Onlayn translyasiya
Ispaniya La ligasi
| 22-tur, 7 fevral, soat 20:00. Bosh hakam: Fernandes Borbalan | ||
ATLETIKO MADRIDTiagu Mendesh (14)
Saul Niguyes (18) Antuan Grizmann (67) Mario Manjukich (89) |
4 : 0 |
REAL MADRID |
| JAMOALAR TARKIBI | ||
|
01.Migel Moyya (D) 02.Diyego Godin 03.Gilyerme Sikeyra 20.Xuanfran 23.Juan Miranda 05.Tiagu Mendesh 06.Koke 10.Arda Turan 07.Antuan Grizmann 14.Gabi 09.Mario Manjukich |
01.Iker Kasilyas (D) 15.Daniel Karvaxal 02.Rafayel Varan 18.Nacho Fernandes 05.Fabiu Kuentrau 06.Sami Xedira 08.Toni Kroos 23.Isko 11.Garet Beyl 07.Krishtianu Ronaldu 09.Karim Benzema |
|
| ZAHIRA | ||
|
13.Yan Oblak (D) 18.Xesus Games 24.Xose Ximenes 08.Raul Garsiya 17.Saul Niguyes 04.Mario Suares 19.Fernando Torres |
13.Keylor Navas (D) 17.Alvaro Arbeloa 34.Diyego Lyorente 16.Lukas Silva 24.Asyer Ilyaramendi 20.Xese 14.Xavyer Ernandes |
|
| SARIQ KARTOCHKA | ||
|
Gabi (45)
Arda Turon (49) Diyego Godin (54) Mario Manjukich (82) |
Toni Kroos (29)
Xese Rodriges (85) |
|
Matn
| ' |  |
E’tiboringiz uchun rahmat. Soat 22:30da boshlanadigan "Everton" - "Liverpul" o‘yinidan tashkil etiladigan onlayn translyasiyani kuzatib borishni unutmang |
| ' | |
Ushbu g‘alabadan keyin "Atletiko" "Real" bilan oradagi farqni 4 ochkoga yetkazib oldi. "Barselona" esa ertaga "Atletik Bilbao"ni mag‘lub etsa, "Qirollik klubi" bilan oradagi farqni minimumgacha qisqartiradi |
| 90+2' |  |
O‘YIN YAKUNLANDI! "ATLETIKO" - "REAL" - 4:0! Izohga hojat yo‘q. "Real Madrid" har tomonlama yutqazdi. Bugun maydonda faqat bitta jamoa o‘ynadi! |
| 90+2' |  |
"Matraschilar" to‘liq hujumda! |
| 90+1' | |
"Atletiko" beshinchi golni urmoqchi... Bu safar Manjukich bosh bilan yo‘llagan zarbasi noaniq chiqdi |
| 90' |  |
Ikkinchi bo‘limga 2 daqiqa qo‘shib berildi |
| 89' |  |
Ohhhh, unda bunisi ortiqcha! Mario Manjukich, 4:0! Fernando Torres qanotdan yetkazilgan to‘pni hujumchi bosh bilan darvozaga joylab qo‘ydi! |
| 85' |  |
Xese Rodriges ogohlantirish oldi. U maydon tashqarisida Mirandani tepib yiqitdi |
| 82' | |
Mario Manjukich sariq kartochka oldi, to‘pni qo‘li bilan to‘xtatgani uchun |
| 82' |  |
Bu galgi burchak to‘pi paytida fol qayd etildi |
| 81' |  |
Bu safar Ilyaramendi 13 metrlardan kuchli zarba yo‘lladi. To‘p darvoza ustidan o‘tib ketdi. Yana bir marta burchak zarbasi |
| 80' | |
"Real" o‘yinga kiritgan burchak to‘pi xavfli bo‘ldi. Yana bir marta burchak to‘pi |
| 77' |  |
"Atletiko"da o‘zgarish: Antuan Grizmann o‘rniga hujumchi Fernando Torres tushirildi |
| 75' | |
To‘p nazorati "qirollik klubi" tomoniga o‘tmoqda. Ammo "Visente Kalderon" sohiblari osonlik bilan himoyalanishmoqda |
| 73' | |
"Real"da uchinchi o‘zgarish: Benzema o‘rniga Chiqarito tushirildi |
| 72' | |
Vuuuuh! Yuqoridan uzatilgan to‘p birga bir vaziyatga chiqayotgan Grizmannga o‘tib ketdi. Ammo La liganing fevral oyidagi eng yaxshi futbolchisi to‘pni o‘ziga bo‘ysundira olmadi... Kasilyas to‘pni egallab oldi |
| 71' | |
Saul o‘rniga Raul Garsiya tushirildi |
| 70' | |
"Atletiko"ning hujumi natijasida Tiagu Mendesh jarima maydonchasi tashqarisidan zarba yo‘lladi. Noaniq |
| 68' | |
Anchelotti yana bir o‘zgarishga qo‘l urdi. Isko o‘rniga Ilyaramendi tushirildi |
| 67' | |
