• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Ispaniya kubogi, chorak final

Matn

90+8'		O‘yin yakunlandi! "Real" - "Sosyedad" - 3:4! Madridliklar Ispaniya kubogini tark etishdi
90+7'		VUUUUH! Marselodan aniq uzatma va Ramos bosh bilan zarba berdi. Remiro to‘pni egallab oldi
90+7'		O‘ng qanotdan uzatilgan to‘pni Remiro egallab oldi
90+6'		Marselo o‘z qanotidan yetkazgan uzatmani himoyachi boshi bilan qaytardi
90+5'		Oyarsabal ikkinchi sariq kartochkani olib maydonni tark etdi
90+4'		Oyarsabal ogohlantirish oldi
90+3'		GOOOOOOOL! Nacho! 3:4! "Real" burchakdan to‘pni o‘yinga kiritdi va bosimni davom ettirdi. Qanotdan yetkazilgan uzatmani himoyachi bosh bilan raqib darvozasiga joylab qo‘ydi!
90+1'		"Sosyedad" futbolchisi raqib jarima maydoni oldida to‘pni egallab oldi, ammo undan avval u Ramosga nisbatan fol ishlatgan edi
90'		Ikkinchi bo‘limga naq 6 daqiqa qo‘shib berildi
90'		Modrich jarima maydoni chizig‘i ustida zarba berdi. To‘p himoyachining yuziga tegdi. Unga tibbiy yordam ko‘rsatilmoqda
89'		"Real"ning so‘nggi hujumlari, so‘nggi imkoniyatlar...
86'		Gorosabel sariq kartochka oldi. Junior oyog‘iga xavfli tashlangani uchun
84'		O‘yinga intriga qaytdi. So‘nggi daqiqalar bizga shiddatli va hayajonli futbolni taqdim etadi
81'		GOOOOOL! "Real" yana gol urdi! 2:4! Bu safar Vinisiusning pasidan keyin Rodrigo darvozaning bo‘sh qolgan qismiga to‘pni joyladi! Gol inobatga olindi!
79'		GOOOOOL! Vinisius Junior, 2:4! Nachoning uzatmasidan keyin braziliyalik futbolchi bosh bilan zarba berdi. To‘p darvozabonning qo‘liga tegib, chiziqni kesib o‘tdi. Ammo, lekin, biroq — YO‘Q! Hakam VAR yordamida golni bekor qildi! Vinisius ofsaydda qolgan ekan shekilli
78'		"Real" darvozaboni bilan yakkama-yakka vaziyatga chiqayotgan futbolchidan Ramos to‘pni olib qo‘ydi
77'		Eder Militao ogohlantirish oldi. U qarshi hujumga o‘tayotgan raqibga nisbatan taktik fol ishlatdi
76'		Ramos jamoasini qutqarib qoldi. Aks holda mehmonlar huujmchisi Areola bilan yakkama-yakka vaziyatga chiqib ketar edi
76'		"Real"da o‘zgarish: Valverde o‘rniga Luka Yovich tushirildi
76'		O‘ng qanotdan yetkazilgan uzatmaga Benzema bosh bilan zarba berdi. Noaniq
74'		Valverde! Federiko 17 metrlardan xavfli zarba yo‘lladi. Remiro ikkinchi urinishda to‘pni egallab oldi
73'		"Real Sosyedad"ning qarshi hujumlari xavfli tus ola boshladi
71'		Brahim Dias raqib jarima maydoni tashqarisidan zarba yo‘lladi. To‘p himoyachiga tegib qaytdi
70'		"Sosyedad"da o‘zgarish bo‘ldi: bugungi o‘yin qahramonlaridan biri Aleksander Isak (2ta gol + 1ta uzatma) o‘rniga Ayen Munyos tushirildi
69'		GOOOOOOL, Mikel Merino 1:4! Mahmonlar "Madrid" himoyasini osonlik bilan yorib o‘tishmoqda. Isakning uzatmasidan keyin Merino 5-6 metrdan darvozani osonlik bilan ishg‘ol qildi!
