Onlayn translyasiya
Sahifa har 1 daqiqada avtomatik yangilanadi.
Oliy liga-2015
| 4-tur, 13 aprel, soat 16:00. Bosh hakam: Ravshan Ermatov (O‘zbekiston) | ||
LOKOMOTIVTemurxo‘ja Abduxoliqov (47-pen.)
Jasur O.Hasanov (54) Ruslan Koryan (87) |
3 : 0 |
BUNYODKOR |
| JAMOALAR TARKIBI | ||
|
12.Ma’mur Ikromov 3.Shavkat Mullajonov 8.Sardor Mirzayev 11.Temurxo‘ja Abduxoliqov 13.Lutfulla To‘rayev 16.Jasur J. Hasanov 20.Islom To‘xtaxo‘jayev 22.Sanjar Shoahmedov 28.Ikrom Aliboyev 31.Nemanya Yanichich 77.Jasur O.Hasanov |
45.Akbar To‘rayev 2.Akmal Shorahmedov 7.Shaker Zuagi 9.Sato Minori 13.Ivan Miloshevich 16.Artyom Filiposyan 17.Doston Hamdamov 19.Zabihillo O‘rinboyev 21.Sardor Rashidov 27.Sardor Sobirxo‘jayev 48.Akrom Komilov |
|
| ZAHIRA | ||
|
1.Ignatiy Nesterov 7.Ruslan Koryan 10.Marat Bikmayev 17.Salim Mustafoyev 18.Temur Kapadze 33.Oleg Zoteev 99.Damir Koyashevich |
1.Pavel Bugalo 4.Xayrulla Karimov 11.Mirzohid G‘ofurov 15.Obid Jo‘raboyev 20.Samir Bekrich 29.Otabek Shukurov 39.Eldor Shomurodov |
|
| SARIQ KARTOCHKA | ||
|
Sardor Sobirxo‘jayev (47)
Artyom Filiposyan (51) Eldor Shomurodov (61) Sato Minori (86) |
||
| QIZIL KARTOCHKA | ||
|
Eldor Shomurodov (65)
|
||
Matn
| 90+3' |  |
O‘yin yakunlandi! "Lokomotiv" - "Bunyodkor" - 3:0. Izohga hojat yo‘q! |
| 90+2' |  |
Minoriga nisbatan o‘yin qoidasi buzildi. Rashidov jarimadan yetkazgan uzatma paytda "Bunyodkor"ning raqib jarima maydonchasi ichidagi barcha futbolchilari ofsaydda qolishdi. Temiryo‘lchilarga birdaniga oldinga yugurib chiqib ketishdi |
| 90' |  |
O‘yinga 3 daqiqa qo‘shib berildi |
| 87' |  |
GOOOOOOOL! Ruslan Koryan, 3:0! Kichik Hasanov jarima maydonchasiga pas berayotganida Akrom Komilov raqibiga nisbatan tik oyoq bilan o‘ynadi. To‘p esa jarima maydonchasi ichidagi Koryanga borgani uchun Ermatov o‘yinni to‘xtatmadi. Ruslan aniq zarba bilan darvozani ishg‘ol qildi! |
| 86' |  |
Sato Minori to‘psiz harakatlanayotgan Aliboyevni yiqitgani uchun ogohlantirish oldi |
| 84' |  |
Ruslan Koryan yana ofsaydda |
| 82' | |
Qarshi hujum paytida Sardor Mirzayev o‘ng qanotdan jarima maydonchasiga uzatma berdi. Koryan yaqin masofadan darvozani ishg‘ol qila olmadi. Boz ustiga, u ofsaydda qolgan ekan |
| 80' |  |
Qarshi hujum paytida Koryan jarima maydonchasi burchagidan zarba yo‘lladi. To‘p Filiposyanga tegib, maydonni tark etdi |
| 76' |  |
Shoahmedovning uzatmasidan keyin kichik Jasur o‘ng qanotdan jarima maydonchasiga kirdi, bir himoyachini aldadi va o‘tkir burchak ostida yaqin masofadan chap oyoqda muvaffaqiyatsiz zarba yo‘lladi... |
| 74' | |
"Lokomotiv" yarim himoyachisi Ikrom Aliboyev ogohlantirish oldi |
| 72' |  |