GOOOOOOOL! Antuaaaann Grizmaaaaan! 3:0! Arda jarima maydonchasi tashqarisidan davrozabon maydonchasi burchagi tomon ochilayotgan Saulga pas berdi. U bosh bilan to‘pni narigi ustun tomon yetkazdi. Varan to‘pni tepib yuborishda sustkashlikka yo‘l qo‘ydi va uning ortida turgan Antuan to‘pni darvozaga yo‘lladi! 3:0. |
| 65' |  |
Aslida gol ko‘proq mehmonlarga kerak, ammo "Atletiko" vaziyat ketidan vaziyat yaratmoqda... |
| 63' | |
Vuuuuuh! "Atletiko" futbolchilarining o‘ng qanotda to‘p uzatmalari juda chiroyli chiqdi! Darvozabon maydonchasiga uzatilgan to‘pga Tiagu Mendesh bosh bilan berdi. To‘p yerga tegib yuqoriga ko‘tarildi va Kasilyas to‘pni egallab oldi |
| 61' | |
"Real" markaziy himoyachilari yutqazishda davom etishmoqda. O‘ng qanotdan yetkazilgan to‘pga Grizmann bosh bilan zarba yo‘lladi. To‘p davroza ustidan o‘tib ketdi |
| 60' | |
Vuuuuuh! Yana Antuan! Yon qanotdan to‘p jarima maydonchasiga otib berildi. Manjukich bosh bilan to‘pni ortga urib yubordi. Grizmann chalqancha uslubda zarba yo‘lladi. To‘p darvoza ustidan o‘tib ketdi! |
| 59' | |
Vuuuuh, Grizmaaaann!!! Himoyachining ehtiyotsizligi tufayli Antuan jarima maydonchasi chizig‘i ustida to‘pni egalladi va biroz oldinga surilib, kuchli zarba yo‘lladi! Kasilyas zarbani qaytardi! |
| 58' | |
Benzema chap qanotdan Xesega uzatma berdi. Xese to‘p uchun kurashda jarima maydonchasi ichida yiqildi. penalti yo‘q |
| 56' | |
Beyl qoida buzgani uchun o‘ng qanotdan jarima zarbasi belgilandi. Havodan yetkazilgan to‘pni Iker egallab oldi |
| 54' | |
Nacho Manjukichga nisbatan qo‘pol o‘ynadi. Hakamdan himoyachi uchun sariq kartochka so‘ragan Diyego Godinning o‘ziga ogohlantirish berdi |
| 52' | |
Borbalan maydon chetida shug‘ullanayotgan "Atletiko" zaxira futbolchilaridan biriga ogohlantirish berdi |
| 51' | |
Saul o‘ng tomondan jarima maydonchasiga yaqinlashib keldi va zarba berdi. To‘p himoyachiga tegib, o‘z tezligini yo‘qotdi va Kasilyas to‘pni egalladi |
| 49' | |
Arda Turon sariq kartochka oldi. U hakamning qaroriga keskin e’tiroz bildirgani uchun ogohlantirildi |
| 48' | |
Beylning uzatmasidan keyin darvozabon maydonchasi burchagiga borgan to‘p uchun kurashda Ronaldu Xuanfranga nisbaan fol ishlatdi deb topildi |
| 47' | |
Karvaxal o‘ng qanotdan to‘pni yerlatib jarima maydonchasiga uzatdi. To‘p Beylgacha yetib bormadi, himoyachilar egallab olishdi |
| 46' | |
Ikkinchi bo‘lim boshlandi |
| 46' | |
Xese Rodriges maydonga tushirildi. Xedira maydonga qaytmadi |
| ' | Futbolichilar maydonga qaytishmoqda | |
| ' | |
Birinchi bo‘lim statistikasi. To‘p nazorati: 45% - 55%, Zarbalar: 5-1, Aniq zarbalar: 4-0, Burchak to‘plari: 2-0, ofsaydlar: 2-0, follar: 10-6. |
| ' | Bugun "Real"da markaziy himoyachilar - Ramos va Pepening o‘rni bilinmoqda. Ikki yosh himoyachilar "Atletiko" hujumiga dosh bera olishmayapti. Ikkita xavfli hujumdan paytida urilgan 2ta goldan so‘ng Anchelotti shogirdlari o‘zlarini yo‘qotib qo‘yishdi. Natijada ular tanaffusga qadar o‘z o‘yinlarini deyarli topa olishmadi | |
| 45+2' | |
Qo‘shib berilgan daqiqalarda tashabbus mezbonlar tomonida bo‘ldi. Hakamning xushtagi yangradi. Tanaffus. Hozircha "Atletiko" - "Real" - 2:0. |
| 45' | |
Birinchi bo‘limga 2 daqiqa qo‘shib berildi |
| 45' | |
Gabi sariq kartochka oldi. U havodagi to‘p uchun kurashda Xediraning yelkasiga tirsagini qo‘ydi |
| 41' | |
