Kirish Ro'yxatdan o'tish
20/10 13:17 Mayns 2-0 Ayntraxt Braunshveyg
20/10 13:17 Hannover-96 1-4 Hoffenhaym
20/10 13:17 Bayer 2-1 Augsburg
20/10 13:17 Shalke 1-3 Borussiya D
20/10 13:17 Bavariya 3-2 Gerta
20/10 13:20 Volfsburg 3-0 Verder

Blog

«InterFutbol» gazetasi

InterFutbol gazetasi blogi

MUALLIFNING BOSHQA MAQOLALARI

 

BLOGGERLAR

Surxonga katta futbol qaytadi

Baho:
+0; -0

Qadim Surxondaryoga yana katta futbol qaytmoqda. Bir vaqtlar «Surxon» bilan oliy ligada, «To‘palang» bilan esa birinchi ligada dovrug‘ qozongan viloyat yana o‘z klubiga ega bo‘ldi. Viloyat futboli jonkuyarlari «Surxon»ga qayta asos solishdi va jamoa birinchi ligada ishtirok etadigan bo‘ldi. Ayni vaqtda klub ramzini tayyorlash bo‘yicha tanlov e’lon qilingan va boshqa tashkiliy ishlar olib borilmoqda. Jamoa bosh murabbiyi sifatida yaqin o‘tmishning taniqli futbolchilaridan bo‘lgan Vali Keldiyev tanishtirildi. Hammasi yaxshi kechgan taqdirda «Surxon» birinchi liga bahslariga kirishadi. Kim biladi, deysiz, balki yaqin yillarda uni elitada ham ko‘rarmiz.

Surxondaryo avvaldan iqtidorlarga boy bo‘lgan. Bu o‘lkadan Ravshan Bozorov, Rustam Do‘rmonov, Asad Do‘rmonov va yana bir qator futbolchilar yetishib chiqqan. Viloyatda hozir ham iqtidorlar ko‘pligiga ishonamiz. Ammo har qanday iqtidor egasi ham qaysidir klubda to‘p surishni orzu qilib o‘sishi lozim. Aytaylik, farg‘onalik har bir bolakay «Neftchi»da o‘ynashni istaydi. Xuddi shunday namanganliklar «Navbahor»ga, samarqandliklar «Dinamo»ga va buxoroliklar «Buxoro»ga havas qilib ulg‘ayadilar. Surxondaryolik bolakaylar esa yaqin o‘tmishda aynan shu masalada muammoga duch keldilar. Ularning havas qiladigan, intiladigan jamoasi qolmagandi. Ishoning, futbolchi uchun ruhiy tomonlama buning ahamiyati katta.

Ammo viloyatning o‘z klubi bo‘lmasligi nafaqat ruhiy, balki moddiy jihatdan ham muammolarga sabab bo‘ladi. Yaqinda Chirchiq shahrida bolalar murabbiyi Sherzod Jalolov bilan suhbatlashib qolgandik. U Chirchiqda hech bo‘lmasa birinchi ligada ishtirok etadigan birorta ham klub qolmaganidan yozg‘irdi. Bu esa, o‘z navbatida, yosh o‘yinchilarga futbolda ilk qadamini tashlashda muammo keltirib chiqarmoqda. Yaxshi bilamiz, Chirchiq shahri o‘zbek futboliga juda ko‘p iqtidorlarni yetishtirib bergan.

Biroq oxirgi vaqtlarda shahardan terma jamoa darajasidagi futbolchi chiqmayapti. Sababi nimada? Bu savolga javob berish uchun uzoqqa borish shart emas. Yaxshi bilasiz, besh-olti yil muqaddam Chirchiqning «Kimyogar» klubi birinchi ligada ishtirok etar edi. Bu jamoa o‘z vaqtida elitada ham to‘p surgan. Ammo hozir u yo‘q, tugatildi. Chirchiqlik yoshlar esa qayerda to‘p surishni bilmaydilar.

Davomi: www.interfutbol.uz

InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.

Kiritilgan sana: 18.02.2017 14:22. O'kildi: 8510 marta.
Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o'zi javobgar.