Onlayn translyasiya
Sahifa har 1 daqiqada avtomatik yangilanadi.
Oliy liga
| 9-tur, 12 may, soat 17:00 | ||
LOKOMOTIVTemurxo‘ja Abduxoliqov (13)
|
1 : 0 |
PAXTAKOR |
| JAMOALAR TARKIBI | ||
|
01.Ignatiy Nesterov 05.Kaxi Maxaradze 08.Server Jeparov 10.Marat Bikmayev 11.Temurxo‘ja Abduxoliqov 15.Sardor Mirzayev 17.Salim Mustafoyev 18.Timur Kapadze (S) 20.Islom To‘xtaxo‘jayev 22.Sanjar Shoahmedov 33.Oleg Zoteev |
01. Nikita Ribkin 04. Adnan Oraxovas 07. Azim Ahmedov 09. Jaloliddin Masharipov 11.Igor Sergeev 14. Jamshid Boltaboyev 15. Javohir Sohibov 21.Kamoliddin Tojiyev 24.Davron Hoshimov 29.Vladimir Kozak 48.Temur Tolipov |
|
| ZAHIRA | ||
|
12.Ma’mur Ikromov 7.Sadriddin Abdullayev 21.Doniyor Usmonov 28.Ikrom Aliboyev 29.Quvondiq Ro‘ziyev 37.Sherzod Fayziyev 44.Sergey Proxorov |
12.Temur Jo‘rayev 02.Ibrohim Abdullayev 05.Akbar Ismatullayev 08.Sherzod Karimov 17.Akobir To‘rayev 19.Suhrob Berdiyev 20.Anvar Soliyev |
|
Matn
| 90+4' |  |
O‘yin yakunlandi. "Lokomotiv" juda murakkab kechgan o‘yinda "Paxtakor"ni mag‘lub etdi |
| 90+3' |  |
"Paxtakor" ajoyib qarshi hujumdan foydalana olmadi. Fayziyev xavfni bartaraf etdi |
| 90+2' |  |
Vaqtni cho‘zgani uchun Jeparov ogohlantirish oldi |
| 90+2' |  |
Mezbonlar burchak yonida jarima to‘pi ishlashdi |
| 90' |  |
Ikkinchi bo‘limga 4 daqiqa qo‘shildi |
| 90' |  |
"Lokomotiv"da o‘zgarish: Marat Bikmayev o‘rniga Doniyor Usmonov tushdi |
| 89' |  |
Karimov burchak to‘pini o‘yinga kiritdi. Masharipov bosh bilan bergan zarbadan keyin to‘p to‘rga yuqori tomondan kelib tushdi |
| 88' |  |
Mehmonlarning navbatdagi hujumi bartaraf etildi |
| 87' |  |
Marat Bikmayevning tomiri tortishib qoldi. |
| 85' | |
Sanjar Shoahmedov sariq kartochka oldi. Hushtakdan so‘ng to‘pni tepib yuborgani uchun. Bu vaqt cho‘zish hisoblanadi |
| 84' | |
Masharipov o‘ng qanotdan uzatma berdi. Ignat to‘pni egalladi |
| 82' | |
Javohir Sohibov ogohlantirish oldi. Qarshi hujumga o‘tayotgan Shoahmedovni tortib yiqitdi |
| 81' | |
VUUUUH! Karimov chap qanotdan bergan uzatmani Nesterov musht bilan urib yubordi. To‘pni Masharipov egalladi va 15 metrdan zarba berdi. To‘p darvoza ustidan o‘tib ketdi |
| 80' | |
Sherzod Karimov ogohlantirildi |
| 79' | |
Ikrom Aliboyev ogohlantirish oldi |
| 78' | |
"Lokomotiv"da o‘zgarish: Sardor Mirzayev o‘rniga Sherzod Fayziyev tushdi |
| 76' | |
"Paxtakor" ijrosidagi burchak to‘pi hech kimga tegmay, narigi qanotdan maydonni tark etdi |
| 75' | |
Vuuuuh! Berdiyev ikki himoyachi orasidan o‘tib ketib o‘ng tomondan darvozabon maydonchasiga yaqinlashdi. Uning zarbasidan keyin to‘p himoyachining oyog‘iga tegib, o‘z tezligini pasaytirdi. Natijada to‘pni Nesterov egalladi |