"Real" endi o‘z o‘yinini topa boshlamoqda. Olis masofadan "Atletiko" jarima maydonchasiga yetkazilgan to‘pni posbon musht bilan qaytardi |
| 37' |  |
Laynsmen Manjukichni ofsaydda deb topib, yana xatoga yo‘l qo‘ydi |
| 35' | |
Oho! Yuqoridan yetkazilgan to‘p uchun kurashda "Real" himoyachilari yutqazishdi. Godin o‘tkir burchak ostida yaqin masofadan zarba berdi. To‘p esa uzala tushayotgan Koentrauning qo‘liga tegib, so‘ng Kasilyasning qo‘liga borib tushdi. Borbalan penalti belgilamadi |
| 34' | |
Darvoqe, o‘yinning 10-daqiqasida jarohat olgan Koke o‘rniga Saul tushirilgandi |
| 32' | |
Arda Turon to‘pni qo‘li bilan o‘ynagani uchun chap qanotdan jarima zarbasi amalga oshirildi. MEzbon himoyachilari to‘pni o‘z vaqtida tepib yubora olishmadi, Benzema yo‘llagan zarba xavfli bo‘ldi. Himoyachilar to‘pni egallab, vaziyatdan uzoqlashtirishdi. |
| 31' | |
"Real"ning o‘yini qovushmayapti, uzatmalar, kombinasiyalar tez tez uzilib qolmoqda |
| 29' | |
Toni Kroos maydon markazida o‘zidan o‘tib ketayotgan Grizmanning oyog‘iga ochiqchasiga tepgani uchun ogohlantirildi |
| 27' | |
Ronaldu o‘ng burchakka yaqin joydan to‘pni darvozabon maydonchasiga uzatdi. Bu yerda darvozabondan boshqa hech kim yo‘q edi |
| 25' | |
"Atletiko" o‘ng qanotdan to‘pni darvozabon maydonchasiga yetkazdi. Himoyachi qaytargan to‘p Grizmannga kelib tushdi. Uning 14 metrlardan darvoza tomon yo‘llagan zarbasini Iker egallab oldi |
| 24' | |
"Real" hujumga o‘ta olmayapti. To‘p nazorati mezbonlarda. Hozir maydon markazidan berilgan uzatmadan keyin Grizmann darvozabon bilan birga bir vaziyatga chiqib bordi va to‘pni Kasilyasning ustidan oshirib darvozani ishg‘ol qildi. Ammo laynsmen bayroqchani ko‘tarib, ofsaydni qayd etdi. Takroriy lavhada Antuan so‘nggi himoyachi bilan bir chiziqda turganga o‘xshadi |
| 20' | |
"Atletiko" nomdor mehmonlarni hurmat qilib o‘tirayotgani yo‘q. Hujum ketidan hujum tashkil qilmoqda. To‘p burchakdan o‘yinga kiritildi |
| 18' | |
GOOOOOOOL! Saul, 2:0!!!! Vuh, juda dahshatli gol! Sikeyra o‘ng tomondan jarima maydonchasiga yorib kirdi, bir himoyachidan o‘tib ketib, deyarli so‘nggi chiziq oldidan to‘pni biroz orqaroqqa uzatdi. Saul chalqancha uslubda zarba yo‘lladi. To‘p darvoza ustuniga tegib, to‘rga borib tushdi! |
| 14' | |
O‘ng qanotdan to‘p havolatib "Real" jarima maydonchasiga yetkazildi. Manjukich to‘pni ko‘kragi bilan qaytardi va orqaroqda turgan Mendeshga uzatdi. Tiagu jarima maydonchasi chizig‘i ustidan kuchli zarba yo‘lladi. To‘p Kasilyasning qo‘liga tegib, yumalagancha chiziqni kesib o‘tdi! |
| 5' | |
Maydon egalari burchak to‘pi tepishdi,Arda Turonning zarbasi Kasilyasga tushdi. |
| 14' | |
GOOOOOOOOOL! Tiagu Mendesh! 1:0! |
| 4' | |
Ronaldu maydon chetida fint ishlatib oldinga intildi va jarima maydonchasi ichiga to‘p uzatdi, to‘pni Miranda qaytardi. |
| 3' | |
Mezbonlar to‘pni egallab olib, oldinda turgan Manjukichga uzatishdi, ammo u Real himoyasini yengib o‘ta olmadi. |
| 1' | |
Uchrashuv boshlandi! |
| 1' | |
Assalomu alaykum hurmatli futbol muxlislari! Madrid derbisidan onlayn translyasiyamizni boshlaymiz! |
| Asosiy saxifa |
|
© STADION.UZ Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart. Blogdagi materiallar uchun blog egasi, xabarlar ostidagi fikrlar uchun foydalanuvchining o'zi javobgar. |
|