"Lokomotiv"da o‘zgarish: Temurxo‘ja Abduxoliqov o‘rniga Ruslan Koryan tushirildi |
| 72' | |
"Bunyodkor" himoyachilari qo‘pol xato qilishda davom etishmoqda. Ularning xatosidan so‘ng Mirzayev jarima maydonchasiga uzatma berdi. Aliboyev 9 metrlardan yo‘llagan zarba Kapadzega tegib maydonni tark etdi... |
| 70' | |
Sardor Mirzayev jarimadan yetkazgan to‘pni Akbar To‘rayev ushlab oldi |
| 70' | |
Burchakka yaqin joyda katta Hasanovga nisbatan o‘yin qoidasi buzildi |
| 67' | |
Voy, Akbar To‘rayev! Himoyachi to‘pni o‘ziga yetkazib bergan vaziyatda u oldida turgan Shoahmedovga to‘pni hadya qildi. Sanjar bunday sovg‘ani kutmagandi, to‘p uning oyog‘idan Akbarga bordi va darvozabon uni egallab oldi |
| 67' | |
Yanichich o‘yinni davom ettira olmadi. Uning o‘rniga Salim Mustafoyev maydonga tushirildi |
| 65' |  |
Maydonga tushganiga 10 daqiqa bo‘lgan Eldor Shomurodov ikkinchi sariq kartochkasini olib, maydonni tark etdi. U Yanichichga nisbatan tik oyoq bilan chiqib bordi... |
| 64' | |
"Bunyodkor"da uchinchi o‘zgarish: Doston Hamdamov o‘rniga Otabek Shukurov tushirildi |
| 61' | |
"Bunyodkor" futbolchisi Eldor Shomurodov sariq kartochka oldi. To‘xtaxo‘jayevni tepib yiqitgani uchun |
| 60' | |
"Bunyodkor"da yana bir o‘zgarish: Shaker Zuagi o‘rniga Samir Bekrich tushdi |
| 59' | |
"Lokomotiv"da o‘zgarish: Lutfulla To‘rayev o‘rniga Temur Kapadze tushirildi |
| 58' |  |
Olis masofadan yo‘llangan zarbani Ma’mur Ikromov ushlab oldi |
| 57' | |
"Lokomotiv" qarshi hujumda hisobni yiriktirishi mumkin edi. O‘ng qanotdan to‘p olis ustun tomonga o‘tkazildi. Katta Hasanov to‘pni maydonda olib qo‘ydi va Aliboyevga yetkazdi. Ikrom uch futbolchidan o‘tib ketdi va deyarli birga bir vaziyatda sheriklariga pas bera olmadi. Akbar to‘pni egallab oldi! |
| 55' | |
"Bunyodkor"da o‘zgarish bo‘ldi. Sardor Sobirxo‘jayev o‘rniga Eldor Shomurodov tushdi |
| 54' | |
GOOOOOOOL! Jasur Hasanov, 2:0! "Lokomotiv" futbolchilari raqib jarima maydonchasi atrofida pressing qo‘llashdi va Shorahmedov jarima maydonchasi ichida to‘pni Hasanovga oldirib qo‘ydi. Katta Jasur birga bir vaziyatda darvozani ishg‘ol qildi! |
| 53' |  |
"Lokomotiv" burchak to‘pi ishladi |
| 51' | |
Artyom Filiposyan ogohlantirildi. Lutfulla To‘rayevga nisbatan ishlatilgan qo‘pollik uchun. Yarim himoyachiga maydonda tibbiy yordam ko‘rsatilmoqda |
| 47' | |
Penalti sabab bo‘lgan qoidabuzarlik uchun "Bunyodkor" tayanch yarim himoyachisi Sardor Sobirxo‘jayev ogohlantirildi |
| 47' | |
GOOOOOOL! Temurxo‘ja Abduxoliqov darvozabonni alday oldi! 1:0! |
| 47' |  |
"Bunyodkor" darvozasiga penalti! Aliboyevni Sobirxo‘jayev jarima maydonchasi ichida chaldi! |