| 73' | |
Bikmayev "Paxtakor" jarima maydonchasi ichida yiqildi. Ammo penalti yo‘q |
| 71' | |
"Lokomotiv"ning xavfli hujumi. Vaziyatdan foydalana olishmadi |
| 70' | |
"Paxtakor" himoyachisi Kamoliddin Tojiyevga tibbiy yordam ko‘rsatilmoqda |
| 69' |  |
VUUUUUUUUH! Sherzod Karimov jarimadan ajoyib zarba yo‘lladi. To‘p ustunga tegib, maydonni tark etdi. Nesterov joyida qotib qolgandi |
| 68' | |
Shundoqqina "Lokomotiv" jarima maydonchasi chizig‘i oldida Karimovga nisbatan Maxaradze fol ishlatdi |
| 65' | |
"Lokomotiv"da dastlabki o‘zgarish: Temurxo‘ja Abduxoliqov o‘rniga Ikrom Aliboyev tushdi |
| 62' | |
"Paxtakor" burchak to‘pini o‘yinga kiritdi. Kapadze bosh bilan qaytardi |
| 61' | |
Vuuuh! Sardor Mirzayev chap qanotdan jarima maydonchasi yarim aylanasi tmon siljidi va zarba berdi. Tojiyevga tegib o‘z yo‘nalishini o‘zgartirgan to‘pni Ribkin egallab oldi |
| 59' | |
VUUUUUH! Javohir Sohibov "Loko" jarima maydonchasi ichida zarba berdi. Nesterov to‘pni qaytardi. Kaxi to‘pni vaziyatdan uzoqlashtirdi |
| 58' | |
"Paxtakor"da o‘zgarish: Azim Ahmedov o‘rniga Suhrob Berdiyev tushdi |
| 57' | |
Masharipov o‘ng qanotdan jarima maydonchasiga uzatma berayotganida to‘p Kapadzening qo‘liga tegdi. Ermatov o‘yinni davom ettirish mumkinligiga ishora qildi. Masofa yaqinligini inobatga oldi shekilli |
| 55' | |
VUUH! O‘ng qanotdan Hoshimov yetkazgan uzatmagani Karimov jarima maydonchasining burchagida qabul qildi va futbolchilarni chalg‘itib zarba yo‘llashga muvaffaq bo‘ldi. Nesterov ikkinchi urinishda to‘pni egalladi |
| 54' |  |
Temurxo‘ja ofsaydda qoldi |
| 54' |  |
"Lokomotiv"ning xavfli hujumi. Mirzayev chap tomondan olis ustun tomon uzatma berdi. Ismatullayev to‘pni bosh bilan qaytardi |
| 51' | |
Jeparov maydon markazida Masharipovdan to‘pni olib qo‘ydi va oldinga yurib, jarima maydonchasiga kirayotgan sheriklariga uzatma berdi. Tojiyev uzatmani qaytarib qoldi. Aks holda Mirzayev va Abduxoliqov darvozabon qarshisida yolg‘iz qolishardi |
| 50' | |
Karimov o‘ng qanotdan oldinga o‘tdi va jarima maydonchasiga uzatma berdi. Maxaradze to‘pni qaytardi |
| 48' | |
Tojiyev kutilmaganda o‘z jarima maydonchasi oldida to‘pni Mirzayevga berib qo‘ydi. Sardorning zarbasini Ribkin egalladi |
| 47' | |
"Paxtakor"ning hujumini mezbonlar bartaraf etishdi |
| 46' | |
Ikkinchi bo‘lim boshlandi |
| 46' | |
"Paxtakor"da o‘zgarish: Temur Tolipov o‘rniga Sherzod Karimov tushdi |
| 45+2' | |
Birinchi bo‘lim yakunlandi. Hozircha "Lokomotiv" - "Paxtakor" 1:0. Tanaffus |
| 45+1' | |
