• BOSH SAHIFA
• SPORT
• Video
• TOP-XABARLAR
• TRANSFERLAR
• YUMOR
• ENG-ENG
• ONLAYN TRANSLYASIYA
• TV-DASTUR
• TOP-KLUBLAR
• FUTBOL BASHORATI
• BLOGLAR
• KONFERENSIYALAR
• SO'ROVNOMA
• TO'PURARLAR
• AFSONALAR
• KIRMANG

Onlayn translyasiya

Sahifa har 1 daqiqada avtomatik yangilanadi.

Ispaniya La ligasi-2019/2020, 37-tur

Matn

'		"Barselona" esa so‘nggi daqiqalarda gol o‘tkazib, o‘z uyida "Osasuna"ga yutqazdi — 1:2
90+6'		O‘yin tugadi. "Real" - "Vilyarreal" - 2:1. "MADRID" - CHEMPION!
90+5'		YO‘Q! Hakam videotakrorni ko‘rgach, golni bekor qildi. 2:1
90+5'		GOOOOOOL! Marko Asensio, 3:1! Barcha ishni Vinisius bajardi va jamoadoshiga pas berdi. Marko bo‘sh darvozani ishg‘ol qildi!
90+3'		VUUUUUUUH! Qanday qilib??? Kurtua ikki marta qutqardi. Iborra esa 4 metrdan darvozaga aniq zarba bera olmadi!!! "Real"ni kechirdi ochiqchasiga
90+2'		Vuuuuh! Santi Mina jarimadan xavfli zarba berdi. Kurtua to‘pni mushti bilan urib yubordi
90'		Ikkinchi bo‘limga 6 daqiqa qo‘shib berildi
87'		"Vilyarreal" sariq kartochka oldi. Shakla juda qulay vaziyatdan foydalana olmadi. U 11 metrlardan aniq zarba bera olmadi
86'		Isko ogohlantirish oldi
84'		"Real"da 3ta o‘zgarish bo‘ldi. Maydonga Isko, Valverde va Lukas Vaskes tushirildi
83'		GOOOOOL! Iborra, 2:1! Qanotdan yetkazilgan uzatmaga futbolchi 11 metrli nuqta ustidan zarba berib, darvozani ishg‘ol qildi!
81'		VUUUUUH! Kroos jarima maydoni tashqarisidan zarba berdi. To‘p to‘singa tegib qaytdi. Qaytgan to‘pga Asensio bosh bilan zarba berdi. Asenxo to‘pni egallab oldi
80'		Vinisius jarima maydoniga kirib, zarba berdi. To‘p himoyachidan maydonni tark etdi
80'		Cooling break'dan keyin o‘yin davom ettirildi
77'		GOOOOL! Bu safar Karim Benzema 11 metrli jarimadan zarba berdi. 2:0!
77'		Ammo penaltidan qaytadan tepilishini ko‘rsatdi hakam. Xato qildiyov
75'		IYA? Kerakmidi shu narsa? Ramos penaltidan zarba berish o‘rniga pas berdi. Benzema yugurib kelib gol urdi. Ammo gol bekor qilindi. Chunki Karim zarbadan avval jarima maydoniga kirgan edi
73'		PENALTI! "Vilyarreal" darvozasiga! Ramos hujumga o‘tdi va penalti ishladi. Vaziyatni VAR ko‘rib chiqmoqda
72'		Oho! Ontiveros "Real" jarima maydoni tashqarisidan aniq zarba berdi. Kurtua o‘z o‘rnida
69'		Hammasi joyida. Kurtua o‘yinni davom ettira oladi
67'		"Vilyarreal" yarim himoyachisi Kintilya tizzasi bilan Kurtuaning boshiga urilib ketdi. Tiboning ahvoli yaxshi emas.
64'		Narigi o‘yinda hisob o‘zgardi. Lionel Messi 21 metrlardan belgilangan jarima zarbasidan darvozani ishg‘ol qildi. Hozircha "Barselona" - "Osasuna" - 1:1.
63'		"Vilyarreal" futbolchisi jarimadan to‘g‘ridan-to‘g‘ri zarba berishga qaror qildi. To‘p yuqoridan o‘tib ketdi
62'		Luka Modrich sariq kartochka oldi
60'		Mendi o‘z qanotida ikki futbolchidan o‘tib ketib raqib jarima maydoniga kirdi va uzatma berdi. Darvozabon to‘pni egallab oldi
58'		Qanotda Rodrigoga nisbatan fol ishlatildi
58'		O‘yin tempi yuqori emas. Jamoalar ehtiyotkorlikni birinchi o‘ringa qo‘yib olishdi
55'		"Vilyarreal" jarima zarbasini ishladi. To‘p Varandan maydonni tark etdi. Burchakdan yetkazilgan to‘pni Kurtua egallab oldi
54'		Vuuuuuh! Karvaxal o‘z qanotdan raqib jarima maydoniga yorib kirdi, ikki himoyachini aldadi va zarba berdi. Asenxo qiyinchilik bilan to‘pni qaytardi
53'		Zidan shogirdlari to‘pni nazorat qilishmoqda
48'		Mehmonlarning hujumi. Chap qanotdan yetkazilgan to‘pni Karvaxal bosh bilan qaytardi
46'		Kroos jarimadan to‘pni raqib jarima maydoniga yetkazdi. Ramos biroz yeta olmadi
46'		Ikkinchi bo‘lim boshlandi.