66'		Benzema hujumda fol ishlatdi
65'		Igor Subeldiya ogohlantirildi
64'		"Sosyedad"da o‘zgarish: Edegor o‘rniga Guevara tushirildi
64'		Vuuuh, Vinisius! Junior raqib jarima maydoni ichida bir himoyachini aldab o‘tdi va olis burchak sari zarba berdi. To‘p ustun yonidan o‘tib ketdi
62'		Ramosning uzatmasidan keyin Benzema to‘pni raqib jarima maydoni ichida ko‘kragi bilan o‘ziga bo‘ysundirdi, amo himoyachi uning zarba berishiga yo‘l qo‘ymadi
59'		GOOOOOOL! Marselo! 1:3. Mezbonlar tezkor hujum tashkil qilishdi. Merselo tomonidan o‘tkir burchak ostida yo‘llangan zarbani "Sosyedad" posboni yaqin burchakdan o‘tkazib yubordi. "Real" o‘yinga qaytmoqda.
56'		GOOOOOOL! Aleksander Isak, 0:3! Xey, Madrid, nimalar bo‘lmoqda??? "Real" mudofaasi juda ham bo‘shashib ketdi. Mehmonlar futbolchii bemalol jarima maydoniga yaqinlashib zarba berdi. Himoyachiga tekkan to‘p Isakka kelib tushdi. U esa 10 metrdan kuchli zarba bilan Areolaga hech qanday imkoniyat qoldirmadi
54'		GOOOOOOL! Aleksander Isak, 0:2! "Sosyedad" futbolchisi chap qanotda Nachoni aldab raqib jarima maydoniga kirib keldi va sherigiga aniq uzatma berdi. Aleksanderning bu galgi zarbasi aniq bo‘ldi. Areola to‘pni qaytara olmadi
51'		Kroos jarimadan yetkazgan uzatmani "Sosyedad" posboni egallab oldi
49'		Aleksander Isak raqib darvozasini ishg‘ol qildi. Ammo VAR yordamida gol bekor qilindi. Hujumchi ofsaydda qolgan ekan
47'		Ikkinchi bo‘lim boshida "Real Sosyedad"da ham o‘zgarish bo‘lgan edi. Yanuzay o‘rniga o‘yinni Ander Barrenchea davom ettiradi
47'		Eder Militao raqib bilan to‘qnashuvda jarohat oldi. Ammo u o‘yinni davom ettiradi
46'		Ikkinchi bo‘lim boshlandi.
46'		Zidan maydonga Modrichni tashladi. Xames tanaffusdan maydonga qaytmadi
46'		Ikkinchi bo‘lim boshlanish arafasida. Jamoalar tarkibida o‘zgarish bo‘ladigan ko‘rinadi
45+2'		Birinchi bo‘lim yakunlandi. Hozircha "Real" - "Sosyedad" - 0:1. Tanaffus
45'		Birinchi bo‘limga 1 daqiqa qo‘shib berildi
45'		VUUUUUUH! Isak yana bir marta "Real"ni kechirmoqda! Futbolchi yakkama-yakka vaziyatga chiqib borib, yana noaniq zarba yo‘lladi
44'		Endi esa Aleksander Isak "Madrid"ni kechirdi. "Sosyedad" tomonidan uyushtirilgan chiroyli kombinasiyani yakunlashda hujumchiga aniqliye yetishmadi
43'		Xavfli vaziyat! Vinisiusning jonbozligi evaziga Marselo raqib jarima maydoni ichida yakka o‘zi zarbavor vaziyatda qoldi. Uning zarbasini darvozabon egallab oldi. Zarba u qadar kuchli chiqmadi
39'		Yana bir golli vaziyat! O‘ng qanotdan yetkazilgan uzatmaga Ramos bosh bilan zarba berdi. To‘p to‘singa tegib qaytdi!