Jeparov burchak to‘pini o‘yinga kiritdi. Ribkin musht bilan urib yubordi |
| 45' | |
Birinchi bo‘limga 1 daqiqa qo‘shildi |
| 43' | |
Xavfli vaziyat! "Paxtakor" chap qanotdan darvozabon maydonchasiga uzatma berdi. To‘xtaxo‘jayev to‘pga oyoq qo‘ydi, to‘p darvoza ustidan o‘tib ketdi |
| 42' | |
"Paxtakor" jarima to‘pini o‘yinga kiritdi. Tolipov yuqoridan yetkazgan uzatmani Ignatiy egallab oldi |
| 39' | |
Vuuuuuuh! Jeparov jarimadan yetkazgan uxatmani Ribkin musht bilan urib yubordi. Darvozabon maydonchasiga yetkazilgan uzatmani Ismatullayev kutilmaganda orqaga urib yubordi. "To‘qqizlik"ka kirayotgan to‘pni Ribkin bir amallab qaytardi! |
| 38' | |
Marat Bikmayevni o‘ng qanotda Masharipov chalib yiqitdi |
| 37' | |
Masharipov mezbonlar jarima maydonchasi ichida to‘pni qabul qildi, ammo ofsayd |
| 35' | |
"Lokomotiv" himoyachilari to‘pni Masharipov oldirib qo‘yishdi. Jaloliddin jarima maydonchasi ichida Islom To‘xtaxo‘jayevni aldamoqchi bo‘ldi va namoyishkorona yiqildi. Simulyasiya uchun Masharipov ogohlantirish oldi |
| 34' | |
Temur Tolipov jarima maydonchasi burchagidan zarba berdi. Noaniq |
| 33' | |
Jeparov chap qanotdan yetkazgan uzatma Abduxoliqovdan o‘tib ketdi, Bikmayev uni egallab olishiga bir bahya qoldi. Kozak xavfni bartaraf etdi |
| 31' | |
Hoshimov Zoteevga nisbatan xavfli o‘ynadi. Ermatov Davronni og‘zaki ogohlantirdi |
| 30' | |
O‘yin maydon markaziga ko‘chdi |
| 26' | |
Sanjar Shoahmedov olis masofadan zarba yo‘lladi. To‘p ustun yonidan o‘tib ketdi |
| 25' | |
"Paxtakor" fan-klubidan qiziq "krichalka"lar yangramoqda: "Ravshan (Ermatov) - "Loko", "Server - petux"... |
| 23' | |
VUUUUUH! Kamol Tojiyev uzatma berayotganida to‘pni Shoahmedovga berib qo‘ydi. Uning uzatmasidan keyin Abduxoliqov 18 metrlardan zarba berdi. To‘p to‘sin yonidan o‘tib ketdi |
| 21' | |
Hoshimov o‘ng qanotdan "Lokomotiv" darvozabon maydonchasiga uzatma berdi. Sergeev to‘pga yeta olmadi |
| 19' | |
VUUUUH! Temurxo‘ja bu safar "Paxtakor"ni kechirdi. Yakkama-yakka bergan vaziyatda zarba berdi, ammo to‘p darvoza ustidan o‘tib ketdi |
| 18' | |
"Paxtakor" gol o‘tkazib yuborganidan keyin o‘yinni stadionda kuzatayotgan Samvel Babayan telefonda gaplashdi. Oradan ko‘p o‘tmasdan o‘zgarish bo‘ldi: Adnan Oraxovas o‘rniga Akbar Ismatullayev tushdi. Temurxo‘ja gol urgan paytda Adnan xatoga yo‘l qo‘ydi. Bitta xato kechirilmadi |
| 18' | |
Masharipovning uzatmasidan keyin Boltaboyev mezbonlar jarima maydonchasi ichiga kirishga harakat qildi. Nesterov chaqqonlik qildi va to‘pni egalladi |
| 16' | |
Davron Hoshimov jarima maydonchasi tashqarisidan aniq zarba yo‘lladi. To‘pni Nesterov egallab oldi |