46'		"Vilyarreal"da ikkita o‘zgarish bo‘ldi. Maydonga Bruno va Xavi Ontiveros tushirildi
45+3'		Birinchi bo‘lim yakunlandi. Hozircha "Real" - "Vilyarreal" - 1:0. Tanaffus.
45+2'		"Vilyarreal" jarima zarbasini amalga oshirdi. Uzatilgan to‘pga hech kim yeta olmadi
45'		Birinchi bo‘limga 3 daqiqa qo‘shib berildi
44'		Rodrigo yaxshi harakat qildi. U o‘ng qanotdan jarima maydoniga kirdi va darvoza oldiga yerlatib uzatma berdi. Kintilya to‘pni vaziyatdan uzoqlashtirdi
41'		So‘nggi 3 daqiqani mehmonlar hujumda o‘tkazishdi. Ammo "Real" himoyasini yorib o‘ta olishmadi
37'		Rodrigo o‘ng qanotda Karvaxal bilan "devor" o‘ynab, jarima maydoniga kirdi va darvoza oldiga uzatma berdi. Himoyachi to‘pni maydondan tashqariga chiqarib yubordi
33'		Futbolchilar suv ichib olishdi
29'		GOOOOOOL! Karim Benzema, 1:0! Nihoyat, "Vilyarreal" xatoga yo‘l qo‘ydi! Maydon markazida Kazemiro raqibdan to‘pni olib qo‘ydi. Modrich to‘pni egallab, Benzemaga uzatdi. Karimning zarbasidan keyin to‘p darvzabonning oyoqlari orasidan o‘tib, to‘rga borib tushdi. Mavsumdagi 20-gol!
26'		Madridliklar raqib mudofaasini yorib o‘tish yo‘llarini qidirishmoqda
24'		Chukvuyeze yana bir yaxshi vaziyatni qo‘ldan chiqardi. U jarima maydoni ichida ikki himoyachi orasidan o‘tib keta olmadi
23'		Mehmonlar maydon markazidan turib Chukvuyeze tomon uzatma berishdi. Agar futbolchi to‘pni egallay olganida xavfli hujum yuzaga kelardi
21'		"Real"ga tezkor gol urish nasib qilmadi. "Vilyarreal" butun jamoa bo‘lib yaxshi himoyalanmoqda
19'		Shakla sariq kartochka oldi. U o‘zidan o‘tib ketayogan Eden Azarni qo‘li bilan tortib qoldi
17'		"Barselona" - "Osasuna" o‘yinida hisob ochildi. Mehmonlar futbolchisi Xose Arnais hisobni ochdi. Darvoqe, agar bugun "Barsa" ochko yo‘qotsa, "Real" mag‘lub bo‘lsa ham chempionga aylanadi
16'		Modrich olis masofadan kuchli zarba yo‘lladi. Asenxo qiyinchilik bilan to‘pni maydondan tashqariga chiqarib yubordi
15'		Oho! Kazemironing uzatmasidan keyin Benzema to‘pni yerga tushirmasdan chap oyoqda o‘tkir burchak ostida tepdi. To‘p olis ustun yonidan o‘tib ketdi
13'		Rodrigo Benzema bilan birga yaxshi hujum tashkil qildi, ammo o‘zi ofsaydda qoldi
12'		Kazemiro kutilmaganda olis masofadan kuchli zarba berdi. Noaniq
11'		Madrid jarima zarbasini amalga oshirdi. Jarima maydoniga yetkazilgan uzatmani himoyachilar qaytarishdi
9'		Eh, Modrich. Azar jarima maydoni ostonasida ochilgan xorvatiyalik futbolchiga uzatma berdi. Luka to‘pni egallab ichkariga kirish o‘rniga, to‘pni o‘tkazib yuborishga qaror qildi. Orqada Rodrigo bor edi, ammo to‘pni himoyachi egallab oldi
7'		"Real"ning hujumi. Modrich o‘ng qanotdan jarima maydoniga uzatma berdi. Benzemaning zarbasi u qadar kuchli chiqmadi. Asenxo to‘pni egallab oldi
7'		Ma’lumot o‘rnida aytib o‘tamiz. Ushbu jamoalar o‘rtasidagi birinchi davradagi bahsda 2:2 hisobi qayd etilgan edi
4'		Vuuuuuh! Ramos olis masofadan uzatma bilan Karvaxalni oldinga boshladi. Dani to‘pni qabul qilib, jarima maydoniga kirdi va to‘pni darvozabonning ustidan oshirishga harakat qildi. Posbon ortga surildiyu, to‘pni egallab oldi
2'		Sariq suvosti kemasi to‘pni nazorat qilmoqda
1'		Uchrashuv boshlandi. To‘pni o‘yinga "Vilyarreal" futbolchilari kiritib berishdi
'		Diqqat, jamoalar maydonga chiqib kelishdi. Uchrashuv boshlanish arafasida
'		"Real"ni chempionlikdan 2 ochko ajratib turibdi. Zidan shogirdlari esa bugun 3 ochkoni qo‘lga kiritib, chempionlik masalasini hal qilishmoqchi
'		Assalomu alaykum, qadrli Ispaniya futbol muxlislari! "Real" va "Vilyarreal" jamoalari o‘rtasidagi o‘yinga xush kelibsiz