Kirish Ro'yxatdan o'tish

Blog

«InterFutbol» gazetasi

InterFutbol gazetasi blogi

MUALLIFNING BOSHQA MAQOLALARI

 

BLOGGERLAR

Termamiz himoyasidagi jiddiy yo‘qotish haqida

Baho:
+0; -0

Suriyaga qarshi kechadigan o‘yin oldidan noxush yangilik tarqaldi - O‘zbekiston terma jamoasining yetakchi futbolchilaridan bo‘lgan Vitaliy Denisov «Lokomotiv» tarkibida Rossiya chempionatida «Spartak»ka qarshi o‘tkazilgan o‘yinda jarohat olibdi. Yomon tomoni, Denisov jarohat bilan so‘nggi daqiqalarga qadar o‘ynagan. Bu esa vaziyatni yanada chigallashtirishi turgan gap.

Denisov tabiatan shunday futbolchiki, u maydonda yetakchilikni o‘ziga olishga intilmaydi, boshqa jamoadoshlariga dakki berib, tuzukroq o‘ynashga undash unga xos emas. Vitaliy shunchaki, o‘z ishini to‘g‘ri qiladi va murabbiyning ko‘rsatmasini har bir «harfi va verguli»gacha bajarishga odatlangan. Shu bois ham murabbiylar uni juda qadrlaydilar.

O‘zi o‘ynagan barcha klublarda va O‘zbekiston terma jamoasida mudom asosiy tarkibda bo‘lganining boisi ham shunda. JCh saralashining muhim o‘yinlari oldidan terma jamoamiz mana shunday futbolchidan ajralgan ko‘rinadi. Har holda o‘ng oyoq son mushaklarining old qismi jarohatlangan futbolchining 4 kunda safga qaytib, Suriyaga qarshi o‘ynashi oson bo‘lmasa kerak. Xo‘sh, bu yo‘qotish O‘zbekiston terma jamoasi uchun qay darajada og‘riqli bo‘ladi?

Albatta, Vitaliy Denisov muhim futbolchilar sirasiga kiradi. Bejizga uni Rossiya chempionatida «elektrichka», deb atamaydilar. Vitaliy yaxshi jismoniy tayyorgarlik, texnika va tezlikka ega bo‘lgani bois himoyadan hujumga tez-tez o‘tadi va «Lokomotiv»ning asosiy hujumlari aynan uning qanotidan ko‘p tashkil etiladi.

Denisovning O‘zbekiston terma jamoasidagi o‘yini haqida ham deyarli shunday fikr bildirish mumkin. Garchi oxirgi vaqtlarda termaning o‘yin uslubi o‘zgargani bois Vitaliydan ko‘proq himoyada ishonchliroq o‘ynashni talab qilishayotgan bo‘lsa-da, uning hujumkorlik qobiliyati hech qayerga yo‘qolmagan. Kerak vaqtda bemalol oldinga o‘tib, vaziyatni keskinlashtirishi mumkin. Tabiiyki, bunday futbolchining tarkibda yo‘qligi bilinadi. Biroq agar mana shu yo‘qotish hal qiluvchi ahamiyat kasb etsa, bilingki, terma jamoada muammolar bor ekan.

Chunki hech bir futbolchi terma jamoa uchun almashtirib bo‘lmas ahamiyat kasb etmasligi lozim. Chunki bu qandaydir klub emas, yangi futbolchi sotib olish uchun transfer mavsumini kutadigan.

Terma jamoada bir-birining o‘rnini bosadigan  nomzodlar bo‘lishi lozim. Samvel Babayan shundoq ham Eronga qarshi Toshkentda bo‘lib o‘tgan uchrashuvdagi mag‘lubiyatdan so‘ng (0:1) jamoa o‘yini to‘lig‘icha Odil Ahmedovga bog‘liqligi va u yo‘qligi bois mag‘lubiyatga uchralganini gapirib, yurakka g‘ulg‘ula solib qo‘ygan edi. Agarda Vitaliy Denisovning yo‘qligi ham qandaydir muammolarga olib keladigan bo‘lsa, demak hali biznikilar jahon chempionatiga chiqishga darhaqiqat tayyor emas ekan.

O‘zbekiston terma jamoasi murabbiylar shtabi JCh saralashida Suriya va Qatarga qarshi maydonga tushadiganlar ro‘yxatini ancha oldin taqdim etib bo‘lgan. Ammo ayni vaqtda tarkibda bo‘lganlardan Vitaliy Denisovning o‘rnini bosadigan futbolchi sifatida faqat Oleg Zoteevni ko‘rsatish mumkin bo‘lsa kerak.

Agar Vitaliy yig‘inda ishtirok eta olmasa, demak uning o‘rniga boshqa futbolchi chaqiriladi. Albatta, nomzodlar bor, ammo ular Denisovning o‘rnini bosa olisharmikan?

Bu hali hammasi emas, davomi: www.iff.uz

InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.

Kiritilgan sana: 23.03.2017 09:47. O'kildi: 7582 marta.
Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o'zi javobgar.