38'		VUUUUUUH! "Real" hisobni tenglashtirishga juda yaqin keldi. Vinisius chap qanotda himoyachini osonlik bilan aldab o‘tdi va darvoza maydoniga yaqinlashib, Benzemaga pas berdi. Himoyachi to‘pni qaytardi. Valverde 18 metrdan yo‘llagan kuchli zarbani Remiro darvoza ustidan ko‘tarib yubordi
37'		Mehmonlar xavfli hujum tashkil qilishdi, ammo ish zarbagacha yetib bormadi
26'		Vuuuuuh! Xames 20 metrdan xavfli zarba yo‘lladi. Darvoza burchagi tomon borayotgan to‘pni Remiro seyv orqali qaytarib qoldi
32'		Xavfli vaziyat. Yon chiziqdan uloqtirib berilgan to‘p natijasida Isak "Real" jarima maydoniga kirdi va Ramosdan qochib zarba berishga urindi. Noaniq
32'		San-sebastanliklarning xavfli hujumini Marselo bartaraf etdi
30'		Marselo "Sosyedad" yarim himoyachisi Edegorga jarohat yetkazdi
26'		"Real"da yaxshi imkoniyat! Vinisius o‘z qanoti bo‘ylab katta tezlikda raqib jarima maydoni tomon kirib keldi hamda Benzemani to‘p bilan ta’minladi. Karimning muvaffaqiyatli zarba berishiga himoyachi xalal berib qoldi
24'		"Madrid" burchak zarbasini amalga oshirdi. Himoyachi bosh bilan qaytardi
22'		GOOOOOL! Martin Edegor hisobni ochdi! Aleksander Isak jarima maydoni tashqarisidan yo‘llagan zarbani Areola qaytardi. Edegor esa 16 metrdan to‘pni darvoza tomon qayta tepdi. "Real" posboni to‘pni oyoqlari orasidan o‘tkazib yubordi
22'		"Real" yaxshi hujum tashkil qildi. Marseloning uzatmasidan keyin Vinisius chap qanotdan oldinga o‘tib, jarima maydoniga yetib kelgan Nachoga aniq uzatma berdi. Himoyachining zarbasi qovushmadi
20'		Xames Rodriges tomonidan yo‘llangan jarima zarbasi ancha noaniq bo‘ldi
19'		Robin Le Norman ogohlantirildi
16'		"Real" darvozasi oldida xavfli vaziyat. O‘ng qanotdan tashkil qilingan hujum natijasida Yanuzay raqib jarima maydoniga kirdi va zarba berdi. To‘p Militaoning oyog‘idan maydonni tark etdi
14'		To‘p asosan maydon markazida. Har ikkala jamoa to‘pni nazorat qilishga intilmoqda
11'		Martin Edegor ogohlantirish oldi. U maydon markazida Ramosning oyog‘ini bosib oldi
11'		Burchak zarbasi samarasiz chiqdi
10'		Vuuuuh! Benzema raqib jarima maydoni ichida 3 himoyachi ta’qibidan qochdi va o‘tkir burchak ostida zarba berdi. Darvozabon oyog‘i bilan to‘pni qaytardi
8'		Mehmonlar qarshi hujumda ko‘pchilikni tashkil qilishgan edi, ammo so‘nggi uzatmani Ramos egallab oldi
7'		Xames ofsaydda qoldi
6'		Nacho o‘ng qanotdan uzatma orqali Benzemani to‘p bilan ta’minlashga harakat qildi. Markaziy himoyachi to‘pni qaytarib qoldi
3'		Dastlabki hujumni basklar uyushtirishdi. O‘ng qanotdan yuqoridan yetkazilgan uzatmani Areola egallab oldi
2'		To‘p asosan mehmonlar yarim maydoni tomonida. Zidan jamoasi raqibga nisbatan pressing qo‘llamoqda
1'		Uchrashuv boshlandi. To‘pni o‘yinga "Madrid" futbolchilari kiritib berishdi.
'		Diqqat! Jamoalar maydonga chiqib kelishmoqda. "Real" bugun o‘zining an’anaviy oq, "Sosyedad" esa yashil rangli futbolkada harakat qilishadi
'		Ispaniya kubogining chorak final bosqichi doirasida «Real Madrid» o‘z uyida «Real Sosyedad»ni qabul qilmoqda. Xabaringiz bor, ushbu bosqich faqat bitta o‘yindan iborat va g‘olib chiqqan jamoa yarim finalga yo‘l oladi
'		Assalomu alaykum, qadrli futbol muxlislari. Navbatdagi matnli onlayn translyasiyani boshlaymiz