| 46' | |
Ikkinchi bo‘lim boshlandi! |
| ' | |
Hozircha hisob ochilmadi. O‘yin aynan hisobga mos bo‘lmoqda. O‘yin biroz zerikarli. Jamoalar yopiq o‘ynashmoqda. Hech kim tavakkat qilishni istamayapti |
| 45' | |
Ermatov birinchi bo‘limga qo‘shimcha vaqt belgilamadi. Tanaffus |
| 45' | |
"Loko" qarshi hujumga o‘tayotganida Abduxoliqov ofsaydda qoldi |
| 41' | |
Sobirxo‘jayev chiroyli tarzda Rashidovni to‘p bilan ta’minlagandi, ammo Sardor ofsaydda deb topildi... |
| 40' | |
Shoahmedov maydon markazida Sobirxo‘jayev o‘tib ketib, oldinga yurdi va zarba berdi. Ammo zarba sekin chiqdi |
| 39' | |
Xavfli vaziyat! Sardor Mirzayevning o‘ng qanotdan yetkazgan to‘pni Temurxo‘ja darvoza yaqinida to‘xtatdi va zarba berdi. To‘p rekoshet holatida ustun yonidan o‘tib ketdi! |
| 37' | |
Chapaqay Hasanov o‘z qanotidan oldinga o‘tdi, ammo uzatma berishni qoyillatmadi |
| 35' | |
Temurxo‘ja jarima maydonchasi chizig‘i ustida yo‘llagan zarba himoyachidan maydonni tark etdi. To‘p burchakdan yetkazilganidan keyin Lutfulla yaqin masofadan bosh bilan zarba bera olmay qoldi. |
| 33' | |
Kichik Hasanov o‘ng qanotdan yetkazgan to‘pni himoyachilar maydon tashqarisiga qaytarishdi. Takroriy hujum paytida to‘p chap qanotdagi Jasurga yetkazildi. U Shorahmedovni aldab, o‘ng oyoqda zarba berdi. To‘p himoyachiga tegib qaytdi |
| 30' | |
Rashidov jarima maydonchasi tashqarisidan yo‘llagan zarba darvoza ustidan o‘tib ketdi |
| 30' | |
"Lokomotiv" burchak to‘pini o‘yinga kiritdi. Akbar musht bilan to‘pni urib yubordi |
| 28' | |
Temiryo‘lchilar yaxshi hujum tashkil qilishdi. Katta Hasanov jarima maydonchasida ochilgan Temurxo‘jayev pas bilan ta’minladi. Ammo hujumchi sheriklariga aniq uzatma bera olmadi |
| 27' | |
Filiposyan himoya chizig‘idan turib chap qanotdan oldinga o‘tayotgan Rashidov tomon uzatma berdi. Sardor to‘pga yeta olmadi |
| 25' | |
Ehhhhh, Dostoooon! Mehmonlar tezkor hujum tashkil qilishdi: Rashidov chap qanotdan to‘p bilan jarima maydonchasiga kirib bordi va olis ustun tomonda ochilgan Hamdamovga uzatma berdi. Doston o‘tkir burchak ostida darvozani ishg‘ol qila olmadi |
| 23' | |
Kichik Hasanovning o‘ng qanotdan uzatmasiga Temurxo‘ja yeta olmadi. Shundan so‘ng Shorahmedov to‘pni jarima maydonchasidan uzoqlashtirdi |
| 22' | |
"Bunyodkor" yaxshi hujum tashkil qildi. To‘p chap qanotda jarima maydonchasi chizig‘i ustida ochilgan O‘rinboyevga yetkazildi. Zabihilloning zarbasini Ikromov ikkinchi urinishda egallab oldi |
| 20' | |
Abduxoliqov "Bunyodkor" futbolchisiga nisbatan fol ishlatdi. Ermatov uni og‘zaki ogohlantirdi |
| 19' | |
