futbolchilar maydonga chiqib kelishmoqda. Uchrashuv boshlanishiga ko‘p vaqt qolmadi
'		O‘yin boshlanishiga 15 daqiqa qoldi. Eslatib o‘tamiz, Superkubok Rossiyaning "Match TV" kanali orqali jonli translyasiya qilinadi
'		Assalomu alaykum, qadrli futbol muxlislari. Barchaga xayrli oqshom. Ispaniya superkubogi, final bahsiga xush kelibsiz. Mavsumdagi ilk sovrinni qo‘lga kiritish uchun "Real" va "Atletiko" jamoalari Saudiya Arabistonidagi "Qirol Abdulloh" stadioniga chiqishadi