| 15' | |
Jeparovning chiroyli uzatmasidan keyin Abduxoliqov to‘pni raqib jarima maydonchasi ichida qabul qildi,ammo ofsayd |
| 13' |  |
GOOOOOOOL! Temurxo‘ja Abduxoliqov, 1:0! Jeparov chap qanotdan o‘ng oyoqda uzatma berdi. Hujumchi yaqin masofadan bosh bilan darvozani ishg‘ol qildi! |
| 12' | |
Maydon egalari yaxshi hujumga o‘tishayotgan edi. Shoahmedov o‘z vaqtida sheriklariga uzatma bermadi, undan to‘pni Tojiyev olib qo‘ydi |
| 10' | |
To‘xtaxo‘jayev maydon markazidan turib jarima maydonchasiga kirayotgan Abduxoliqovga uzatma berdi. To‘pni Ribkin egallab oldi |
| 9' | |
VUUUH! Masharipovning jarima maydonchasiga bergan uzatmasidan so‘ng Sergeev o‘tkir burchak ostida zarba berdi. To‘p Nesterovdan maydonni tark etdi |
| 7' | |
VUUUUUH! Jeparov yo‘llagan zarba natijasida to‘p to‘singa tegib, maydonni tark etdi! |
| 6' | |
"Paxtakor" himoyachilari jarima maydonchasi yarim aylanasi chizig‘i ustida Shoahmedovga nisbatan fol ishlatishdi. Xavfli jarima zarbasi bo‘lishi mumkin |
| 5' | |
Masharipov jarima maydonchasiga kirayotgan Tolipovga uzatma berdi. Temur to‘pga yeta olmadi |
| 4' | |
"Paxtakor" o‘ng qanotda belgilangan jarima to‘pini mezbonlar jarima maydonchasiga yetkazdi. To‘pni Nesterov egalladi |
| 1' | |
"Loko" o‘ng qanotdan to‘pni mehmonlar jarima maydonchasiga yetkazib berdi. Oraxovasning oyog‘idan borgan to‘pni Ribkin egallab oldi |
| 1' | |
O‘YIN BOSHLANDI! |
| 16:58' | |
Futbolchilar aylana hosil qilgancha, o‘yinga so‘nggi ruhiy tayyorgarlikni olib borishmoqda |
| ' | |
Mini-qur’a natijasida to‘pni o‘yinga "Lokomotiv" kiritib beradigan bo‘ldi. "Paxtakor" esa maydonni tanladi |
| 16:55' | |
Diqqat! Jamoalar maydonga chiqib kelishmoqda! |
| ' | |
Stadionga tashrif buyurgan muxlislar soni kam. Ancha kam. Tribunalarning yarmi ham to‘lmagan |
| ' | |
Maydon markaziga O‘zPFL bayrog‘i olib chiqildi |
| ' | |
"Lokomotiv" va "Paxtakor" fan-klublari o‘zaro raqobatni boshlab yuborishdi |
| ' | |
Futbolchilar kiyinish xonasiga yo‘l olishdi. Maydonga sup sepilmoqda |
| ' | Ayni pallada jamoalar maydonda chigalyozdi mashg‘ulotlarini olib borishmoqda. Bugun "Loko" oq, "Paxtakor" sariq-ko‘k rangli formada harakat qilishadi | |
| ' | |
Oliyl liganing 9-turi doirasida "Lokomotiv" o‘z maydonida "Paxtakor"ni qabul qilmoqda. Nafaqat turning, balki birinchi davraning markaziy o‘yini. |
| ' | |
Toshkentdagi "Lokomotiv" stadionidan yozamiz! |
| Asosiy saxifa |
|
© STADION.UZ Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart. Blogdagi materiallar uchun blog egasi, xabarlar ostidagi fikrlar uchun foydalanuvchining o'zi javobgar. |
|