"Qaldirg‘ochlar" maydon egalari darvozasiga yaqinida to‘pni olib qo‘yishdi, ammo imkoniyatdan foydalana olishmadi. O‘rinboyev ofsaydda qoldi |
| 17' | |
Burchakdan yetkazilgan to‘pni Akbar To‘rayev egallab oldi |
| 16' | |
"Loko" qarshi hujumda burchak to‘pi ishladi |
| 15' | |
Jarima maydonchasiga kirgan Rashidovni to‘p bilan ta’minlashdi, ammo Sardor ofsaydda qolgandi |
| 13' | |
Dastlabki xavfli vaziyat! "Bunyodkor" futbolchilari mezbonlar jarima maydonchasi atrofida to‘pni egallab olishdi. Sato jarima maydonchasi chizig‘i ustida ochilgan Hamdamovni zarbavor vaziyatga chiqardi. Dostonning zarbasi to‘g‘ri Ma’mur Ikromovga bordi |
| 12' | |
Ikrom Aliboyev 20 metrlardan noaniq zarba yo‘lladi |
| 11' | |
Sardor Mirzayevning burchakdan uzatmasi muvaffaqiyatsiz chiqdi: To‘p qarama-qarshi tomondan maydonni tark etdi |
| 10' | |
To‘p bilan ko‘proq mezbonlar bo‘lishmoqda. Ular hozir burchak to‘pi ishlashdi |
| 6' | |
Lutfulla To‘rayev 22 metrlardan zarba yo‘lladi. To‘p darvoza ustuni yonidan o‘tib ketdi |
| 5' | |
Islom To‘xtaxo‘jev yo‘llagan zarba darvoza ustidan o‘tib ketdi |
| 4' | |
Miloshevich katta Hasanovni yiqitdi. Davrozagacha 26 metrlar... |
| 3' | |
"Bunyodkor" chap qanotdan hujum tashkil qilishga harakat qildi. Sobirxo‘jayevning uzatmasiga Hamdamov yeta olmadi |
| 1' | |
Rashidovning jarimadan zarbasi o‘ta va o‘ta noaniq bo‘ldi |
| 1' | |
Katta Hasanov Rashidovga nisbatan o‘yin qoidasini buzdi |
| 1' | |
O‘yin boshlandi! |
| ' | |
O‘yinni "Bunyodkor" boshlab beradigan bo‘ldi |
| 15:59' | |
Diqqat, jamoalar va hakamlar maydonga chiqib kelishmoqda. |
| ' | |
"Lokomotiv" stadionida bugun muxlislar unchalik ko‘p emas. Taxminan 2 ming atrofida ishqiboz tashrif buyurgan |
| ' | Futbolchilar mashqlarni yakunlab, kiyinishxonasiga yo‘l olishdi. Maydonga esa suv sepilmoqda. | |
| ' | |
Bugun "Lokomotiv" oq, "Bunyodkor" esa to‘q ko‘k rangli formada harakat qiladi |
| ' | "Lokomotiv" stadioni maysasi ideal holatda. Yam-yashil gilam desa ham bo‘ladi. Ob-havo ham yomon emas. Havo sal dimroq va issiqroq, biroq yengil shabada ham esib turibdi. O‘yin uchun barcha narsa muhayyo. Jamoalardan chiroyli o‘yin talab qilinadi xolos | |
| ' | Ayni damda "Lokomotiv" va "Bunyodkor" futbolchilari maydonda chigalyozdi mashqlarini o‘tkazishmoqda. Hakamlar esa bunday mashg‘ulotni o‘tkazib, kiyinish xonasiga yo‘l olishdi | |
| ' | |
"Lokomotiv" stadionining matbuot lojasidan matnli onlayn translyasiyani boshlaymiz |
| ' | |
ASSALOMU ALAYKUM, QADRLI FUTBOL MUXLISLARI |
| Asosiy saxifa |
|
© STADION.UZ Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart. Blogdagi materiallar uchun blog egasi, xabarlar ostidagi fikrlar uchun foydalanuvchining o'zi javobgar. |
|